白話

唔係哩...我真係想打blog架...我太忙之嘛~~真係忙到要用口語hea打呀呢篇~~嗯~~真係好啦，久違了的口語~~

回覆：
toto~嗯!!!多謝你呀!!!雖然唔係好明你個留言係關於咩......哈哈

娟娟媽~好野唔怕少既!!the verve出過兩隻，kula shaker出過兩隻，the sex pistol準確d黎講出過一隻，散晒~~

阿cat~有呀!!!家肥話佢俾人睇中左個屎忽，好大機會有show出架如果佢餵得飽人既話...唔唔....

tiffany~很久沒收到你的留言了，謝謝你哦~~生活精彩嗎？其實只是我把最精彩的都拿出來說了，只佔生活上十分之一的時間，其餘都是無聊到發瘋....你讀書辛苦嘛？雙學位哦~~

汶汶~其實我係睇完你留言先決定要去睇架...

rain now~from a great height.................god loves his children yeah~!!!(而家聽緊，paranoid andriod係冇得頂架...最衰radiohead唔會再黎!!)

哈哈~唔知係咪第一次去信和都會帶有好運既呢？我記得第一去阿叔果度買碟時，竟然有hot hot heat。上星期六係toto第一次去，佢竟然開口中，一搵就搵到隻chris botti，仲帶埋好運俾我，我搵到scissor sisters的新碟ta-dah同埋sigur ros的takk...。前者我就擺到明唔會買新碟架啦，但係有二手既話就扑硬果d黎既~~後者我係等手頭鬆就即買新果一種黎既，話晒sigur ros既碟，我先得一隻，就係暉暉送果隻( )。原來toto唔止帶左好幸俾我，仲帶埋俾肥莊~!!阿叔度竟然有stone roses既dvd呀!!!!兩隻dvd架，減左$10後都係$80，即call肥莊啦~佢當然都冇放過，可能阿叔講話"好難搵架啦"既關係。

(最近令我聽得有賞心悅目既感覺的scissor sisters)

好耐冇去買碟，一去就搵到好野，都真係幾開心~~要多謝新手toto嘛，哈哈~!!!

週末兩日假期，真係頹到爆。星期五晚冇返屋企，因為阿爸阿媽返左大陸玩，但係阿妹又冇上，咁我返去都冇咩意思。結果第二朝11點幾起身食組媽早餐之後接連住再去島仔同阿yung食晏。食完我係諗住去拉巴溫下書做下野架，結果？返左房訓到唔捨得醒。

我發覺，我有唔想醒既壞習慣啦。以前係屋企，張床係半空架嘛，電話較左鬧鐘放係下面張書台，電話一響就要走落地下去整熄佢，之後多數都唔想爬返上床架啦。但係而家係hall，就算訓係床上面，隻手向後伸一伸，唔好話電話呀，電話個充電火牛都可以拎到，有咩理由唔令我整熄個鬧鐘繼續訓架大佬。

過左只係食同埋訓既星期六後，去左阿輝度過夜。諗落，過左世界杯之後，都好耐冇上過去啦。世界杯果段時間，其實都幾麻煩到佢。如果佢鍾意熱鬧就話姐，叫到成屋都係人，而且個個都叫到拆天咁，真係.....如果係我一早發火.....

果晚俾佢迫左我去睇怪談，變態架!!!車路士話：果集都唔恐怖~~咪係囉唔恐怖有咩好睇姐，恐怖就更加唔好睇!!!所以怪談呢個節目係點都唔好睇架~!!大家清醒下啦!!!車路士你清醒下啦咁大個人(你係咪84年出世姐？)!!!龍哥你都清醒下啦~!!!睇得多會甩頭髮架呢d節目!!!(阿明同patrick今日上lang果時...真係......)

(果次食泰國野呀~~點解我手機影到咁既色架....)

上完中文呀岩岩，而家返黎再打埋先，要快d啦，如果唔係英文作文都唔知點死!!!頭先中文班的同學仔好好人咁借份成語功課俾我去影印，嗯~呢個世界係美好既~~應該~~

美好既美好既，起碼定左星期五會去睇戲先啦肥莊~~

講到咩呢？呀，講到星期六勁頹，星期日又何嘗唔係呢？由阿輝屋企走既時候，我已經發覺自己冇帶屋企條key啦。唔理，阿妹可能係屋企呢....打返去冇人聽，唔理，佢可能去左聖堂姐....返到去按門鐘，冇人應門....冇得唔理架啦....諗住搵晴晴食個飯再算啦，佢飲緊茶....舅母同我講(住隔離架ja)，阿妹去左camp wor~~

蝕知!!!別豬!!!唔hi!!!冇牽!!!(呀...後面果兩句好似唔關事...算...)果晚要表演，但係衫呀鞋呀都係屋企入面，點搞!!!我又好討厭等待呢種感覺wor，冇野做，坐係度，點算好。結果，我出返bu拎key，真係好白痴呀........坐車都坐到呆左...返到hall唔想再對住部電腦呆咁耐啦，搭到去葵芳落車搵左間茶餐廳食個午飯。

(著住suit吹野硬係好似唔多舒服咁...)

我覺得自己愈黎愈似果d中年男人啦....一個人去茶餐廳食飯，同人搭台，眼神唔會有交流，各自各食自己個快餐，各自各望自己望到果邊部電視。眼係望住部電視既，但係唔係睇緊電視就自己先知。

果日，無線做"帝女花"。果d阿姐，一見到即刻話："喂，係咪帝女花呀?" "一睇就知係啦~~白雪仙果套嘛" "唔係，佢徒弟果套黎架~" "係呀係呀，仲有梁省波做~" "呢度講到引清兵入關嘛~~" "咩呀，放李自成入黎呀..." "最好睇都係香夭果度架啦~~" "嘩...真係好耐之前啦...."

你估下到左我地四十幾歲既時候，有咩野可以令到人人都咁有共鳴？
呢套？"喂，係咪無間度呀?" "一睇就知啦~~劉華果套嘛~~" "係呀係呀，仲有黃秋生做黃sir" "呢度講到梁潮偉認得佢寫錯字個file嘛" "咩呀，係傻強寫錯架..." "最好睇都係最後天台果度架啦~~" "嘩...真係好耐之前啦..."

(有冇邊個有睇我blog又唔識阿輝既呢？左邊果個就係阿輝啦，即係我契哥，就生日...點算.....)

6點幾去到poly，8點先開show，fb出果part係8點十...咁我咁早去做咩野....又未食野，餓到唔餓啦已經~~好，夠鐘出啦，一d都唔緊張，一d都唔興奮，一d都唔期待。玩兩首歌仔，夾埋唔知有冇十分鐘，拿拿臨吹完返入後台收野走得!

點解個感覺咁既??係咪感覺都冇，好似去返工咁，做完自己要做既野就算，一d achievement都感覺唔到，做咩事......係咪太多年冇上台呢？冇理由架應該仲緊張架......可能我只係微不足道的第五位小號手.....