sfhang:it's always better on holiday!!!

關於啤酒，我想說的是...

2011-08-15T19:18:00.002+08:00

剛才跑步，見到一個年輕女生，身穿白色貼身汗衣，螢光粉紅色的運動型乳罩很顯眼，加上那條緊身如legging般的運動長褲，還有臉上的淡壯，除了另一眾麻甩未能專心跑步，亦令我懷疑：馬子你是真的來跑步嗎？

但當我千辛萬苦跑完那似是永遠跑不完的(哲學問題)十個圈後，粉紅乳罩仍在不遠處搖晃。她跑得雖慢，但時間比我跑還長。

這就是跑步。大肚腩禿頭肥佬、骨瘦如柴阿怕、三五成群師奶們，只要有手有腳都去跑(還是沒手的都可以跑呢?)。

我在yr3是看了村上春樹後就開始跑，跑了大約半年，就因為各種原因而暫停。那暫足足有兩年之久，到兩個月前才屎忽痕又跑過。

做hon pro、找工作、見工、返工、出團、返早、返夜、睇波、打波、肚餓、食飯、急屎、痾屎等都是我不去跑的原因，計過，大約有一萬九千個。

而跑的原因，只有一個。

我想跑。(好有型)

什麼健康、減肥、練心肺，太多其他活動都能達到這些目標。

我想跑，因為我不想每天只是"收你500增值100而家有78.4找返你400多謝"般機械人生活；我想跑，因為我隻手叫我郁我隻腳叫我郁我阿媽叫我郁連唔郁既小馮都叫我郁；我想跑，因為我不想利物浦花大筆錢買了好貨仍只能打和新特籣；我想跑，因為我不想承認自己的no long......

我想跑，因為我不想承認自己的不詳。

我想知道我能跑多遠、跑多久。

或許跑半年後，又會因為做hon pro、找工作、見工、返工、出團、返早、返夜、睇波、打波、肚餓、食飯、急屎、痾屎等暫停一會。

但當我想念那粉紅色運動型乳罩時，我會再穿起跑鞋落樓。我會的。

哥去的不是旅行，哥去的時寂寞

2011-04-27T15:55:00.002+08:00

都說我假期太多，但朋友太少(錢也是...)。在4月尾的7天假期，我決定用3天到開平走走。當我跟朋友家人說我玥自己去旅行，他們都覺得很奇怪。其實我只是不想悶在家裡，而且世界那麼大，總想到處走走看看。

在旅途中，我不停想，這樣的旅行好玩嗎？有意義嗎？不會悶嗎？很寂寞吧...

人多熱鬧自然好玩，但大家去旅行的目標未必一致。你想看什麼什麼，我想吃這個那個。都說結婚前，先和你的伴侶去個悠長旅行，那是見真章的好機會。自己去旅行，除衫數肉，我要吃吃吃就吃吃吃，要在半夜看波就不雕睡覺，沒事做在CAFE喝咖啡西瓜汁看城市畫報誰管我!爽!

只是，在吃吃吃時，煲他飯的美味令我想起廟街，還有一起去廟街的她。此時此刻，如能跟你分享比廟街更出色的味道有多好。當我在旅館看廣東台重播利對阿的賽事，想起一大班男人為利的迫和尖叫，啤杯都差點撞爛。在CAFE，一邊看城市畫報，一邊想起第一次買此雜誌是跟大學的豬朋狗友在北京五道口購物中心內的書店買的，從而思路走到清華的5個星期，近春園的3張床，還有腳上那條疤...

所以，哥去的不是旅行，哥去的是寂寞

食得成

2011-04-10T12:13:00.002+08:00

生日飯終於吃得成，真感動~由12月的林大帝，到3月老爺肥子以及4月的波特，數數手指又5個月。再過3個月，我都25啦...YOTSR所說的half 50...這組織內的人口很臭，笑人唔使本。但隨著個個都half 50，今年開始變成forever half 50 birthday party，真有那麼怕老嗎麻甩們？

還在讀書時，搞生日慶祝活動難度不大。到各自工作，雖然有facebook的event幫手，但有些悲慘的人(eg.我)要返shift，有人要返part time，要聚在一起吃餐飯，都說不上是容易。

YOTSR成員十居其九都住屯門，以至活動經常衝不出屯門，什至是SF ZONE...其實，有很多人都不知道什麼是YOTSR、SF ZONE吧...

YOTSR由一班有上進心，對知識充滿渴求的有為青年組成。為追求無窮無盡的知識，成員曾每天由早到晚流連仁愛堂自修室，旁人被這班小伙子的熱誠所感動，固稱他們為YOTSR：Y熱 O愛 T知 S識 R呀~

SF ZONE源自"熱愛知識呀"當中一位成員非常嚮往到san francisco的一所大學進修而改了個SF稱號，而該成員住的那一區便叫SF ZONE。

近兩年由於有成員合租單位，自然成為新的聚腳點。而且找到新的美食，已少有到SF ZONE聚會。昨天來來去藍地燒的，但活動發起人老爺改變主意，因人多勢眾，藍地燒此等高級餐廳或許未必合適。就改到SF ZONE歷史長久的泰好味。

好一段日子沒去泰好味啦，希望質素KEEP到~多年來吃的都是那幾味：แม่น้ำทอด、ข้าวผัด、เนื้อหมู、Yin ดง...第一輪的十多道菜在蝗虫們狂風掃落葉之下，不消30分鐘只剩下肥莊最愛的PAI THAI...叫多一輪是肯定要的，因為波特還未到。

林大帝落ORDER，每個菜都來DOUBLE，果然同呀人呀又唔同呀命~~第二輪攻勢到一半，波特終於來~好久沒坐下來一起吃餐飯，說些無聊到極的笑話，取笑一下家肥，喂兩口啤酒，再取笑多一下家肥，很快樂~

到大家吃到想飽死之際，老細終於出手，不停開啤，幫我們倒到滿滿，剩下少少留給自己就跟我們"堅冇女"(乾杯)....隨後又迫我吃泰式韭菜餃，再拿MANGO WITH STEAKY RICE結我們做甜點，以上說的都是免費...他到底要不要賺錢呢?

2011-04-09T16:59:00.001+08:00

2011-04-09T16:59:00.000+08:00

二十個半

2011-03-29T22:12:00.002+08:00

自從清邁回來後，我就一直想去旅行。所以開始了節衣縮食的生活，每天都是帶飯帶飯。可是，上天就是要考驗我。

今天，我在客務中心又神奇地遺失了一百一十大元...唉...貼錢返工真的很痛苦，特別在努力儲錢的時期。其後老鼠車壞車(我親眼見到出錯PIDS~哈)、售票機食錢等，都令我的工作變得充實，整個大堂間都冇停手，想在間亭喝口茶的時候都找不到...但沒有沖淡我損失一百一十元的悲傷，反之擴大...

放工後，要做點什麼調整心情。肥莊找我去射波，我覺得很好呀，可惜波在S哥手中，S哥6點多才下班，早抖。呀~那天阿哥拿了兆畦的匙哦，我們可以上去坐坐吹下水打下機~但阿哥的回應是...已還了...OK...

唉...我已算不錯的，坐鐵免費，就坐到旺角愉林看看書吧。今天29號，城市畫報好像28號就出，殺上去找。一開門就是雜誌架，似是告訴我：唔使搵啦死心啦你...算，打下書釘也不錯~在簡體那邊，e~馬家輝出了新散文哦~又是一本遊記一本講電影，印刷精美，且有大量他的snapshot，再看價錢，七十幾蚊本???榆林開價愈來愈高哦...我要先看錢包有多少錢，e?唔見左???呀!我放了在制服的腰袋呀...因為今朝要貼錢所以把錢包放那，放工忘記取回...所以還在公司locker...

我即刻伸手入褲袋，二十個半，仲有pass，唔...未死得。沒錢，書釘也不想打，回家。去旺角東途中，經過花園街，吃了串很咸的魚皮餃，胃打開了.....還有十四個半，可以吃!突然，眼前出現了3個字：酸辣粉~再看價錢：十四蚊!!!太好啦~我夠錢呀~~

那個酸辣粉檔，在旁邊租多個吉鋪放台，讓人站著吃，而我選擇企出面台，空氣流通點~當我一邊吃一邊看他的雜誌介紹~哈哈~我見到被朦了眼的tommy~早前在facebook都看過那遍介紹，朦了眼更過癮~

酸辣粉很麻，但好像不夠酸，但喝兩口湯又覺得剛剛好~吃到一半，搭台來了兩位似是新移民的女人和一個小朋友，他們一人一碗，小朋友吵著要吃時，又真的讓他吃上一兩條~細細個咁食得辣，堅。我吃到尾聲，拿起碗喝湯時，我見到她們一邊看我一邊笑，似說咁都飲得落...其實我是不捨得，只好頂硬上喝兩口...我跟她們說：笑咩呀笑大陸婆!返上去啦香港唔歡迎你地呀!買撚晒d野，搞到咩都咁貴，有錢唔係大晒架我同你講，我身上得返5毫我都有權食酸辣粉既....

當然我沒有這樣做...雖然今早工作時被大陸遊客煩擾，但不是這兩位的錯。
事實上我以笑回應：真係好辣...
她們：係囉~咁你都仲飲得落!
我：阿細佬仲勁wor細細個咁食得辣既~
她們：係囉為食到死哈哈哈~
我：哈哈哈~

我記得，我寫過要將開心放大。對我來說，吃酸辣粉時，可以見到tommy，又可以跟陌生人對話，是很值得放大~

其實返shift也不錯

2011-02-26T01:39:00.002+08:00

其實返shift也不錯。

早兩星期前，我要返夜班，下午5：30才到大窩口的我，早上8時多已起床，因為約了小馮到IFC看電影~到IFC看電影...很中產吧~!嘿...我想看的那套戲只有數間電影上畫，而且每天只有一場，太難就時間了...難得找到時間，再苦苦相求之下，才能成事。

身為其下一名職員，出IFC當然選乘心繫生活每一程的香港鐵路，由兆康站到南昌轉東涌線到香港站都不用一小時，節省了時間，讓我可到兆康有名的二合茶餐廳享受吉豬拼餐肉雙蛋加熱奶茶早餐，果然一路帶動生活哦~(請加我人工)

IFC PALACE真的很中產...布置很中產，座位很中產，買票的很中產，連賣票的人都很中差...我只能說，那不是我能生存的世界，我只適合在看過電影後可立即吃到煲仔飯的地方。

當領隊時，在counter可以見到很多可笑的地面，最經典的莫過於顧客查詢何時有羅浮交怡的團，或者問去塔里島要多少錢。比較新鮮的是問"康師傅"帶的美食團仲有冇位?(舊公司時不時會有"高師傅"帶團)康師傅帶團?吃川辣牛肉味杯面跟冰紅茶嗎?

我想說的是，那天在PALACE買飛時，我跟很中產的賣飛姐姐說：兩張十一點的Anywhere呀唔該~ 姐姐微笑著說：係咪Somewhere呀柒頭??

明明柒頭二字她沒說出口，但我聽得到......

看過電影，要吃午飯。中環我們只知道一間餐廳，就是cafe o，很久沒去啦，剛拍拖時吃過一兩次，之後都什少走出港島。吃了小馮說的常餐，就是牛肉千層面加square m size的pizza。跟以前有一點分別，就是從前我們很健康地喝果汁，現在老了，要加速血液循環，改喝啤酒，更健康。

不知道我們倆何時愛上一起喝啤酒，12月到澳門時我們在官也街不是買手信，而走去喝啤酒，在中午日光普照的時間喝上一兩杯，真有點像地盤佬。

兩個地盤佬無事可做，決定沿山路走到動植物公園~有很多事物，小時候都覺得很大很大，長大了卻發現完全兩回事。仁愛堂的25米游泳池，小學時在那裡上游泳初班，最後的考試要由左池邊游到右池邊才算合格，但我當時就覺得那距離等於由尖沙咀到中環，是要坐渡海小輪才能到達的。

動植物公園亦一樣。那天跟小馮逛了一圈，怎麼比屯門市鎮公園還小？那為何小學旅行要走到老遠呢？到市鎮公園不會更方便嗎？印象中公園的動物是那些不可愛的靈長類，但當天我們發現了園來竟有十分十分可愛的浣熊!!!小馮看到說明板上寫：浣熊的名未由來是因為牠們經常洗東西。眼下那隻浣熊，真的拿了一小塊面包在水池中洗兩洗才吃~

走過動植物公園，我們竟然興起要過對面的香港公園~香港公園最"好看"的，當然是那個什麼雀鳥天堂吧。在一大個鳥籠中，無數的雀在飛來飛去，對我來說，真的十分恐怖。唉...我知道自己好無用，只要不是在陸地上行走的生物，我都會由心發出恐懼......恐懼程度只在冬姑之下......

在極度恐慌之下走出鳥籠，酒精發作之下的兩個地盤佬，睡意突襲，結果找了一張木長椅，兩口子坐下來，靠在一起睡了個中午覺~睡了多久也不知道，只知道..感覺蠻不錯~

5:30回到大窩口開工，感覺很奇妙，好像一天可頂兩天用哦~

識少少扮代表

2011-02-24T21:38:00.002+08:00

我有一個很壞很壞的習慣，就是識少少扮代表。

在遠古時代，初認識小馮的情敵肥莊時，就知道他看NBA，但不知道看到哪一個程道。在一頓午飯中，我對他大談自己那不知所謂的見解，什麼"馬剌好悶打黎打去都係咁"或是"我很喜歡火箭因為有姚明而且他很高"等，記得當時的肥莊只是簡單地對應兩句。

後來認識深了，知道肥莊在大學主修的是NBA研究時，我覺得很羞恥。雖然我在大學主修經濟，但我不懂經濟...不過這是我個人的問題。其實這個個人問題真不太好。早前看家姐歐遊的相片，見到一張是她站在一幅畫前，然後caption是：在大學時曾經寫過essay關於這幅畫。oh~!!!!!這實在太有型了~!!!下次我到大陸旅行時，亦可拍張照片放上facebook，然後caption打：我篇畢業論文就係研究呢個地方既旅遊業同經濟既關係架啦~唔.......好柒.......

暫不討論這問題，再談一下我的識少少扮代表經驗。記得有一天，坐在我旁的同學突然問我：你有冇聽開band架? 我：er...都有既.... 他：咁就岩啦~我呢排聽緊隊band好正，叫MR.。

當時MR.剛出道，我沒有聽過。但從聽到改編歌曲"這是我的生命"，我就知道不得了!人家稱他們宇宙巨BAND也真是實至名歸~只可惜當日的我壞習慣又發作，識少少扮代表的心理浮現，覺得這什麼本地pop rock，跟我聽的國際知名樂隊不能相提並論。怎料到，國際性也比不上宇宙級!

這令我失去了早認識MR.的機會，正所謂早聽早享受。我遲了那麼多，損失了多少個一秒？多少個感動？令我多少個日夜未能歡笑亦不能盡興?

健康膚色

2011-02-02T14:29:00.002+08:00

到底何時開始，全港女生的雙腿都變了黑色？

我認為在legging還未興起時，女生穿短裙的比例比較少，始終穿這玩意需要自信加點勇氣。自從legging現身，女生們如獲至寶，短裙、超短裙、及x裙都不怕，毫不吝惜，自信心返晒黎，美腿盡展現，大請麻甩佬的眼睛吃雪糕。

其實legging時代跟SARS時代有點相似。SARS時每個不想死的人都會帶上口罩，不帶的人都應該是已染病而想到處傳染找人陪葬的，跟染了愛滋病然後去一夜情又不帶套如出一轍。當年中五的我帶著口罩考會考的確不太爽，但我不討厭它，因為它令全港靚女數目陪增。

男生"在街上觀賞女生"是天生。根據家姐曾叫我看的一本類似"男女大不同"這類的書中提及，由於早在茹毛飲血年代，男生都是在野外空曠的地方一眼關七，尋找獵物，當中所練到一些技能會一代一代遺傳到現金社會，所以我們本能上會在大街上一眼關七。

而SARS期間，帶口罩絕對是一個雙贏的局面。女生成功將臉的三分之二遮掩，五官都只剩下眼及耳。耳仔大多問題不大，不是兜風就可以。所以那時期女生們都省下不少功夫，只將化妝集中在雙眼便收工。而且，大眼的當然吸引，彎彎的鳳眼亦很誘人，什至是單眼皮都非常可愛，家家有求，哪種眼睛都有他的追求者。

對男生來說，口罩則加添女生的神秘感，愈是看不到她眼耳以外的部位，就愈想看到，但又怕看到了只會帶來失望，在矛盾掙扎當中，最後選擇相信她一定是個林志玲般的大美人，繼續浸醉在自己的幻想之中。所以我說帶口罩是雙羸。

這跟穿legging真的很相似。穿leggings的女生不用擔心雙腿的皮膚乾燥甩皮，不用怕膚色不夠白，眼看之下不夠滑，更不需要每天剃腳毛，都可以穿短裙現身於全球人口最密集的旺角。而一眾對美腿有所追求的男生當然會感動流涕，特別鍾情於黑C的那班。

然而，我們始終不是在伊朗長大，亦不是伊斯蘭教教徙，不可能長期接受女生都只剩下雙眼，而自己就繼續沉淪在幻想當中。我們不要受束縛，不要受蒙騙，我們追求真相，更追求全相!我們要再一次看到健康膚色的美腿在眼前展現，而不是黑色、桃紅色、紫色，更或是有星星月亮太陽圖案的不明物體!

山度士...

2011-01-04T20:38:00.002+08:00

請告訴我，"卡路士"這三個字很難記嗎?

早兩天，我在荔景站還是attach，跟著一個師姐，她問怎樣稱呼我，我就說卡路士，她說：下?卡咩話?我再說一遍卡路士。她的表情像在說：什麼怪名字呀...

隨後的七個多小時，不知道她叫了我多少遍"山度士"......

早在剛剛落大窩口的時候，站長照例問我有別名嗎？我毫不猶疑就說我叫卡路士。站長說：好，阿張，你今日就跟住呢位師兄啦，有咩就隨時問得架啦阿張。

叫我阿恒還好，叫我阿張我未必能做到反應呀...

叫了廿年阿恒，何來走個卡路士出來？這要從踏入NF開始說起...當年(當年?)入永安，新人踏進NF門口，都會被馬生找來傾他三五七個鐘的計，我當然不例外。馬生：點叫你好？我：阿恆~ 馬生：有冇英文名？

有冇英文名????????有是有，但已封塵，我自己都不肯定怎樣串...CARLOS，這個英文名是被迫之下改的。早在我中二的時候，暑假後開課第一天，英文老師說明天無論如何每人都要有個英文名。第二天朝早，我才醒起要交貨，隨手拿本書取靈感，那就是當年"至GOAL無敵"出的"98年世界杯特別刊"，內裡有不同球隊以及球星的介紹。

說到這裡，大家都會認為我是看到巴西的Roberto Carlos，所以決定改這名字。非也，我是看到哥倫比亞的華特拉馬(Carlos Alberto Valderrama Palacio)而改的~老實說，當時我對球星的認識極為皮毛(而家都係)，只是因為華特拉馬的金色爆炸頭很搶眼就選中他。

所以，我告訴馬生我的英文名是CARLOS，可以叫我卡路士。其後的領隊生涯，我都知道這個名是不好記的。相處了五六天的團友，在香港機場送別的那一刻，都是叫我張生，或更糟的...領隊...

或許，當年我隨手拿起的是我妹的那本朗文英文小學教科書，改個PETER、阿BEN或是阿TOM，都總比現在被人叫錯做"卡樂B"、"卡樂士粟米片"或"山度士"為好。

未死得

2010-12-31T15:16:00.002+08:00

在這個悠閒的星期六下午，打打BLOG是一件賞心樂事~(唔係wor...一陣好似要返尖沙咀做crowd control...)

在這年的最後一天，做做大事回顧也是一件賞心樂事~

對我來說，最大件事都只是工作上的轉變吧。5月尾6月頭，離職的信念愈來愈大，打了一個決定性的電話給家姐。在我廿多年人生當中，每個重要關頭，家姐都擔當一個重要角色。會考時，因為她而選擇了升上陳黃，沒有選修經濟而改讀地理；第一次高考失敗，在她的建議下決定重考；上大學前，她對我說：細路，上到大學盡情玩返夠先啦，考兩次a-level咁辛苦~當然我會照著做，結果三級榮譽畢業(但我諗返起，家姐好似都講過，點玩都好，都應該拎2nd hon先有交代...)。

6月頭，出完只有9位團友的北京團後，再次請教家姐應否轉工，她說：走得就盡快走~隔日，我就將請辭信交給譚生。基本上，我已將家姐神化，每當我感到困擾時，打電話就等於祈禱或求籤，希望從中得到上天的安排。

比較神奇的一件事，就是原來神也需要結婚。家姐於本年12月12日結婚，結束長達多年的愛情長跑。我知道這說法極為老套，但卻是很好的比喻。有跑長跑的都明白(我好耐冇跑)，途中會有"呀~跑步真好呀~"、"嗯~愈跑愈有!"、"好撚攰呀幾時跑完"以及"唔跑啦我真係頂唔順"等的感受，我覺跟拍拖挺相似的。在教堂裡，家姐說那段"無論什麼什麼我都會什麼什麼"時，忍不住要哭，我也大為感動~!終於...終於...神都哭了~!!我知道哭不是簡單地因為終於嫁得出而哭(神是不會因這小事而哭)，當中的原因，凡人如我當然不會明白，總之就是感動~

願世人都因妳的幸福為榮

說回轉工~由專業領隊轉做專業鐵路從業員是非常困難的。因為太困難，所以我未做得到...剛上training時，真想過要走...那個trainer說什麼呀...呀...一點興趣也沒有...好像旅遊更好玩吧...不停在腦中都是這些東西...真要命。但我知道我絕不回頭的，既然上課有錢收又不用做，而且坐車又是免費，先試一試吧。試試下又12月了，再試試吧，深入其中自會發現有趣的事物，特別是同期同學仔~

工作以外，都沒什麼特別要說...呀!朋友中，阿輝終於學成歸來~其實，阿輝走了好像沒走過一樣，每年都會回來多次，跟阿fung有點不一樣。而且，回來後十分繁忙，很少見面，有時什至分不出到底阿輝是否仍在法國讀書。雖然見得少，但見到時感覺跟從前沒兩樣，嗯~是這樣已足夠了。

不做領隊後，以為可出席多點朋友聚會，以補償從前所失去的。但畢竟是命，轉工後人雖在港，但要返輪班，結果分別不大...阿MARK每週一短信問能否食個譚仔飲個啤，我都不好意思地回覆要工作...唉...

幸好，YOTSR搬新屋，搬到近我家的兆畦，方便多了，坐的士都只是14.5~一班人打打邊爐，麥麥送，非常快樂~而且近張反彈的家，叫她到世界各地買東西，回來交收亦很方便~

最後想說，這年跟小馮的關係，都係唔講啦，我地兩個自己d野，做咩要同人講

2010年過的蠻不錯，未死得

很肥的假仔

2010-09-21T19:38:00.002+08:00

已經過了七天，還是極度不習慣...

不習慣早起床嗎？應該不會吧...怎麼說都曾是"專業領隊"(其實我都幾想keep果個名牌，刻左自己個名好似好威咁...)。問題應是上堂。早一點的記憶沒有了，只記得在浸大時，除了那個softball體育堂比較精神，其他的早堂都是睡著過的。狗改不了吃屎，這七天午餐前的課堂都是釣著魚過的。

還有，社交障礙症又發作了。怎麼一個曾上莊當領隊的人會有社交障礙症？或許要找李寶能問問...怎樣障？就是久久未能融入新環境，在眾人前不敢說話，不主動打開話匣子，坐在角落用手指打圈。

這又要追溯到剛上大學的時間。從前的我(懶係)敢作敢言，總認為自己在世界中心，身邊的人都要留意我，什麼典型的獅子座，簡單一句就是要威。OK，過了廿年，臨上浸會前，終於認清了自己只是一個很肥的假仔。

很假的肥仔和很肥的假仔本質上有著重大的差異。那批熱爆的很假的肥仔只是pretend to be很假，其實本性純良，歸根究底是恐怖的家長及教育制度迫使他們扮作很假。而我--很肥的假仔，則是假底，生來就很假，跟祖國生產東西道理一樣，只有A貨不是假，只有炸彈不會爆炸。

呀...離題太遠，受了公司的trainer所影響吧。我以為中年男人都是這樣吧，從前永安的馬生跟我傾appraisal時，會講到足球；現在的trainer可以從地鐵的月台幕門談到hotel california。嘿!我都可以從新工作說到中國炸彈!!很有potential!

認清自我後，我決定要改變。不可表露無遺，情感亦要好好控制，遇上自己認知的話題時不要扮代表，不熟識的更加要把咀封得緊緊。

終於，我練成了社交障礙症。每當我面對新環境，就會生病，發病至我融入當中為止。發病的時間有多長？到現時我還未能有系統地計算出來，但病例告訴我...總會痊癒的。

反罪惡

2010-08-25T00:23:00.002+08:00

我曾在2月帶團到菲律賓的Cebu，回來後我第一句說的就是"我唔會再去呢個國家"。

出關時關員企圖夾錢、導遊的不專業、影相仔的工作錯誤、旅遊巴的不準時出現、酒店安排混亂，所有都令到我不想再踏足此地，其後更稱當地為"鬼地方"。

這兩天，不斷看到網上人對菲律賓的責罵，聽到阿媽亦稱其為鬼地方，跟小妹妹心慈說千萬不要到這國家。我卻想起２月中那４天所發生的一些小事情。

1.印象最深刻的，是第４天到機場準備回港時，地接工作人員給我登機證，我一看，頂!同一party的怎麼又給我分開座位（早前已告訴他同一家的一定要一起坐，還給他一百蚊!），我就罵AIRLINE COUNTER的職員，叫她幫我重新編好位。那個女職員先對我說"don't shout pls"，我直接告訴她沒有辦法，這幾天不太開心，客人都在埋怨我，有一天更哭起來。然後，她雖剛被我罵完，竟微笑著跟我說＂are u ok now? don't be unhappy anymore~u are going back to home la~"

2.第一天晚上到酒店，導遊對我說：我見到你我就覺得好傷心。我心諗，做呢行真係咁差咩...我問其原因，他說要是他的兒子還在，應該跟我差不多大了。聽到當然有點不知所措，為表我的關心，只好問"because of sick?" "no, killed by his ex-girlfriend"

3.我跟導遊同房，他帶了另一團的導遊來打地鋪。有晚跟打地鋪聊天，他說他現在那個老婆很年輕，二十多歲（佢有６０歲我諗），那女人跟他是因為之前那個男朋友是販毒的被拉了，認為做旅遊的應該搵到又安全一點。打地鋪的說：當佢知道我原來唔係咁搵到，走左去啦，今次同左個女人一齊...

當然，昨晚看直播見到廢賓警、看到天殺三世笑笑口出來說狗屎、網上那張照片中在康泰巴前拍照留念的那堆賓賓等，除了憤怒，我就只有粗口。但我不容許自己像從前一些內地憤青，罷買日本貨，燒毀家樂福。

梁文道在＂常識＂一書當中提醒過我們，＂搞清楚你反對的對象＂。到底我們是要反菲律賓，還是反罪惡？

所有人問所有人

2010-08-03T18:01:00.002+08:00

數日前在榆林看見一本雜誌叫"獨唱團"，是韓寒主編的。打開看，像是"字花"風格般的雜誌，找來不同人寫文章，包括散文、短篇及連載小說，也有攝影及繪畫的發表。榆林折實價為港幣二十元正，買就買吧，雖然在當量地官，二十大元還是有的，封面上寫著又林少華又歐陽應霽又彭浩翔又梁文道又余秋雨又艾未未好像很厲害，買回去看看是啥回事也好。

我看過目錄，發現除了剛才說的文體，還有一個叫專題的部分，叫"所有人問所有人"。顧名思義，就是任何人都可透過email，將你想向任何人發問的問題send給獨唱團，那邊的人就會找那個人回答，然後將問題及答案都刊登在雜誌上。

上文提到梁文道，就是有人問他問題，然後獨唱團就找梁文道回答。我讀很少訪談錄的，是我的求知欲太低，經常看兩看就想睡著，即使是讀早前"讀書好"中梁文道訪問知名人士或是袁老師向各大樂團的訪問，都有一樣效果。

幸好，有次帶著這書大便時，不想看長的文章(因覺得不用太長時間就能KO)，就讀這個專題。看到第四個問答時，覺得很有趣。有一個叫東方紅的人向余秋雨及蔡康永問為什麼我們小時候什麼外語都不懂就只懂一個"fuck"字(大約意思)，蔡康永就回答因為那個字就是生命的起源啦。讀到這裡還是好正常的問答，沒什麼有趣可言。

而余秋雨的回答呢？沒有。有的只是"余秋雨經紀人"的回答：余秋雨本人現在不在國內，也很忙，沒有辦法回答這個問題。

哈!大師就是大師，很忙，不會回答你什麼垃圾爛問題。

這個獨唱團很抵死，找不到余秋雨，連人家經理人的說話都不放過，將拒絕當回答!還將余秋雨的助手寫在封面上!!!(上文提及封面上寫了余秋雨大名......)

另外另外，有個叫阿超的人問交通局上海現在一個紅綠燈多少錢。回答如下：

上海市城市交通管理局接線小姐答：這類問題不屬於交通局管理，你打公安局交警總隊的電話看看。

上海市公安局交警總隊接線小姐答：此類問題屬於交警總隊設施科管理。

設施科王警官答：你這個屬於採訪，應該給我們宣傳中心打電話，他們會給你安排採訪時間。

有趣哦~其實不只是這類答了等於沒答的，也看了很多有意義的，而那個獨唱團又很認真地找你要的人回來回答。當中最有意義的算下面這個：

祈小魚問劉力：你到底什麼時候娶我？

劉力答祈小魚：等有錢付首付!娶你是肯定的，你已經是我的人了。我這個人怎麼樣，你也知道。以後兩個人的事情自己解決，不要搞什麼雜誌代問問題。

參考："獨唱團" 第一輯韓寒主編山西出版集團--書海出版社

給親愛的R FAMILY

2010-07-03T11:20:00.002+08:00

各位R仔R女，對不起哦，小弟先走一步啦，成為Annie後第二位駐港大使，在後邊為各位加油~

正式last day為7月1日。這兩天在腦海中不斷出現這年來的片斷，當中有很多是跟R Family在一起的開心回憶。

九月中的training，"被迫"每天相見，連續十日，由毫不相識怕怕羞羞，到最後攬頭攬頸唱K收場，R Family的情感就在這後時間萌生。猶記得第一次training中吃飯，是monique、annie、ken和我到amp的food court吃，還看到swing，十分興奮~而training中最後的考試，阿聰得到很高的分數，確實令我感到很意外!當然，記憶最深是和導師一起吃的那頓午餐吧。

隨後，每月之星的出現令我們每個月都有gathering(喂!而家愈來愈少wor!!!)。再後一點，一大班走在一起要數到考保險的四月了。除了阿ken和annie，我們很齊人哦~雖沒有跟你們返大陸，但一班人上堂吃飯等等已經很開心~

小磨碌，你是我第一位認識的R女，因為我們在同一天簽約的~正正這個原因，我們好像會close一點，是嗎？有時跟你傾電話，特別當你團不順的那段時間，確實有為你擔心，怕你這樣的心情和心態很快會不行。但你就是很奇怪的，看似灰底，但說說笑，就會經常kaka不停，女人就是難以捉摸。未有跟你拍過團，但有一起在機場以及一起在TV的日子，非常快樂，謝謝你。

我曾經拍過4次團，第一團KKK就拍到阿J'z。真的很開心呀，在馬六甲和port dickson的酒店一起聊天，吃杯面。其實當時我覺得是我捉你到大堂一起聊的，也不理會你是否疲累，只希望跟個熟悉的人坐一坐，希望那時候你沒有討厭我。那次拍團後，覺得你也不是我想像中那麼靜，哈哈~要跟Alison在PA好好相處哦~

第二次拍團是冬天的北京遇到Ken。雖然只拍到一個晚上，但我們都很珍惜，到對面吃串燒喝啤酒。Ken給我的感覺是首先含蓄，但一玩開了就十分好玩的人。那個北京晚上，一邊喝啤一邊吹水真是快樂無比，果然是十分好玩的人。

第三次拍團是金邊遇上大家姐。在R family眾人當中，我想我跟家姐是最少聊天的，可能因為家姐給我的感覺太強人吧。哈哈，但在金邊我完完全全看到家姐的另一面：小鳥依人。oh~那樣的家姐太幸福了，那幸福更能感染周邊的人，使我替家姐高興。

最後一次拍團就是5月尾的北京，跟Andy拍到正一正。雖然拍到正一正，也只有一晚到對面吃東西，北京實在令人感到疲累。但不論在埋站、景點、吃飯，都見到自己友，總會消除一點點疲累。Andy，不是說笑，我曾經在一張照片上，看到你以為是我自己......

Annie，雖然你最早離開，但你才是我第一次出團遇到的熟人，因為我人生第一團，順德短棍，是你送船的哦~一直覺得你很親切的，一來你喜歡少爺占，二來我是跟你同一日出生，最重要是可能你本身就是很平易近人吧。我們兩位駐港要為他們加油哦~

Sindy，考保險的時候，我真的在想Sindy真是愈來愈靚女哦~怎麼只有Freda沒有進步哦?!其實我和你很少有接觸，沒有試過一起出團、執料、借行，好像跟你沒什麼緣份，不過還是一起從training、TIC及保險捱上來的好伙伴~

我也是很少遇到Carman，除了那一兩次的執料。你太可愛了，就像大家姐一樣太強，我都害怕主動接觸。當然，只是我有社交障礙症(我講過好多次我懷疑自己有...)。你就好像R family的開心果，經常在當中引起爆笑~哈哈

我跟simon見面也少，但時不時有電話來往，哈哈，因為要找他過料~simon確實是一個過料王，有很多地方他去過，資料都過目不忙，厲害!剛開始時，我確實覺得simon會不會不適合這行，但事實證明你適合到不得了吧~

聰仔當然是另一位很好很好很好玩的人吧~雖然溝通不多，但有一次很深的印象，就是在龍門居我借賤訂電話卡給你。印象深的原因，可能是覺得大家可以互相幫助真的很好。我找不到工作，沒錢用時，一定會找你的，放心。

Austin，我覺得不用跟你說些什麼，哈哈，因為我跟你的思想很相似，很夾得來。當路士遇上柯士甸，就會經常發癲。哈哈~好好生活，enjoy your trips pls~

最後了，張反彈...唔...跟你沒什麼好說，平時說太多了。

R Family~miss you all

要充電

2010-05-10T00:26:00.002+08:00

人生有很多令人痛恨的事發生，其中一樣是忘記把MP3機充電。

我用的MP3機是阿哥早幾年前買的iriver。當他買了新型號後，就借給我。要知道阿哥是世界上最偉大的生物之一，借給你的東西，只要是他不急著用，就等於送給你，好像columbia背包、PS2等，都長存在我家中。而這部iriver亦已"借"我差不多一年。

我一向對人家借給我的沒什麼要求，對這MP3亦一樣，因為iriver總比ipod nano好吧。的而且確，對這小玩意亦很滿意，設計時尚，操作方便，體積小容量大(比我的nano大...)，音色也好。

只是，電量消耗得很快。昨天早上電量還是滿滿的，今天出門時亦有大半，突然間在你傍晚回家時就完全不能開機...奇怪的事發生在就算你沒有用它，隨著時間的流動，電力會在你不知不覺間流失，珍奇到0咀，請俾趣...

而我因年齡增長，記憶力衰退，回家總是忘記給這MP3充電。充其量只是令我下一天的生活缺少(我喜歡的)音樂，不用說到"痛恨"那麼嚴重吧...幸運的話當然相安無事，但黑仔的話......

什麼是黑仔？簡單說明就是在巴士上坐錯位。什麼是坐錯位？坐在高談闊論的乘客前面或旁邊就是坐錯位。

昨天放工回家，在巴士上想看看書，打開村上春樹的"舞!舞!舞!"看了不夠十行，我就不能繼續，原因是在背後坐了個家英哥版唐三藏。"又要話辛苦wor，又要話搵唔到錢，咁叻去做生意囉~呀佢又真係去做生意，點知做做下先發覺仲辛苦，你話係咪衰呀？你話係咪衰呀？(唔係我打多左句，係佢真係講左兩次...)有邊份工唔辛苦架，要搵錢就梗係辛苦架啦。俾個皇帝你做好冇先，你又冇咁大本事呀，咪怪自己唔係李家誠個仔囉，而家早d去死，拿拿林投胎可能會做到佢個孫架....(下刪九千幾萬字)"

我頂你個肺...工作已令我身心疲累，只想在回家途中看看書，但偏偏坐在家英哥前面...我不能怪家英哥，你一定有壓力，要吐吐苦水。我只好將耳筒放進耳中，讓MP3播放我所喜愛的音樂。

頂...忘了充電...

將開心放大

2010-04-26T21:23:00.002+08:00

今天知道5月1日要出張家界6天時，真的蠻不開心。但隨後細心一想，嘿，死肥仔，你算什麼，派團給你還想怎樣？真的團團KKK嗎？不要發夢了!

真的不知為何自己第一個反應就是反感，從前未試過有這感覺，一向派什麼團給我我都樂意接受的嘛，這次真有點奇怪。我一直相信，心情不好，團也不會帶得好。那就開心一點吧，不要忘記入這行時最開始的原因。

將一點點開心的事記下來，然後無限放大，人生會過得舒服些。前一篇才說因吃譚仔而懷念大學生活，昨天就可以跟大學同學聚會，是無比的暢快。吃過飯，在尖東露天酒吧飲啤吹水，說著現在工作的辛苦，回想從前一起旅遊的快樂，無無聊聊的大笑，已經十二點多，明天還要工作，要回家了。各散東西前，心裡想的是"今晚真係好開心"。

另一開心事，是終於可以和小馮看"志明與春嬌"。其實我有好幾部電影想看，一是高安兄弟的新戲"a serious man"，二是天使愛美麗那導演執導的"micmacs"，他們的戲一定很有趣，有保證呀。而為何能看"志明與春嬌"要如此高興呢？小馮和我都很喜歡彭浩翔的電影，更主要是我們很少有機會看戲呀。

別人都說做領隊後，跟女朋友在一起的時間一定大減，關係會變差哦。見面時間的確比從前少，亦不見得見面時活動的素質提升了。不過，我非常享受見面的時間，非常珍惜見面的機會。能一起看電影已經很難得，還可以吃日式吉列豬定食，夫復何求？所以那天我很開心~

購物亦是另一項令我覺得開心的活動。從前的我，只要在旺角，總會到信和十樓的二手唱片店走一圈，但不知在何時已戒掉這習慣(應該是太窮)。上星期心血來潮，到十樓看看，竟然找到Hot Chip的新album "one life stand"，讓我太興奮~在袁老師的blog得知出了新album時，也試聽了一首主打的，仍是那種奇怪得令人想"周身郁"的electropop，我喜歡得很，那時就決定"要是有錢"就買隻回家。所以當我看到二手時，立即抱在懷裡，$55是可以接受得價錢呀~

除了唱片，亦買了本新書，是章怡和與賀衛方的"四手聯彈"。章怡和的書看多了，都覺得是說戲劇和文革的辛酸事。這本比較特別，是賀衛方拍了些照片，給她看時令她有所感而寫的散文，感覺比從前的都輕鬆。這書有內地及香港version，從前的我一定會選擇簡體的，因為價錢只是繁體的一半。這次我選了香港出的，除了因工作後可以負擔高一點消費，主要原因是內地的一定有刪減內容，貴點就貴點吧。

很長氣吧...希望以後還有時間打blog。打blog亦是一件開心事~

我要打返blog~

2010-04-24T21:42:00.002+08:00

人的惰性真的很厲害。一天不跑步，一個星期不跑步，一個月不跑步，就會一年不跑步；一天不看書，一個星期不看書，一個月不看書，就會一年不看書；一天不打blog，一個星期不打blog，一個月不打blog，就會一年不打blog。我差不多有一年沒有跑步、看書、打blog。

生活沉悶以致沒什麼好記嗎？哈哈那是不可能的，領隊生活怎會沉悶。一個月要出門三次，雖說地點或許重複，但每次出門都是獨立的，都是與別不同的。只是我懶惰，將相片放上facebook就當是回憶。

但我的生活亦不是如何的多采多姿。有多少日子，跟多少個毫不認識的人，在陌生的環境，還要故作高興、裝作熟悉當地情況地工作。有多少個晚上，特別是什麼聖誕節、情人節、春節的晚上，獨自在什麼阿羅食街、人妖花街等地，萬無目的地遊走，或是在酒店房吃杯面。

我知道這份工作還有很多有趣的地方，只是我還未尋找到，或是我不懂得尋找。

離職的念頭經常存在。現在走，跟剛剛畢業的小馮一起旅遊，多麼愉快~念頭歸念頭，時強時弱，讓我有時間好好想清楚再算。始終，在這裡可以學到的，現在的我還學不足夠。

早兩天，我獨自到譚仔吃米線。坐下，阿姐過來，我隨口就說出腩肉炸醬三小辣炸醬另上加凍檸茶。說出口後心中已覺不得了不得了。當米線送到面前，喝了一口湯，我便想大叫...

救命呀!!!我想返回大學時代!!!我想每星期跟同學們上完很好睡的mo mo課堂後，坐地鐵到深水埗譚仔吃一碗米線，期間吵吵鬧鬧，嘻嘻哈哈，什麼也不用擔心，有不滿的就一起屌，好笑的就大聲笑，是要不顧儀態盡量大聲地笑。

何時開始這吃譚仔的開心時刻？沒記錯是上莊時代開始吃譚仔的，但隨後那固定班底(mark、大哥、龍哥、明、阿亮、我)應該是在大三組成的吧。從清華回來後，大家都變了，變得非常好玩!!因為都已經熟知各自的脾性吧。每個星期不吃他兩三趟就是不爽~

就在那天，大學片段不斷湧到腦海的那天，阿mark 發短信給我，說他回來了。

生活就是這樣吧，總有些事情能令你覺得輕鬆了一點，開心了一點。

剪頭髮

2009-11-03T22:14:00.002+08:00

今早到新墟剪頭髮，遇到一名服務很不錯的髮型師。

我本來很怕在剪髮時跟髮型師聊天，自覺他們總是為了透過交談以建立關係從而留住客人。另一方面，我亦不喜歡全程dead air(我真係好麻煩...)，在大約45分鐘內，要我看著他在我頭上動手腳，而他則像對著個一言不發的假人頭在練習手藝，間中不小心有眼神接觸更為尷尬...所以，基本上我是討厭去剪頭髮的。

今天整個過程中的dead air時間什少，最怕的不自在感亦沒有出現。這可能只是人夾人的關係，有什麼服務可言？加分位就是在"沖一沖個頭"之後出現。

該名師父問及是否需要gel頭，我說沒有所謂待會去拍拖，他說："咁即係要啦!"。其後手起刀落、三扒兩撥已經搞掂。再問："識唔識gel頭？" "都係撥去一邊咁囉..." "ok~我教你呀".....

"呢隻膏狀既泥最岩軟頭髮既人用，我都用左兩年幾，你都係軟頭髮你都岩用。首先將少少吱落手背，再係手心摔，唔好一次過將好多泥吱落隻手度，因為到時一摷落個頭度就有好大ped落係第一點果度，之後想整散佢又麻煩。你d頭髮咪撥向右面既，你想像眼眉中向上拉一條直線，由果邊摷前去而唔係摷右，之後前面d陰先向右，咁係咪有d唔同出現左？........."

為求令我真正明白，熟能生巧，他將我的頭髮撥向右邊，著我試摷一次，再指出我的不足。最後，他給我看一本男士髮型雜誌，看看人家的頭都是以這種方法gel出來。

我以港弊七十八元正換來如此服務，展開美好的一日假期。

嘆著冷氣看風景

2009-09-03T16:48:00.003+08:00

說我不環保或是懶過個屎忽都好，我真的喜歡坐著交通工具、嘆著冷氣來看風景。

我首次發現有這嗜好，是夏天時第一次從錦上路坐64k巴士到大埔找小馮。64k路線挺特別，由元朗(西)總站開到大埔墟鐵路總站，總共有58個站，我以為是最多站的一條巴士線。由屯門出發到大埔，(以學生計)最平宜的方法就是坐西鐵到錦上路轉64k，全程大約一小時，不比坐小巴到上水轉火車來得快。而我選這路線除了便宜，亦因為64k沿路風景特別，比屯門到上水那條零風景的公路好上千萬倍。

從錦上路到大埔是沿著林錦公路，公路不闊，兩旁有大大小小的村屋，這麼多站就是方便老公公婆婆們可以很就腳回家。過了一半路程便上山，雖然不高，但向左邊看會見到像山水畫般連綿不絕的山脈，還有山下細小的村屋，右邊是所身處的山的風景，很多粗壯高大的樹木。夏天，濕度高，猛烈太陽照射下，風景更有點疑幻疑真。若是心情不好，經過此段山路我就會豁然開朗。

大熱天時，酷熱警告，三十幾度...風景是美，但要我親身去接觸，用腳去感受大自然的可愛，還是等到秋天才做吧，夏天的我嘆著冷氣看已經非常滿足。

除了64k，前兩天我跟小馮到大澳玩時，從東涌坐11號巴士，亦是嘆著冷氣看風景的另一好選擇。這條路的風景與64k的相比，慷慨多了。差不多一小時的車程，盡是山山水水，見到水塘，亦有一望無際的海。好日都唔會黎，難得一見，倍感興奮。

最後要說的是鐵路。沒錯，坐鐵路亦能看到好風景，就是欣奧站與東涌站間的風景。由欣奧開車後不久，右邊就可看到海，太陽照著水面閃閃發光，那應該是蝴蝶灣望出的那個海吧。間中列車會轉入隧道，讓你覺得美好的果然不持久...但轉眼間又走出來，閃令令的大海重現眼前，告訴你暫且覺得生命仍有希望吧，好嘛?

補習社廣告

2009-09-02T12:14:00.003+08:00

我想問...為何補習社要找歌手作代言人？

先有張敬軒為calvin sun那家補習社的代言人，後有英皇找G.E.M.拍廣告。我以為代言人形象健康、年輕、受target market所歡迎是一回事，更重要的是代言人覺得那產品很適合自己才代言吧。

成龍與霸王是一個例子，其前輩為曾江和美源。中年男人都為捍衛頭上毛髮而煩惱。"你又煩？煩咩呀？" 但他們都沒有胡亂接拍廣告，因為不能叫他們就馬上拍，要讓他們試一下，起碼用得舒服而且天天還在用才可以拍。君不見曾江先生為美源作了幾十年的代言人嗎？

這才是找對代言人吧。代言人既符合target marget中年男子的身分，而且覺得產品很適合自己，廣告播出來就有說服力!

我們再看看張敬軒及G.E.M.的例子。誰都知道他們是不需要補習的!你不要跟我說讀了APA做了歌手還要擔心334新學制對你的影響!先是找錯代言人，再來是廣告拍得爛。張敬軒那個是說他在生活中不斷遇到"334"出現，如車牌、電話號碼等，因而感到很煩惱，最後calvin sun出來為他解決煩惱......G.E.M.那個則較科幻，說她忽然看見一個大A字，就走過去篤它一篤，結果那大A字就狂嘔細A字出來，接著鏡頭橫掃一排排像士兵般的A，她就說：新學制新時代齊做A世代"。

這是什麼廣告...我看"神者撚撚呔撚"更開心...

遵理算是最早將補習老師明星化的一家補習社，賣廣告當然少不了。他們沒有找明星(歌手)作代言人，或許覺得自己人已經夠晒明星。廣告主題很簡單，就是專業。全段沒有對白，只是用上了一段節奏明快的背景音樂，加上不同老師們上課、做筆記時的認真模樣，拍出一個專業的感覺。主題鮮明，不將重點放在新學制，就好像說"為何那兩家補習社對待334要如臨大敵一樣？我們根本不放在眼內，夠專業什麼都不怕"。這廣告成功了。

還有一家是Kelvin Ko另起爐灶的活學教育。廣告開始是拍一對男女學生在談情，拍得很美，有點岩井俊二的唯美感，那草地讓我想起"all about lily chou chou"的草地。年輕情侶放榜時一起看成績單，結果全部肥佬，嚇得下巴甩臼，往後人生就是甩著臼地過。幸好老師及時一巴打醒年輕情侶，使他們專心溫習。我buy活學教育除了廣告拍得較美(那個甩臼男亦很抵死)，而且上一輯廣告找來窮人賣屎忽的my little airport作背景音樂，哈哈，不錯不錯。

我建議那兩家拍了失敗廣告的補習社應該盡快轉轉廣告，再不是換個代言人吧。C君也不錯，不是農夫那個，是我母校那個沈C君，天才兒童都到你們那裡補習，夠說服力了。

六月十三日

2009-08-03T19:11:00.002+08:00

嗯~這一晚睡得最舒服~床很大，整個人碌來碌去都不會弄醒小馮~可惜沒有窗，朝早沒有陽光感覺不太好。

第一個行程是到比較遠的水上公園及周鄧博物館。巴士站附近有幾檔車仔檔，售賣不同的小吃早餐。我買了一個豬肉夾莫，豬肉是條狀像豬頸肉，夾莫烤過，一口咬下去就是香脆，現在回想起也覺美味。小馮買了另一種，似是梅菜豬肉版的夾莫，味道及包的質感都比另一個差一點。吃這種早餐，只花每人2~3元，抵!

到了周鄧博物館。有一個空曠的廣場，一旁就是介紹周思來及其妻子的博物館，另一邊有一架飛機，說是周思來坐過的(要另外買票)。我覺得博物館的資料性十足，當然很有共產黨的色彩，參觀的人亦不少。但是裝修都蠻舊的，而且很多假的藏品...有很多什麼證書什麼文件，小馮都發現起格的情況，就是print出來的...所以我對那架飛機都滿有懷疑。

另外看了至專國禮展覽，展覽廳是參照周思來生前的居屋設計。這個展覽比周鄧博物館更有意思吧，是展出不同國家贈送中國的禮品。有些禮品好似很寒暄...搞笑...

之後就向水上公園進發。水上公園其實是那種比較殘陳的公園加樂園，我想看看，因為小時候爸媽帶過我到深圳的這類樂園我很喜歡。難為了小馮要跟我走很遠的路...走來走去也找不到...最後只找到水上公園動物園。雖然門票不便宜，我們都決定看看。

我很久沒有到過動物園了...可能我根本沒有去過...所以這次我感得非常新鮮!!第一站就是鹿園~梅花鹿就在你身旁走，我們買了飼料，讓牠們看到後，就會有5~6隻走來跟你要吃的，既可愛又令我有點怕怕。

這兒都是陳舊版的，但動物種類也不少。犀牛、大象、長頸鹿、荷馬(好臭)、獅子老虎都有，只是大熊貓館在維修，要到北京動物園才能看到。有個小型馬戲...看到哭了...心痛

隨後吃了天津有名的狗不理包子...那兒是快餐形式，只有一個櫃台作售賣，但那個收錢的走開了...讓我們等了10分鐘以上才可以買到包子...38元8個很貴...而且沒什麼特別!!!早餐吃那個夾莫好吃多了!吃完到對面再吃過橋米線，湯沒特別，米線很彈牙~

吃飽就到另一景點china house，挺特別的~遠看有點邪門，亦好像有點髒。沒有鮮色一點的嗎？我們沒有買票，只是在門外看看，找位置拍照，就去看相聲。

那個看相聲的茶館門面不光鮮，而且像些不正氣的娛樂場所，見到內裡有不少人而且有兩個人在台上去敢走進。內裡很暗，跟電影院差不多。喝茶是自助的，找把茶葉放進杯加熱水就是。其實我們都聽不明白...我想...我大概聽了三成也沒有...只是在那兒坐坐，喝杯茶，休息一下，感受當地的文化亦不錯。真的很爽吧，下午時份，嘆著茶聽人家講笑話，氣氛又輕鬆，收費又便宜，要是香港有這種場所我必定幫襯。

好~回復力氣就去找那幾個異國風情區吧。走著走著我們就發現天津的旅遊點都很近，除了水上公園那邊，差不多所有景點都可以步行而至的。先找到的是意大利區。有很多新建的歐陸式建築，亦有是原來被列強侵占年代的建築，走在一起沒有令人討厭的感覺，而且蠻舒服的。這區有很多西餐廳，有真是意大利人開的，真想一試。

隨後走到另一區好像是奧地利區，但這區還在修建中，就只有在河伴邊散步邊看。想像這區建好後會不會只是另一個意大利區呢？不好吧...不過這區名人住過的建築比較多，像袁世凱的官邸，應該會有所不同的。

走到尾尾，看到對面，不就是那個仿古商業街嗎？好~殺埋。結果當然是失望吧。因為全中國的大城市裡，最少都會有一條這樣的仿古商業街，而且賣的東西全中國都大同小異...那些什麼綠豆糕紅豆糕，無論在上海、杭州、北京、西安還是天津，都可以買到...救命。當然也有土產，好像天津的麻花，本來想買點來吃，但試吃過就決定走。唯一可惜是泥人張已經關門，始終工藝品不買也可以欣賞欣賞。

傍晚有點涼意，決定回酒店拿衣服。經過大商場逛了一會，喝了豆漿，在途中看到地攤有小馮想買的拖鞋，看了一會沒有碼還是買不成。就在回到酒店前一刻，我們發現小馮的錢包不見了!!!我的心要亂了...怎麼辦怎麼辦？但要作鎮定，令小馮安心吧...先報警，再cut credit card，再找她父母，沿途看是不是掉在地上...最後都跟警察到派出所。口供落了很久，小馮心情亦平復。幸好失去的不多，而且還有一段長時在北京，證件還是有時間辦的。

去少幾個景點不是問題，天津跟香港很近，有錢有時間何時再來都不是問題。我只想小馮快點開心起來，因為我覺得所失的不多，不幸中之大幸吧。可是我就是討厭，好像要迫人開心一樣...我怎麼又不想想要是自己丟了會怎麼樣...對不起哦...

完成所有手續已不早，我們決定打車回意大利那邊吃西餐廳。裝修不錯的，而且很暗很有氣氛。那兒的服務生有禮貌外，態度親切，令人客吃的舒服。我們沒有點酒，要了個pizza、意粉和類似沙律蛋的。我最喜歡沙律蛋，裡面是有什麼魚的醬，吃得出!不是只有沙律醬味~意粉亦不錯~是比較清一點的，不是很多汁那種，但亦有很多油~蒜整得非常好吃~反而對pizza的印象不深哦...

這一餐雖然是在錢包不見後吃，但我真希望能吃到美食，會令小馮心情快點好起來~我相信可以的~我記得你是吃的挺滿足地走回酒店的~哈哈

六月十二日

2009-07-16T14:24:00.003+08:00

跟前晚相比，昨晚我的睡眠素質好多了。美中不足的是怕鼻鼾把小馮同房吵醒而間中會醒一醒，但已經好好了。小馮走了大講座，我們一起到西門吃午飯（對，我們睡到中午...)。大好了，很久沒有隊餃了~

北京大多數餐館，餃子都是賣20塊一斤，一斤有40隻。可以點半斤的，兩個人每人都可以吃10隻，很爽!餃子不是煎不是蒸，應該是烚的，也不是連湯一起上，而是把烚好的一隻隻餃子送在大碟上，蠻壯觀。皮不薄，涵多，果然是當地人的主食。size比香港的碼頭水餃大，一口接一口，連吃四五隻，肚子已覺開始充實。

下午小馮要上丁夏的課，我借了她的車獨自騎到清華西門往左轉一直走就是的中關村。懷念吧~上年跟同學門經常走這條路~龍哥很愛逛家樂福，而大家都愛小石頭火鍋，都要走這路。上年趕在奧運前修路，今年修好了，騎車過去就輕易得多。沿路看到北大的奧運乒乓球比賽場地、e世界、li wing生日時我們避雨的那條橋，一年前的影像跟當時看到的重疊，很有趣。

泊好車，我就走進那個家樂福廣場。唔...那些店好似有些微不同了，是少了間什麼多了間康師傅私房牛肉面呢？算吧記不起了...到家樂福...還是覺得沒什麼好逛...不知道龍哥為什麼那麼喜歡...再走到那條短餖的什麼中關村步行街(都不知有沒有50米...)，便取回車，找中關村的書城。去年我就是要騎車到這個書城而弄傷腳的...可惜，找了很久都找不到...真奇怪...

(家樂福係咩都有得買既...)

回清華超市旁的書店看看吧，那裡更有折。很熱，我想先吃條雪條呀...先到超市看看吧~oh...這裡的回憶比中關村天多...我不停地拍照，拍那些食品、飲料，因為我還記得誰人喜歡吃什麼，回到香港可以在facebook tag他們，其實只為滿足自己的懷念情感。吃過易建聯雪條，便到書店看看。很失望哦...書量比去年少多了...不消五分鐘已看完。最後我決定買本非誠勿擾，是馮小剛寫的。本已想看電影，因為喜歡葛憂。旅行時就看本輕鬆點的小說吧，村上太沉重了。

等小馮放學後，我們就向天津出發~首先我們到火車站買票，但我們去錯了站，還好可以先在那裡買票，而最後亦能趕到正確的站。我們坐的是河蟹號...50塊就可以坐在河蟹上，以每小時三百多公里的速度送我們到天津。三百幾k真的挺快的，在上海坐磁浮亦好像差不多。30分鐘後，我們便到達天津。

在巴士站等了好一會，巴士才到。上巴士後，發現那個站的路線圖跟北京的完全不同，而且我們找不到要下車那個站...幸好問問司機後亦有指導我們下車。我們住的是桔子酒店，門口不好找，而且很髒。但內裡卻兩回事，裝修型格，以黑色及橙色為主。check in時更送了我們環保袋和兩個蘋果~本來是橙的，但季節不合時。

房間不大，但有小馮喜歡的木地板。書桌有一尾小金魚，下面有封信，寫著自己叫aron，有偏食不要餵牠食，又告訴我們桌上的扭計骰，要是扭到3面同色，可以到大堂免費喝一杯coffee~另有一封信，是桔子的經理感謝我們入住，因為在金融海嘯下酒店業很難捱~挺有意思的酒店~

放好行李，問櫃台服務員附近有什麼好吃的，就介紹我們到南市食品街。那不是一條街，是一個仿古建築，內裡有些餐館。那時九點多，很多都已關門了，隨便走進一家人比較多的，吃了乾鍋、炒雜。炒雜是炒內臟，炒什麼內臟我是不知道的，炒得很香，小馮很愛吃。而乾鍋則我較喜歡。乾鍋是有一個鍋，下面用火熱著，鍋內沒有湯的，只放了大量辣油~辣!那餐館好像出名吃海鮮的，我們一味也沒點~哈

吃飽已沒什麼好逛，回去睡個夠~大床真的很很很很大!~!

六月十一日

2009-07-11T23:27:00.003+08:00

睡不好睡不好...唉...最怕就是睡覺時被虫咬醒...聽了一整晚的my little airport和coldplay都不能入睡...我決定這晚不可再住這間什麼未名旅舍...幸好小馮的同房不介意我到近春園屈一晚，真的感謝她們倆~

昨天借了小馮的車騎到旅舍，今早因睡不著晨早起床，就騎車到清華看看。我好像找到阿明說的那個米線超好吃飯堂，但要用飯卡...結果我在樓下買了個蛋餅...三塊五很大塊~我吃不下一整個，只好到近春園看看小馮放小息了沒有...

我吃了一半，在課室門口站了一會，想著要不要走進去給她吃另下的一半。我有這打算是因為這個小時應該只有輔導員，丁夏老師應該不在的。好，敲門便敲門，我不怕!結果...丁夏開門，對我說：你是...哪一年的?我：去年的，你看看我的腳。丁夏：呀，對對(全程都是輕聲的，怕影響他們上課...其實我相信已經很影響...好像每個人都望向我...)我說：我拿早餐給女朋友的。不打擾你啦，再找你吧...然後把半個蛋餅給小馮便走人...(到我走我再沒有多看丁夏一面)

有點尷尬，亦覺得小馮未必喜歡這樣，怕羞嘛...但其實我希望她會開心~雖然幸福不是給人看的那種東西，但我要提起不少的勇氣才做這一步哦，不想這會討你厭。

將車泊在近春園後就要走回旅舍，check out後在樓下等舅母家姐。事源舅母托我從北京她家姐那裡把藥拿回香港給她們的爸爸，而當我媽知道此事後亦叫我"順便"帶些蕃薯干回去(因為舅母家姐知道哪裡的蕃薯干最好吃)，所以便相約了舅母家姐(叫她阿e吧)在旅舍樓下等。

阿e人很好，叫司機把我送到清華，讓那些蕃薯干可以放在小馮房，到我走的時候才拿走。她有一點胖，胖得很好看，跟她優雅的談吐很相襯。她應該是我一生人第一個接觸的闊太，但並不討厭。雖然和她聊天並未算上是舒服，但她絕對算是平易近人的。

她(的司機)車我們到朝陽區的一個大商場，請我們到一間叫西湖春天的中菜館吃一頓午飯。然後陪她買了些面包就上車，再送我們到798。嗯~太好人了~謝謝阿e~

(798裡有架大火車...和火車站...)

798，去年因腳傷未能去的景點之一。展館挺多的，而且不同類型的都有。畫展、照片展、裝置藝術都有，但以畫為主；買東西、紀念品的地方很多，都不便宜，跟藝術拉上關係就是這樣；吃的、喝咖啡的地方也有，環境不錯，銀碼不低。

不懂藝術，在這裡走兩走亦不會立即學識。我們看了兩三個小時才走，看到後期我已覺得很累...一時間受不了太多...既消化不了，亦看膩了。那時已差不多五點，原定的酒廠和電影博物館行程要取消，轉到建外SOHO~

在最近的地鐵站下車，看地圖看了很久也不知道該往哪個方向走...誰不知走多兩步就見到建外SOHO那個名牌...這一區是新興的商業區，沒有什麼玩的可言，但看看那十多棟一式一樣的建築物也挺有趣。我們有點累，就到旅遊書介紹的拉面店吃拉面。

(就是這類一式一樣...可以見到CCTV新大樓)

那間拉面店就是位於那些一式一樣的建築物裡。我們走進建築物，一眼看到的都是吉鋪...沒有人租的!是還未好好開發，還是已經失敗了？那間拉面在三樓，老闆是個日本中年男子，說著很重日本口音的普通話(而且說不好...)。店內沒有刻意的裝修，只是簡簡單單的，貼著一張張寫了拉面、啤酒、送酒小食的紙條，都是日文的。

(手好震...)

幸好餐牌有中文。其實也不用怕，小馮的日文是一流的(我一向認為)。我們只點了兩個拉面和生啤。拉面不是特別好吃，湯底味道有點奇怪...但明明人在北京，卻像身處日本的感覺還不錯哦~(有三個日本人在不遠處一邊喝啤酒一邊吃拉面，都是長曲頭髮白襯衣的型男~wow~~)

在下一站世貿天階前，我們無意中走到阿e介紹的秀水街~跟西單有點類似的商場，都是要講價很厲害才可以生存的購物中心。我們不厲害，很快就繼續找天階。不好找...原因是看地圖很近...走起來真不是味兒...跟去澳門旅遊完全相反...

世貿天階是浮誇的，是不明所意的，也是獨特的。獨特在於，這樣的構意有人想出來本已出奇，而老闆更覺得主意不錯並投資實行，現在更是不少北京情侶、一家大小來聚腳的地方。刻意來看看這神奇，是值得的。

(手又好震...)

今天最後一站是三里屯，尋找中途再次無意中走到阿的另一介紹--三里屯village~這應該是新開發的購物點，建築設計特別，晚上很多店都關門了，沒有多看便找找酒吧。走到一條街，有多間充滿泰國特色的酒吧...都是很多姣色光管的。

我們隨便走進一間人比較多的，問他有沒有drink list，他說沒有，然後說出有哪些酒。我們點了兩杯雞尾酒，不久便心知不妙...他除了酒更拿了果盤過來...我看到別人也有自己就不怕...照吃吧應該不會太貴(希望...)。隨後，更拿了些我們沒點的爆谷等小吃來，這一次我就說不是我的!他才拿走...

(唉...奶晒野...)

埋單...$350...雞尾酒$75一杯...果盤$200...被騙了...第一天行程就被騙了...覺得自己很沒用...反而小馮好好的安慰我...真的很疼我，謝謝妳~~~

打車回去，六十多塊...在北京打六十多塊的車是很遠的...回到近春園，好好睡一覺吧~

六月十日

2009-07-10T17:47:00.004+08:00

這次是第三次到北京了~小學六年班跟屯兒到北京表演是第一次；大學二年班到北京的清華大學(美其名為)學習普通話。這一次主要是陪小馮以及補償去年因腳傷而失去了參觀景點機會的損失。

到北京前的一、兩天我的確有一點點緊張，畢竟是第一次自己一個人去旅遊。為了省錢，不住飯店改住旅舍，從前未試過的，讓自己的旅程帶點神秘。另外，自己一個坐25小時火車亦是未試過...但這沒什麼好期待...只是等待等待等待......

25小時車程絕對容許我看完一本村上春樹的"國境以南太陽以西"。這本書又是從"心裡有點什麼"出發，我想村上春樹的心裡一定不只是有點什麼，否則為什麼每本書的主角的心都有點什麼......

亦是這本書，讓我跟同車卡的北京人打開了話匣子。先說我那車卡的情況。我是買了硬卧的上鋪，我睡右邊，左邊就是那個北京人；他下面(中鋪)是一個老外，我沒有跟他聊天不知道是哪兒的老外，而我下面是沒有人；下鋪是一對五十多接近六十歲的夫婦，女的是香港人，男的從前是北京人，認識那婦人後在香港住了很多年。

跟我同是上鋪的那個北京人，其實是在香港科技大學讀金融的留學生。開車不久後，我在走廊看書時(上鋪是沒有空間讓你坐著看書的，而走廊有張小小的摺疊椅子)，他就問這書是不是說朝鮮問題的？我說我剛開始看我不知道(心想什麼朝鮮問題哦...頂多是資本主義發達社會中人有所失落的愛情故事吧...)就這樣我們聊了差不多兩個小時吧...(讓小馮久等電話了)

兩個小時出現dead air的情況是有，但不多，而且很快就找到下一個話題(連中國怎樣處理不良貸款問題也討論過)。我覺得挺好呀，這麼快就讓我練習普通話。在我不知道普通話怎樣說時他叫我用英文說亦可以...他的英文亦很好，亦有跟那個老外聊天。我覺得他就是那種很屈機的內地生，雖然他不認識村上春樹。

另外，在下車前的最後一小時，我跟下鋪那個五十多歲婦女聊天。跟她聊天挺有意思的。她是一個護士，有很多年的經驗，批評周一嶽、楊永強等人的意見很專業，亦有自己的政見。她不懂英文，但敢隻身到美國、澳洲等地旅遊。跟我分享旅遊時的趣事，說得很投入，哈哈大笑~旅遊真的很有意思~

下車後等檢疫、出境等了很久...令小馮亦等累了，更看完了一本渡邊淳一的書。兩個都在看日本文學，真巧~

不知道北京有雙層巴士...坐了很久才到五道口那邊。我入住的就是跟清華很近的未名國際青年旅舍。門面不光鮮，而且那部升降機好像不太安全...內裡其實還可以的，我住的是八人間，60元一個床位。剛到步要先洗澡，那個公共浴室，我沒有關窗，對面大廈的人絕對可以看到我"全相"，因為那窗很大。跟我同房的是幾個中年男人，很有江湖味道...為什麼安排我在這房間哦...隔壁的好像比較年輕點...

到旅舍樓下吃了蛋餅和一個羊的不知什麼部位串燒，就到五道口逛逛~其實再次到這裡的感覺，沒我想像中那麼爽。我是那種喜歡舊地重遊的人，以為事隔多時後再次遊覽一定捧。但原來那只是我的想像，實際上我只是覺得"啊!是這兒哦!"，沒有多加什麼特別的感情，懷疑是有的，但不太強烈。

五道口那個小韓國去年沒有去過，今年一到步的第一餐就是到那裡吃韓烤。可能我們點的都是便宜貨，那烤肉不行，而其他的都ok~泡菜炒飯雖然很油，但酸酸辣辣很開胃~跟烤肉送的兩個冷面很好吃!居然是送的反而最好吃~!!

從清華騎車回旅舍途中，被輔導員認出了!說是那個唱什麼one night in北京的人...騎自行車真的很舒服，雖然腳傷是因它而來，但沒有被它嚇怕，陰影在沒有，站著騎的時候人家才提醒我"你不怕嗎?"

回到旅舍...江湖味大叔都睡了...而且睡得很吵...像打雷一樣...

還未有睡意，便去上網，聽說gpa放了。旅舍裡有電腦有寬帶，但電腦沒有ie...終於check到，人生第一次亦是最後一次過三(好老套)~滿心歡喜的去睡，卻因感到被什麼咬，很癢，以及不斷的打雷聲影響，整晚都沒有睡...

2009-07-03T17:18:00.002+08:00

一向對自己說話能力滿有信心的我，開始對這個能力有所懷疑...

兩份都是同學們說很容易就會聘請的工作，結果我都落選...出了什麼問題呢？應該就是說話方面出了問題吧...自以為說話輕鬆，其實給人不認真的表現；自以為是用對了例子，結果得到"搞爛gag"的評語。

我是有點灰心的，但更重要應該是重新評估自己。原有的說話技巧在面試時應該不合適了，應該怎樣改變呢？

其實新世界不找我是可以理解的，對電訊及顧客服務都無什認識，不找我反而輕鬆。不甘心的只是人家都說很大機會聘請但我卻搞垮了。不明白的是東瀛遊那邊...做足了準備，臨場自我感覺良好...不過我在心急之下沒天就打電話問HR...哈哈，我確實很心急，很想做到那份工作...

我想最無謂的是在還未見工前就跟小馮討論那份工作...真可笑，都當自己一定成功...

大家都鼓勵、安慰或屌我，慢慢吧，沒那麼快哦...唔...繼續努力吧，別無他法...

泰好味，不只是太好味!

2009-05-19T01:00:00.002+08:00

昨天跟阿fung洗塵，相約yotsr在9時到泰好味吃個便飯。

其實yotsr已經到過泰好味這間位於sfzone這小區中的、沒有裝修的泰國地道小店吃過數次。每次都吃不下於十道菜，但每人消費亦不過百!大碟、抵吃、一定捧著大肚子回家是到這裡吃的一大好處。要知道yotsr最怕的就是大伙兒吃飯時吃不飽肚。

除了抵吃，味道亦不錯。豬頸肉是眾多泰國菜中貌似最簡單，但難以突出的一道菜。經常吃泰國菜，豬頸肉多數不是回味無窮的那道菜。然而，泰好味的豬頸肉有點不一樣，加上黑椒後，燒出的香味比平時的香多了!那個汁亦不是很hea的泰式辣醬，酸中帶點辣，將香味帶到另一層次~

另一至愛是生蝦。先吃到的是鮮甜、再來的是酸，然後就是極辣，就好像味覺坐過山車一樣~昨天吃的第一碟生蝦不覺得辣，但吃到差不多飽是再來多碟生蝦時，就是剛才說的極辣!我們問阿姐為什麼，她竟說：同一隻辣醬，同一個師傅，點會有分別？你地一開始肚餓所以唔辣，而家食飽晒就會覺得辣架啦~

哈哈，阿姐好似很串吧~其實她是超級nice的!我們剛進餐廳時，就跟阿姐混熟了。因為我們說「車弓」(生蝦的泰文)，還說我們是熟客時，阿姐就認出我了(點解我咁易俾人認到)。點菜時又叫阿姐教我們說不同菜式的泰文，炒金邊粉是「拍呔」，蛋包海鮮飯就是「泰河溝拍太呢」。

我們邊吃邊喝啤酒，而那個混熟阿姐竟然在我們沒有啤酒又沒有order時自己開了支啤酒倒向我們的杯子中。本以為是入我們帳的，但除了她倒了兩、三次，老闆娘亦走過來倒酒，教我們說飲杯的泰文(但忘記了)，而且老闆(亦是大廚)炒完菜後走出來用極重泰音的廣東話跟我們聊天。當然，他亦開了兩、三支啤酒來隊我們...結果那些啤都是免費。

老闆很有型!黑色頭髮襯著白色的鬚，大隻襯背心，頸掛一大串泰國佛。阿姐經過時說他的廣東話說不好，他說：我好多都唔識講，只係識仆街同臭西...去街市買野，人地話我泰國人，我話泰你個西，我姓林架!...然後他從錢包拿出身分證，讓我們看他真的姓林!

哈哈，就是這樣有趣。到這間泰好味，除了吃到好味的泰國菜(雖然不是所有菜都很好吃，那個泰河媾拍太呢其實很一般)，更感受到泰國人的熱情，吃到人情味，離開時除了捧著肚子，心裡亦覺得很滿足。

跟好朋友一起吃已經是開心事，跟朋友一起到一間平民化、熱情招待的菜館吃，更開心!

曾先生，你能代表什麼？

2009-05-16T17:15:00.004+08:00

"假設donald今日你俾人斬左隻手
二十年後嗰個人發咗達又做埋特首
你會否因為佢嘅成就
然後叫自己不要追究？"
by阿p(my little airport-donald tsang, pls die)
http://www.youtube.com/watch?v=qiV0qSgfFeM

真係要用一句「好到」黎形容...曾生賴野果日我已經想打d類似咁既野係度，而家有人唱埋仲好!

原來我可以吃少一點...

2009-05-14T01:51:00.002+08:00

話說母親節當天一家到深圳灣遊玩，吃午飯時老豆教我減肥大法(沒錯...是那個本來不胖的老豆)。

他說他從前一定要吃三碗飯才覺飽，但看見每天成長的肚腩時(他那個算什麼肚腩!!!)，就決心要吃少一點。怎樣吃少一點呢？就是不斷告訴自己，其實是不用吃飽的，吃到不餓就可以了~

現在，老豆每天只吃碗半就夠了。好像蠻成功吧。

因此，我跟小馮提議這個做法，兩個人吃一個餐，既能省錢，又可以節食，她亦很樂意試試(就是這麼順得人意^^)。

昨天午飯，到大家樂，兩人只吃了一個焗飯，$29~慢慢吃慢慢吃，吃完再喝一口可樂，我覺得還可以哦~不餓不餓~

可惜到下午茶時段，還是抵不住誘惑到mc donald's吃了個9件mc樂雞套餐...

今天好像有進步!晚飯時兩人只吃了一個焗飯套餐，有包有湯有凍飲只是$44~我回家亦只吃了十多顆葡萄到現在都不餓!可以瘦啦可以瘦啦!!!

等等...連續兩天都吃焗飯...怎樣瘦.................

我仍是no long man

2009-05-11T17:44:00.002+08:00

打blog是我好好思考的其一方法。雖不是唯一，但我也在很大程度上依賴此方法。我想說，我好像很久沒有思考過...

只剩下hon pro present，過了就真的一切都完結了。這段日子，腦裡經常出現的都是3年來的片段。回味時總覺得開心，在圖書館溫書時可能會被認為在傻笑；隨之而來的失落也不是很好受。

總要打點什麼作個紀念吧...好吧...遲一點再打...哈

先說考試...這次考試是我追回2nd low的最後希望。可惜，要用「賴晒野」來形容的的表現。

我記得我在yr1 sem2上陳慶年第一堂的stat.時，就覺得這個人是壞人，是奸的，我一定有這樣想過，而且告訴身邊同學我這看法。然而，經過3年的洗禮，到上星期我考他那科econ3720前都覺得他人不錯，又可以到他家拜年，上堂又hea，我們在present「龍行天下」時製作「精美」ppt也不怕，因為他人很好。

econ3720最後一堂，同學問他有沒有什麼考試tips時，他說5選3回答，當中包括國企改革、電信業、代理人成本、世界工廠、汽車業五個topic。嗯~真好哦範圍收窄了很多很多!

考試當天，我還怕溫3條不足夠，除了國企、工廠、代理人成本外再即日溫了一半的電信業。到開考時，一看，為什麼國企改革不見了!!!取而代之的是彩電業!!!你老味為什麼會有彩電業的!!!陳慶年更要在開考一小時後走了(total考2小時...)!!!

結果，我因為保險而溫的第4條電信業也沒有救我一命...因為我只溫了前半...他出後半...

算了...考完就算了...努力澍基吧。澍基在最後一堂照例讓我們3條關於考試出什麼的問題。有位同學問：past paper重要嗎？澍基的回應：很重要!!非常重要!!!

ok~我還不是專攻past paper的問題嗎？開考時，一打開試卷，認真地看過一遍後，背部開始出冷汗......怎麼我溫的都沒有出現？問題跟past paper極不相似...有相似的就是我沒有溫過的topic...最後只有將我背了的都寫上去，當是past paper的問題作答...傻明說其實問的都是那些內容，只是問法變了...希望如此...但我並不樂觀...

考完澍基後在hall can吃過hea飯就跟同學們一起溫習public finance。這一科的notes(對我來說)是最最最衰的!巫mo的notes根本不能令我明白什麼...總覺得他只是"求其"在書本上找點什麼放落notes...唉...上堂時又不聽課...只看notes怎能應考...(相反例子是郭潤江)

幸好那晚louis教我們，讓我明白了很多很多，感覺前兩天溫的都是浪費時間，一早找louis便解決了。哈哈，我已經被louis救了很多次，誠心感謝他!

public finance的past paper總會有一、兩條數，而且是很容易的代數，只要在supply減tax再代一次便能找到答案，再底乖高除二便在取得整條分數，簡直是小學數學的econ版。可惜...那天一條數也沒有...

不錯...我仍是no long man

旅遊業與中國經濟的關係

2009-04-22T01:07:00.002+08:00

一. 引言
隨著社會的發展，人民的消費能力提高，對高素質生活的需求增加，旅遊業已成為全球經濟中發展勢頭最強勁和規模最大的產業之一。旅遊業對經濟的推動有著別的產業所缺少的特質，就是它的換匯成本極低，旅遊當地出口不需要包裝、運費、保險等成本的旅遊服務就能賺取大量的外匯；而且旅客的消費涉及不同部門，旅遊業發展的同時能帶到不同行業的發展，產生連帶效應1。正因如此，世界各國都大力發展旅遊業以推動當地的經濟發展。

對中國而言，旅遊業亦是其經濟之中的支柱產業之一。中國的旅遊業發展起步比較慢，在1978年改革開發後才開始，但其發展速度卻十分驚人。2007年中國的入境旅遊人數為13187.33萬人次，是1978年同一數據的73倍之多。而旅遊外匯收入已經超過400億美元，在全世界排名第五，可見其快速之增長。

本交將會討論中國旅遊業如果推動中國經濟，而當中各行業如何發展，遇到什麼問題以及有何對策，亦會嘗試驗證不同因素對中國旅遊業發展之影響。本文將以下列之鋪排來討論：

第一部分是介紹世界各地不同經濟學家如何探討旅遊業對經濟之影響；第二部分是從不同行業分析中國旅遊業的發展概況；第三部分是看看旅遊業如何推動中國的經濟；第四部分是以迴歸模型來驗證各種因素對中國旅遊業的影響；第五部分是從旅遊業績指標的相關系數看今天中國旅遊業的情況；而最後一部分就討論中國旅遊業發展所面臨的問題以及其對策。

二. 文獻回顧
由於旅遊業發展愈趨蓬勃，在世界各地的經濟地位愈來愈高。然而，要找出旅遊業對經濟的貢獻並不容易，主要原因是旅客在旅遊時的消費涉及多個部門，有些部門並不像酒店、娛樂場所等容易識別出，不具有旅遊特徵。若果單單計算具有明顯特徵的部門，則低估了旅遊消費對經濟的影響。因此，不少經濟學家都對旅遊經濟進行深入的研究，著力於準確地找出旅遊業對經濟的貢獻。以下是各種不同的方法：

乘數方法(Keynesian multiplier)：
在較早時期，研究旅遊經濟的方法主要是靠Keynesian的乘數方法。將Keynesian的乘數方法應用在旅遊時要稍作修改，不再是研究投資增量和國民收入增量的倍數關係，改以研究旅遊收入的增量和國民收入增量的倍數關係。其概念是旅遊業發展會帶來不同產業的連帶變化。

另外，亦有將乘數方法修改為將不同旅客組別的消費傾向和旅客消費分佈在不同產業的比例。其方法是將不同部門的乘數加總，而每個部門的乘數是以其所得的旅客消費之比例作衡量標準。此方法的概念是乘數不只能體現旅遊業在整個經濟層面上的貢獻，亦可以反映出旅客的消費模式。

乘數方法是一個簡易的方法是評估旅客消費對整體經濟的影響。但由於它只是集中於簡單的加總，並未能反映出各部門之間的關係。而且乘數方法只計算入境旅客支出，並未研究國內旅遊的消費，因此未能準確地反映旅遊業的正實貢獻。

投入產出分析法(Input-output analysis)：
　　投入產出分析法是將一個經濟體系編列成一個投入產出分析表，此表可清楚地列出經濟體系中各部門之間的相互聯繫。應用在旅遊經濟分析上，投入產出分析法是通過圖表紀錄旅客在開始時的消費，在不同經濟部門間由始至終的動向，以提供較詳細的旅遊消費經濟效果。
　　此方法能提供更精確及詳細的資料，解決乘數方法無法解釋的旅遊經濟影響的過程問題。然而，投入產出法亦有其不足之處。正因為此方法可提供詳細資料，要搜尋這些資料時當然有一定的難度，所以要花費的時間、人力及物力亦相對上龐大。另外，其分析之結果亦難以轉化為有效的建議，更有可能誇大旅遊對經濟的貢獻3。

可計總量平衡(computable general equilibrium)：

　　可計總量平衡是根據投入產出分析法而發展出來。此方法將一個經濟體系視作一體，容許部門之間存在回饋效果。而且，它所包含的消費者、生產者與投資者的行為方式比投入產出分析法為詳細。而這方法的特別之處，是在提供詳細的產業間分析的同時，亦能展現價格效果以及容許更大的模型靈活性。

可計總量平衡方法經常被用在國際貿易、經濟開發、農業經濟以及自然資源管理等研究層面。從1995年，澳洲開始以此方法應用在分析旅遊業經濟後，美國、西班牙、英國等等都嘗試可計總量平衡來計算旅遊業對經濟之影響。

　　可計總量平衡方法現時已經受到世界銀行、世界貿易組織、經濟合作發展組織等待國際組織認可，是一種認受性高的分析工具。

旅遊衛星帳戶（Tourism Satellite Accounts）：
旅遊衛星帳戶又稱為旅遊附屬帳戶，是一種宏觀統計計量方法。加拿大在1994年首次開發這統計方法後，隨即受到有關經濟學家的關著。在2000年，聯合國統計委員會更正式批准了世界旅遊組織提交的《旅遊附屬帳戶：建議的方法框架》，使旅遊業成為獲得聯合國承認的國際性標準來測量和計量的產業。

旅遊衛星帳戶是按照國際統一的國民帳戶的概念和分類標準下所單獨設立的一個統計系統，帳戶可以把由旅遊消費而引發各行業直接和間接的旅遊產出，從相關行業中分離出來單獨進行核算，這是其一大特點。傳統的旅遊統計是從消費方面對其範圍進行界定的，所以在傳統的統計體系中不能完全反映出旅遊業的總產出情況，旅遊衛星帳戶的引入可以較好地解決這一問題。另一特點是，旅遊衛星帳戶可以達到在國際統一的統計框架下對旅遊經濟進行全面測量和分析比較的目的。

正因以上兩大特點彌補以往旅遊統計方式的不足，旅遊衛星帳戶逐漸成為旅遊區經濟影響評價研究最重要的方法，各國政府亦以它作為制定旅遊經濟發展政策的有力工具。而中國亦在2006年正式開展了「中國國家級旅遊衛星帳戶」的研究編制工作。

三. 中國旅遊業的發展概況
　　雖然中國的旅遊業從1978年改革開放開始發展，到現在只有三十年，未如旅遊大國法國、西班牙等地的旅遊業般發展成熟，但亦踏進了現代旅遊業的發展時期。本部分將從不同旅遊產業看中國旅遊業的發展。

(1)入境旅遊發展概況　　
由1978年改革開放開始，入境旅遊人數在大部分時間都出現正增長，除了1989年的「六四事件」以及2003年的「沙士事件」影響下才出現負增長。從表1可以看到改革開放初期入境旅遊人數不超過1000萬人次，但不出十年時間，1988年已錄得超過3000萬人次。在2007年，中國的入境旅遊人數超過10000萬人次，為13187萬人次，相當於1978年的73倍。

在旅遊外匯收入方面，改革開發初期時都不超過10億美元，到1983年，改革開放五年後已經有11.6億美元以入，1996年更錄得超過100億收入。在2007年，中國的旅遊外匯收入已經超過400億美元，為419.2億美元，在全世界排名第五。在旅遊外匯增長方面，大部分時間都有10%以上的正增長，改革開放30年以來平均有19%的增長速度。當中出現負增長的年份同樣是1989年和2003年，原因跟上述一樣。雖然從1997年開始，旅遊外匯增長速度開始放慢，更出現單位數的增長，好像1998年的4.4%以及2001年的9.7%，但我們可以看到近年增長亦慢慢上升，由2005年的13.8%到2007年的23.5%。當中的原因，是在2005年時中共中央發表了「十一五」規模的建議，其中提及要加快發展旅遊業。如果你咁俾面睇到呢度我請你食碗牛米點話。

在外國旅客之中，亞洲旅客佔大部分市場，當中以日本旅客和韓國旅客為最主要的客源。日本由1997年的158.2萬人次升至2007年的397.8萬人次，升幅達2.5倍。而韓國在1997年只有78.1萬人次，還不到日本的一半，到2007年已升至477.7萬人次，升幅超過6倍。從下圖可以看到，韓國旅客在2007年超過日本，成為中國外國入境旅客構成之中最大的客源。日本及韓國以外，中國的外國旅客構成中第三大部分就是俄羅斯旅客。他們由1997年的81.4萬人次升至2007年的300.4人次，升幅亦超過3.5倍。

(2)國內旅遊發展概況
　　改革開放後，中國的旅遊業發方針是「積極發展入境遊，適度兼顧發展國內遊」，當中的含意就是將資源主要集中到入境遊，令其優先得到發展，成為中國旅遊業中主導產業的位置，而國內遊在改革初期其實是得不到任何發展6。
　　從另一角度看，改革開放亦是國內遊發展的大前提。原因是改革開放令中國社會及經濟快速發展。進入九十年代，人民的生活水準大大地提高，閑暇時間增多，有薪假期逐漸普遍，消費力增加的同時亦開始重視生活質量，對國內遊需求的增加從而推動國內旅遊業之發展。
　　1993年，國務院提出了《國家旅遊局關於積極發展國內旅遊的意見》，對國內遊的政策由從前的「不支持、不提倡、不反對」轉到「因地制宜、積極引導、穩定發展」的方針。從此，加快了中國的國內遊發展步伐。
6吳武忠：《中國大陸觀光旅遊總論》揚智文化出版社 2004年

一年

2009-02-15T23:37:00.000+08:00

這只是一個開始

小事兩則

2009-02-12T21:03:00.002+08:00

1.
今早8時起床，原意是要致電給馮作morning call，結果在我堅持下自己都不再多睡。很好，早點回校印筆記乖乖上堂。而且，可以到茶餐廳吃個豐富早餐。

何謂茶餐廳豐富早餐﹖丁面庵烈加烘底多士凍檸茶是也。吃過這肥仔早餐後捧著肚子上學去，算是一件幸福的事。

出門後發現錢包剩下一張十蚊膠，幸好sf zone"真是什麼都也有呀~"，提款絕不成問題。亦因提款而走另一邊路，我走進了一間從未幫襯過的茶餐廳。這間茶餐廳就在日本野"農村"下面，狀甚up dup。一坐下，阿姐就來招呼我：慢慢睇下食咩？看看餐牌，真好，18蚊面、包、庵烈全整，烘底加一蚊凍飲加一蚊，廿蚊剛剛好~

不消十分鐘桌上能吃的東西只有辣醬及沙糖，到台面找數時，老闆說：食飽啦？第一次見面就好像熟客般吹水？走時再見招呼我的阿姐，我點個頭，她亦跟我道別，說：哈哈~細路好好笑容呀~~

上樓梯時，我想...剛才我有笑嗎？阿姐，你才是笑容滿面那一個哦~

但我能肯定的，是我走到輕鐵站時仍然面帶微笑。這茶餐廳的一句"食飽啦？"以及阿姐的笑容，遠比大型連鎖店的免費笑容親切得多。

2.
有天由市中心經新墟回家，特意到"包鋪"買兩個鍋貼，邊走邊吃，回味一下高考時的快樂日子。

"包鋪"是什麼？它是在新墟街市對面的一間面積超少毫無裝修的包點鋪頭，賣的是生煎包、菜肉包、鍋貼等中式包點。

這店有什麼特別呢？唔...東西不是特別好吃，有時候鍋貼放耐了還不夠熱。

而在這小小的店內，一位體型跟店面積一樣細少的伯伯不斷地搓面團、蒸包、煎鍋貼，另一位不知是否其妻的嬸嬸則負責售賣，配合得天衣無縫。

每一隻鍋貼的大小不一，肉與菜的份量比例有異，煎至金黃色的面積亦有不同。因為，這是人手製作的鍋貼。

一星期七天，不間斷地為屯門的市民服務。在這通脹的年頭，鍋貼兩蚊，生煎包3蚊，他們賺的是什麼？

在包鋪吃到的，不是一式一樣的機製鍋貼，不是大財團剶削勞工製成的菜肉包，不是在上海旅遊景點大聲叫賣的生煎包。我們吃到的，是心思、血以及汗。

話時話...包鋪的店名...是什麼？

意想不到

2009-02-10T19:32:00.002+08:00

呵呵~coldplay又來了~$480好像比上次還貴嘛...

viva la vida這張08年的專輯是由著名音樂人Brian Eno(U2經常搵佢監製)幫coldplay操刀。或許真是他的功力深厚，coldplay在剛過去的格林美拿走三個大獎(最佳流行樂隊、最佳搖滾專輯、最佳歌曲)。

第一次聽到新碟單曲是在清華的近春園看電視播的violet hill~感覺挺不coldplay。coldplay就是yellow、the scientist、fix you等超級情歌。這隻單曲節拍很強，敲擊部分很重，不像從前"行雲流水"般的情歌，當天聽到就覺得蠻過癮~chris martin的假音不死

可能是第一個感覺挺好，隨後知道是brian eno幫手，再聽整張專輯時先入為主，認為是不錯的作品。viva la vida的敲擊更有趣，放棄傳統drum set，改打大bell~看live時視覺享受應該很好~

看live是一個不錯的團體活動，yotsr有興趣嗎?總比看Oasis好...哈哈

今天見了澍基，他的一句"可以做了"，令我的心多麼踏實哦~~由約他相見那天到今天一直擔心...要是他否定那些資料就xx了...再找一個題目是我大大不願的事...

雖然那些資料並未解決上次他指出的問題，但方向可以轉轉，由"什麼因素影響旅遊業收入"轉為"什麼因素影響一個地方的旅遊競爭力(吸引力)"，好一句"可以做"!

我一直覺得澍基是一個很厲害的老師，授課時吸引、私下問hon pro時亦不擺架子(不像農夫...)。每一次問他時，我都不怕表現出自己的無知，因為覺得他就是不會罵我吧...

由於覺得他深不可測，就上google找一找他的資料。一開始看到的剛想像中差不多，都是什麼政府政策的顧問，發表過不少對香港經濟看法的文章，馮兩老在他演講時死去等等...再找...怎麼有一篇陳冠中的文章出現了曾澍基三字??

"剩下的，只有社会派，我也弄不清楚他们代表什么，甚至不确定他们是谁，只认准了一个人：高我一届的曾澍基。我心目中，他就是社会派。不过不敢接触，因为有点怕他......

由波士顿回香港后，更有信心呈现我学院式西方左派的面貌了，却苦于没人有兴趣看我的呈现，一向不扎堆的我想找同路人，这时候又记起曾澍基来，听说他和同伙结了一个社，叫大风社，一听名字我就知道，我绝不可能参加一个叫大风这样名字的社......

幸好同学卢洁彤告诉我，曾澍基在香港大学校外课程开课，我们就白天各自上班，晚上结伴上港大，去享受曾澍基的讲课。他不只是圈里的首席理论家，还是个动人的演说家，我有时候断章取义的胡作比喻，说曾澍基之于我们这批港大出身的所谓社会派左翼青年，就如米拉博之于法国大革命雅各布宾党人，旨在表明他说话的动听和在小圈子的地位。

在多变的1976年，曾澍基他们邀我合伙开了一山书屋，大概说明我终于入围，成了晚期社会派。"
http://chenguanzhong.blog.hexun.com/15712363_d.html
節錄"左翼青年小圈子"--陳冠中

不得了!原來今朝教我做hon pro的那個人...是那麼...瘋狂?

再找，在一篇記黎則奮談七十年代青年激進運動的文章中有以外內容：

"社會派的領袖人物曾澍基先後與黎則奮及社會派友人創辦大風社、進青社，推出社會及文化評論刊物《風雷》，又與陳文鴻、黎則奮等辦過一山書屋，出版《左翼評論》；一山除售賣正版書外，也賣翻版大專教科書及翻版國內書。曾澍基確是七十年代社會派當中出色的人物。"
http://ngohk.blogspot.com/2008/05/blog-post_1976.html

意想不到...每星期都在眼前的這位教授，有一段這樣的歷史。何以由社運中的領袖人物轉移主修經濟...？四人幫下台對他來說意味著什麼？放假便跟太太四處旅遊時，會想到當年的激情嗎？

最後一sem

2009-01-13T00:23:00.002+08:00

今朝唔知點解起唔到身，可能因為定左要起身號步...不嬲(多數)都係話起身就起身既人，賴床呢個習慣好好彩仲未降至我身上~

但係今朝大約賴左兩個鐘...冬天既被窩真係好舒服，舒服到就算面前有餐小肥羊等緊我我都唔願起身~好在香港冇被爐...如果唔係我會肥到...真係成隻熊咁可能...

熊到底係肥定係大隻...?

唉...今日一撞到肥屈佢就話我又肥左...點算呢...我已經算運動多左架啦...真係要行節食呢一步??唔好啦...不過我諗我真係食得好唔健康...係屋企會好d...俾阿媽迫食生果，上年係九龍城住真係冇咩食過生果...證實左唔食生果都可以好多屎痾~肥莊都係另一實證~

今日收完anna手信(哈哈估唔到有我份~多謝anna!好味!)係JSC跑步...其實入去之前都幾驚...未試過又唔知會唔會有好多不嬲跑開好勁既人係度，我呢d初哥跑果幾個圈又一齊跑好樣衰...好彩去到冇人...只係見到雷sir...(到底佢係BU負責d咩既呢?成日都係JSC都閒企咁既?好彩佢冇同我講野...唔係好識應佢...)

果度話跑步者要係第6至第8條跑道跑，我好乖咁貼住第6條線果邊跑~心諗跑出左咁多條線(平時係屋企樓下跑開最入...)，應該都跑多幾多下嘛...所以跑返8個算啦不如...都叫有多架啦...點知跑跑下見到人地跑第一條線...咩事姐...我係乖定係蠢...

跑左9個...第9個條氣好唔順...唔知點解...上次又係咁...反而隻腳唔累!都係唔知點解...之前明明第5、6個隻腳就累...希望會繼續跑

跑完有老套飲料真好!!感覺好日本呀其實~哈!

行旺角...其實真係唔識睇鞋...眼光不嬲都係差...對買咩著上身先好呢樣野我真係覺得好頭痛...買碟買書好享受，唔使俾人睇到、品評自己鐘意d咩，只要自己鐘意就得啦~買衫買鞋總避唔過人地既評論，而且我太多揀錯既經驗...

10樓，左手一隻$18DM(對上一隻碟，岩岩開始聽野果時出既，少少情意結)，右手一隻$28the cardigans(nina把聲吸緊我過去...)，結果放低左隻DM，情意結敵不過甜美~呵

YOTSR傳統做完運動食肥仔野~食左mos burger~哈哈!咩黑咩sakusaku雞包...聽個名完全唔知係咩就試下...好味道呀個汁~~

唔使擔心哦~總會找到時間見面的~~

to be a better man

2009-01-12T12:53:00.002+08:00

暗暗地為張力恆的09年定下目標，以上標題是其中一項。顯然，未見進步。

體諒不夠

氣量不足

脾氣不好

再多的對不起也是徒然，行動才是最實際。

雖然相處不是一個人的事，但一步就是一步，我多走半步，你那半步也會好走點吧。

張家輝

2008-12-23T23:09:00.003+08:00

今日係屋企hea...咁講可能唔係好對得住返緊工既朋友...但係真係...好hea...點我形容下有幾hea...

一早起身睇左套賭俠1999，因為早兩日聽阿哥講佢話佢好無聊之後上youtube睇晒成套，我緊係跟阿哥架啦~

原來呢套野已經係十年前既戲!睇完之後見到有千王之王2000tim!又睇左半套...你睇下我有幾無聊...

張家輝果段時間將香港黑社會中既小嘍囉真演繹到出神入化，代表作包括頊先講果兩套，中華賭俠、化骨龍與千年虫、流氓師表、黑馬王子、走投有路等等...全部都係格衰串串貢咁~經常出現無聊既壓韻，例如：
"鑽石與黃金，唔及我一片真誠與真心~"
"你咁鬼死貪心，遲早就痴媽根"

當然亦都唔少得扮廣告呀(唔知點解成日扮黎明...)、歌舞呀屎屎尿尿等等王晶必玩既野~~

佢呢種形象什到去到古裝既決戰紫禁之巔或者無線劇十萬噸情緣亦都偶有發作，可以係電視度講得出"死八婆，賣菠蘿"我諗都係得佢...

之後佢拍既正經電影"大事件"，係好認真既，但係有一幕係佢揸電單車仍然令人覺得好張家輝~

不過而家要係新片睇佢做返黑社會小嘍囉既感覺應該比較難啦...近期仲有同王晶合作既提防老千同埋我老婆係賭聖已經變得非常無聊唔好睇...做d on居男真係唔好笑...

點解變左講張家輝...是但啦...

今日發覺返工既人都幾得閒!

鼻塞

2008-12-22T21:52:00.002+08:00

辛苦命呀辛苦命呀，同肥莊一樣考完試就病...

考完試得閒d就打下日記啦好冇呀?好...睇你打得幾多篇又停返個凌兩個月先再打啦

由於上一篇到而家都發生過太多事啦...所以就打今日既野就算...哈!

因為係油麻地睇戲既關係，特登上openrice搵定間野食午飯。因為知道油麻地有野食既地方就只係電影中心隔離間mc donald's(大豪真係堅...一個星期連續食足5晚都面不改容)、夜晚先有既煲仔飯同埋原本屯門都有間但係執得好快好快既paris cafe。

openrice油麻地區第一位係一間叫橫岡既日本野，睇黎d拉面拉面我愛你幾好食，就一心想去試下啦。誰不知一搵到就發覺有大約十個人等緊位...我地一個鐘唔夠就要睇戲...結果去左隔離都係日本野食...都ok~~呵!

openrice真係有佢令人又愛又恨...因為佢發現好多正野食~但同時間因為佢...令好多食店都多左人幫襯...亦都搞到我呢d時間好寶貴既人食唔到好野!!!(誇左少少)

今日睇左套叫"東京部落"既戲，事源有日上mo mo睇到大豪本u life介紹幾套戲，都係講緊某個地方既~好似已經睇左既情迷巴塞隆納同一月先上既澳大利亞~仲有一套就係呢套講東京既"東京部落"~

套野係由三個大導拍三段戲組成，似之前既我愛巴黎咁~第一個係無痛失戀果個，第二個唔識，第三個係韓流怪嚇果個~哈哈!識果兩個都係我幾鍾意既~

好搞笑，睇到第二段既時候，我地聽到有人打鼻鼾...唔係咁差ja ma......小馮應該比較鍾意第二段?我覺得都幾得意，特別係一開始拍佢沿住條街搞事果度，但係個律師同佢溝通果度會唔會長左少少...

韓流怪嚇果個就冇我想像中咁cult...反而好似拍得幾靚tim~哈~都係鍾意無痛失戀果個...可能都係鍾意無啦啦一野劇情就突變~

終於都報左澳門啦~ok呀唔太貴~~要好好為我地既"第一次旅行"作準備~hehe!

今期通俗歌曲搖滾冇咩好睇，肥莊唔好買!

對不起

2008-12-17T09:24:00.000+08:00

我一直認為，笑可能不是真實，但哭就假裝不了

我不用懷疑!

2008-12-11T06:15:00.000+08:00

愛不需要什麼宣言，愛著便是了。

冇得食幸福冬甩lu...

2008-10-28T18:17:00.000+08:00

繼續唔想溫書~係咁架...愈要溫書就愈"得閒"打日記...其實想打日記好耐，不過拎唔起...講過好多次，一係拎唔起，一拎起就好爽~

好似睇書咁，呢排坐車勁睇書...誇到(對我黎講係誇)轉車果時都睇緊...因為前一排屎忽恒想睇金庸，又因為金庸係好chur既關係，就養成左坐車睇書既習慣。

基本上我唔係坐車架，係企車多d。每朝返學都冇係冇位坐就梗，有都俾左有需要既人先。有時驚尷尬真係坐都唔坐好過...中國人就係有禮讓既美德，我讓個位俾你，你又讓返俾我...好尷尬...

(0靚仔做咩入鏡!成日都掛住果段日子~唉...唔識向前望...仲記得阿mark話要對住個牌扮痾尿我地冇人跟...)

肥莊叫我幫佢借書，佢睇完我順便睇埋都係幾好既一件事~話晒係張大春叫佢睇，我睇下都冇死呀嘛~真係好有張大春教寫作文...算啦我讀econ有邊個教都係咁...不過我都上過袁老師教音樂史，都幾滿足呀~最後一年既人文素質，竟然講音樂既一個都冇...楊學德唔係唔好，不過唔岩我啫(肥莊名句)

Kraftwerk黎香港確實係一件大事!$680呢個價都係值既，問題係我有冇...以前dl過佢地個live黎睇，真係好得意，visual野玩得好足~仲有機械人替身玩合成器~60年代既產物到而家都仲咁前衛真係好勁~

(前日同老爺影畢業相~好多都好正!阿yip同阿耀都勁pro咁樣~哈哈好玩!)

今年睇左兩場live都係唔錯既~一個係老爺生日maroon5，一個係日本班霸l'arc'ciel~氣氛真係好好，可能兩隊都比較pop~我都差d唔記得左自己miss左隊incubus架啦...最尾玩Aqueous transmission應該會好正好正~到底12月會唔會去睇Kraftwerk呢?還看肥莊~

黎緊應該會入戲院好幾次^^~上次睇活地阿倫睇得幾過癮~今個星期五應該會睇DMC~我真係估唔到果本咁既漫畫會搞到咁大...佢取材都幾極端，個主角(表面上)根本就係鍾意玩瑞典野，但係就要以死亡金屬為生...現實上有冇可能呢哈哈?e?咪住...超可愛love me love me say that you love me既瑞典樂隊the cardigans裡面果幾個男人...咪就係玩metal起家架囉~~哈哈，真係有!

(最鍾意呢張組媽忍得住唔笑!)

仲有想睇nicole kidman既澳大利亞、金城武同埋黑幫有個荷里活~有冇漏呀馮?係咪去東亞開個a/c可以有戲飛送?之前扮開credit card果兩張都未用...睇戲唔使錢應該係好爽既一件事~

廢話...有咩係要俾錢先爽架?我知!以前睇金小文既至goal有樣野我覺得係咁既~就係將一大筆錢唱晒做毫子之後掟落海聽聲~爽!

yr1果年除左可以上袁老師堂之外，仲係第一次食到Krispy Kreme既時候~有d野就係咁...可一不可再...我仲可以係mega sales食到Krispy Kreme既冬甩嗎?冇可能lu...連係旺角、apm都冇可能再食到lu...仲未試過一次過買六個佢就冇左...肥仔心態...

講野唔使方向，真係幾爽~哈~

毛一直都在

2008-10-27T21:11:00.000+08:00

我應該係溫緊mid term至岩既...不過記起早陣子有人投訴我日記成日都唔講佢wor...唔唔...打下日記先~

當你發現夏至原來就係商台個DJ mini既時候，你覺得好驚訝~~但係我冇咩反應...
當我發現Kraftwerk黎香港果時，我覺得好驚訝~~到你冇咩反應...

當你知道cova個cake buffet有炒雜姑既時候，你好開心~~但係我好唔開心...
當我知道cova個cake buffet除左炒雜姑仲有煙三文魚既時候，我好開心~~到你唔開心...

當你覺得多毛都幾可愛既時候，我覺得好核突...
當我覺得髮夾辮子好可愛既時候，你覺得好小朋友...

好有趣，唔同既地方多的是...不過...

明明你想攤係度咩都唔使做最爽，但係你會陪我踩單車~
明明屯門就係好遠好遠你星期六日連續兩日過黎都唔介意~
明明慶祝就應該食好d收下禮物仔咁樣你就迫我唔準送又只係食漢堡王~
明明我只係一個死肥仔冇咩好...

你卻當我熊一樣好好對待^^

2008-10-04T02:04:00.000+08:00

我曾經係六月 27, 2007,星期三講過d咁既野：

看完了整套日劇"求婚大作戰"。

一對情侶能走在一起，真不容易。很希望相愛中的，都珍惜你們的相遇、你們相處的每一刻、你們建立的感情、你們未知的未來、你們的所有。

我還記得看完這劇的感覺嗎？

你們呢？還記得那種感覺嗎？

真的!能走在一起，絕對不容易!要珍惜的，不只是相遇、相處、建立的感情、未知的未來，而是所有~~!是只屬於你們倆的所有!

珍惜，不是失去後做得到的。

"我好掛住3個人一齊住既生活呀~"

兄弟如手足

2008-09-18T23:22:00.000+08:00

老兄：

你讓我再一次佩服你。你絕對稱得上你口中的型。你令小弟感動。有你這樣的老友，夫復何求

兄弟如手足

開學

2008-09-03T21:54:00.000+08:00

幾耐冇試過返完學坐係房聽住歌咁打日記...?耐到唔記得啦...

幾耐冇試過係屯門搭車出BU上堂...?耐到唔記得啦...

幾耐冇試過覺得認認真真咁讀下書...?耐到唔記得啦...而家都唔覺得係...

從來都冇諗過到底自己讀緊咩...兩年黎對自己本科都係hea住去...好似對經濟真係冇咩興趣咁...係咁架啦我，由梁銶琚開始就係咁，個頭開得唔好，就唔會有興趣追，結果係一路死落去...尋日上陳興年堂，講d基本野我都有d R頭...點解MC=MR...死未?

好想拎起份notes睇下，但係一邊覺得自己好白痴，一開sem就睇notes唔好扮野啦...另一邊就又係諗返個頭開得唔好就冇興建追呢樣野...結果?係拉巴諗做咩好都決定唔到...睇左套"擊情"，果然同Rocky果d好唔同...

之前就聽到大豪話考政府果個試，之後又聽到阿mark考i ohs...我咩都冇報...連i ohs點串都未識...唔想面對，只係識得避...食得屎...上年聽老爺講提我早d做好準備...我已經想話可唔可以唔講住...我唔想聽...我仲想做自己野......咩係自己野?睇多套劇睇多本書聽多隻歌叫自己野?吹下喇叭出下show叫自己野?收啦...有邊樣值得俾我去叫做自己野架?人地Gary話走就成個section都擔心起黎...我走...有邊個會理?最好走左樂團就可以搵個好d既人返黎!叫你吹first都推黎推去...同gary一齊吹?根本係佢solo ja嘛?

呢排真係唔知咩事...情緒好容易唔好...好容易將普通野睇左做唔好既野...好容易因為咁搞到小馮都唔開心...張力恒...有個咁好既人係身邊，請你好好珍惜、保護、愛.......

對唔住...

唔係我整到張相咁...係影娃娃鏡~哈

最後一年，好好咁過埋佢~
打上面果句果時，諗起黃子華講"開心又一日，唔開心又一日，咁咪唔開心囉~都通架..."
最後一年，咪hea住咁過埋佢囉~都通...哈!

無線19台(取自肥莊)有幾19?睇奧運就知~播到決勝分去廣告呢d就家常便飯啦~最緊要係去左廣告返黎已經播緊第二樣野呀嘛~仲要唔提返賽果!而且19台係一個好左好左既電視台，只要中國旗一升起，理得你播緊咩播得有幾緊張都好啦，即刻轉去國旗果邊~下?果邊我連佢點羸都唔知wor...唔使驚，19台已經剪好左段20秒既精華俾你架啦~

真係似龍清泉咩...?19台d人會唔會以為我係...

keyman去無線真係冇辦法~亞視已經有個超級無敵徐嘉樂，絕對容納唔到多一個扮徐嘉樂...而且仲有呀司琪妹妹好天真好傻咁一路陪住你又一路問d我都識答既問題，唔使驚冇做功課啦~點解高比仔咁勁都要打後衛?雷sir呀攔網係咪要跳到好高架?嘩真係好犀利呀~嘩真係好勁呀~嘩真係好靚呀~(果個爛聲濃妝大面港仔既美睨已經冇咩...智慧更加係負...)

好彩ppstream load唔到都仲有tvants~突然好左...好愛CCTV~雖然佢地係"怎麼不給姚明"...但係搞呢個奧運台都真係落足心機~係清華果時都睇唔少~歐洲杯都係靠佢地ja~~

謝謝你

2008-08-29T01:32:00.000+08:00

岩岩睇完了小馮送給我的生日禮物--sigur ros既紀錄片"Heima"~可以話係超級正!

雖然係0係notebook睇...但係都覺得好正!

呢套野係講sigur ros去完world tour之後就返老家--冰島玩左好多場live。其實呢個舉動冇咩特別，我同水力係北京睇tookoo都係咁，尾站返老家表演。sigur ros既特別之處就係呢十幾場live有3個"唔"，係冰島唔同地方搞、唔收錢同埋事前唔公開!

好得意，佢地試過係一條村仔既山坡度搞，d觀眾好似黎野餐咁，仲有小朋友放風箏；試過係間餐廳度搞，d人著度好似黎食high table咁full suit上陣架；試過係一個廢棄既碼頭隔離一間好似舊廠既建築物度玩；最深刻係去左一個地方，政府話要起水壩，但係佢地反對，覺得影響環境，係果度玩左一場acoustic，唔用電旨因個水壩就係起黎發電~wow~~型呀~~

另外有一場好深刻既係佢地係室內場玩緊一首歌，首歌尾段(我諗都有成2分鐘)係有管樂加入既，之後逐漸細聲，佢地用左一個好現場既效果，就係到果個位既時候有隊管樂團係後台一個一個行出前台，一路行一路行行落台行出門口再行出街都仲一路吹緊~咁逐漸細聲個效果咪做到出黎囉~我覺得真係好犀利!!!條片影住果隊管樂團一路係條街度仲一路吹左好隊時間架~唔使靠咩電子野整管樂效果，唔使較大細聲，用最簡單既方法，搵隊band黎吹就搞掂~

成套戲係不同地方玩既不同歌中間插下團員既說話。雖然講既野唔多，但係內容都幾充實，反映到樂隊諗d咩想做d咩~

Heima=at home.
無論如何，回家就好~

多謝馮~~呵呵~~特別版有唔同concert既full version之後仲有本好靚既相集~~hehe

我返黎啦四

2008-08-12T21:36:00.000+08:00

頭先果篇打打下去左同肥莊踩單車...所以擺明呃多篇....

講下食呀又~

係北京都應該食下片皮鴨既~相中既就係liwing生日我地成班去果間四合院餐廳度食既~果間野裝修好靚~而且姐姐服務又好好，教我地點包d鴨之餘仲包埋俾龍哥食~呀~龍哥鍾意果個姐姐仲同左龍哥影相tim~

就係呢張啦嘩哈哈哈哈~~(多謝雲大豪提供!)睇下龍哥幾有英氣，點睇都咁靚仔~~

就係呢間啦~真係幾靚~以為都幾貴，都係每人80幾，我諗係北京黎講都幾貴。果隻鴨都幾唔錯，食左佢話最好食果幾塊皮，入左口之後化左~!
我第二次食鴨就係0係王府井果間全聚德食~我覺得冇上面講果間咁正同埋好似hea好多，醬同配料都冇咁多既...
有一次同patrick佢地講開話我地食果間係咁樣既，之後佢地話：下?我地去總店食，佢有証書啦，個筷子座係隻鴨啦，d野食又貴啦.....等等....同我地去食果間好多地方都唔同...
到底我地係咪去錯左金聚德................

同Eunis慶祝完生日唱完通頂K果朝，行左好一陣子去搵間炸醬面食但係未開，就去左北京既街坊鋪食下d地道早餐~地方係幾污糟既，不過食下佢地既蒸餃都幾ok架wor~地道地道~
其實係北京咁耐都冇咩機會係出面食早餐架，因為朝早9點就上堂，食野都係房食個包就算啦點會晨早走出去食...星期六日?傻既咩星期一至五已經咁早起，星期六日仲唔訓下?香港人嚴重睡眠不足架嘛~

就係食左呢d啦~果碗唔係豆漿，係小麥粥，完全無味既早餐~後面果d餃呀包呀都唔錯~總之就地道啦~

門口仲有檔咁既野，油炸鬼掛係，堅係滾油即炸架!不過冇食到...
果日睇無線新聞，話呢餐館呢，係奧運其間唔俾係條街度擺台，食客一定要係入面食。有個老伯就冇台都要照係鋪出面食，話爽d...唔...我覺得呢個限制真係...冇咩必要...
唔係將本土特色收埋，死跟外國，就叫文明吧...?

呢袋野...冇錯...食得架...係我整親第二日阿mark幫我去飯堂買飯，佢拎返黎既時候都好無奈，唔止我袋飯係咁，佢袋面亦都係咁...其實...點解要咁做呢?用膠袋都係唔環保啦...用個紙盒唔會好d咩?少用一個膠袋環保d定一個紙盒環保d?
不過北京6月都實行左要膠袋俾錢啦，係超市果d我地都會帶定袋去，我有係家樂福買左個好得意既環保袋~4蚊ja都係~
呢個膠袋飯...我都唔記得咩味啦........

整親之後我有好多時間都係自己係近春園既，所以食野都係自己食。因為腳會痛唔走得遠既關係，我好多時都係近春園個餐廳度食。我試過好多味~最鍾意都係個雞髀肉，醬油再加好滑既雞髀肉，整碗白飯飲個可樂~無得頂~~
相中既係木桶飯，有d雞呀蝦呀咁囉~成日食雞係因為戒口冇咩好食，但係我都話呢個飯有蝦...所以係灰灰地架~不過都幾好食唔緊要~
仲有個豆腐都唔錯架~加埋dd湯，正~不過好油.....係咁架啦內地...仲有仲有，餃子好食!10蚊有25隻~真係最抵食係呢樣~
一個人食呢間野都唔平架，要成差唔多30蚊~整親冇計啦~

我返黎啦三

2008-08-12T14:23:00.000+08:00

肥莊~搵日同你返去睇下囉，ok?

呢個pizza真係大得恐怖...Eunis佢地食一塊都已經夠飽...大哥竟然食到兩塊再右兩杯清島啤都幾誇...不過佢不嬲都係可以一個人食晒大譚仔既話都唔算好過分既...
呢間叫烏巢既義大利食店呢係0係清華附近既，主要係食大大塊既pizza既，果日去仲有5蚊杯清島，冇得頂~patrick佢地早d去仲有免費啤飲~果度都幾多外國人，都又唔似浦點黎架wor，果度個地點好偏，係個唔知咩宿舍隔離，係旅遊書唔講都唔會去搵果種餐館黎既。
呢個叫垃圾桶既pizza係咩料都有既，都要成一百八十幾人仔，貴野黎架，不過係唔錯既，同埋真係5個人叫人個已經夠晒
我記得去到見到有對女同性戀姐，當我地以一貫0係北京講是非既方法(即係因為當地人唔會識廣東話所以我地就放肆到係人地面前用廣東話講人地是非)講緊佢地既時候，聽到佢地兩個講廣東話...仲要好香港果隻......

講得食pizza唔可以唔講巴貝拉~呢間係五道口既pizza連鎖店呢食到龍哥同阿亮都驚~~哈哈，因為我地成日諗唔到食咩就話去，有一個星期龍哥差d食左4日巴貝拉~點解成日去呢?因為好食得黎抵囉~一個意粉唔使10蚊，一個pizza唔使$30(當然比上面果個細好多啦)，同埋味道唔差呀嘛~
睇下張相咁多人都知道正野值得等啦~其實相呢間係0係西單既，呢個大悅城商場都有好多野食既，有另一間食pizza既叫Mr. pizza既野都幾貴，香港價錢咁啦，所以係人都走晒去巴貝拉~
我地係內蒙返北京之後有成日先搭火車，都要食多次巴貝拉~~哈哈
有好老爺一成不變既感覺

呢間都係0係五道口果邊既(張相都講左...)，主要係食粥既(張相都講左...)，仲要係開24架~(張相差d都講埋...)~~呢間野唔講得少，係北京周圍都見到佢，應該係幾好搵(錢)既一間連鎖~第一次去食係買外賣返去清華既，係行完王府井大街同學又未係好肚餓阿亮又鍾意食粥既關係就試下，7蚊碗皮蛋瘦都唔係話好平，不過的確係整得唔錯既~
又有一次係走入去食，間野裝得幾有中國feel架，我地仲要係上層，大聲叫"服務員"係好爽既一件事黎架~果次仲試過佢d鍋貼，幾好食架煎得，同香港果d好唔同~
正點~

我返黎啦二

2008-08-05T21:09:00.000+08:00

去到北京成個月，就梗係周圍去下呀咩旅遊景點呀唔理有咩歷史都走去睇睇咁架啦。呢日係受傷之前我同阿亮龍哥阿mark大哥去圓明園~
一路都聽人講話冇咩好睇係得d爛鬼石，去到我又覺得幾靚架wor其實，又有個展覽係有d 12個生肖頭像既仿製品，有個講解員同我地講話呢d生肖頭係放係西洋樓前面，每一個時辰就會有一隻噴水去中間一個樽度，到左唔知邊個時辰，就12隻一齊不偏不倚咁噴向中間，應該都幾壯觀~
呢d爛石就係西洋樓俾英法聯軍炸左之後個樣。我地搵左個阿叔幫手影呢張相，佢不斷咁叫我地呢個就行左少少、果個就坐右dd，果時心諗使唔使咁麻煩呀大叔我諗住影左團體相ja...點解影完出黎又真係幾靚~哈哈~~

呢張都係0係圓明園影既，係阿mark同緊內地獨有既好風光合照~

話說上到北京第二日我地就去買單車啦。第一日有單車就已經屎忽痕想踩出去搵上年d人話好食既老馬拉面。問左樓下櫃台既服務員，佢就係地圖度圈左個地方，係清華既東面，都幾近奧運村果d野既好似，最重要係佢話踩十幾分鐘就到...
去過老馬既都知，間野係0係清華西門一出轉個灣就係，我地3個結果係東門出之後一路向東踩左兩個幾鐘又係咁問人都搵唔到...想問多一路人就放棄既時候，果個路人又話俾我地聽附近真係有一間...結果又係搵唔到...
回頭既時候去左間我地係水力定唔知龍哥本旅遊書有講既連鎖店度食，叫做李先生美國加州牛肉面大王，聽個名就知勁!成20蚊個面都算啦，仲要香港既牛腩面唔知好食過佢幾多既時候，我地就改左個名叫「李老闆美國加洲契9弟牛肉面大王」.....

誰不知...

我地完左清華去內蒙既時候，首先搭左18個鐘硬座火車去齊齊哈爾再轉車先去到滿州里既。係齊齊哈爾我地出左火車站搵野食既時候，叫到佢...基於去到一個唔熟既地方都係食d連鎖同埋食過唔死得穩陣d既理念之下，我地走左入去...雖然唔知係咪假既(因為便d架...又好似冇咁靚d裝修)...不過我地覺得比北京果間更好食~
另一次係海拉爾送抽水明走既時候，我地又係海拉爾既呢間野食左個早餐...7蚊碗大既牛肉面係唔錯既~
我地發覺係大陸每個火車站附近多數會有一間，真係唔敢入其他野既時候，入去食個面頂下係真係冇問題既~
不過係北京咁多好野食就唔好啦...

係整親十多日後就七一啦，學校安排左呢日去天安門睇升旗，既然我俾左錢，隻腳又好似ok頂到，就決定去啦。終於可以去遠d行下個感覺好好架，攤左係度咁多日真係會悶死。不過最大濟係3點要集合，因為北京日出早。但係去到都係要等好一段時間囉其實，3點我都覺得早左...不過七一好人睇呀真係，我後來先知係黨慶~唔唔...我係好多野都唔知唔識既...
好多人都拎晒相機出黎，好似去睇band show咁~完左之後，我地幾個坐左係天安門廣場，話感受下當年既大學生點樣俾坦克車過既同時，龍哥竟然好似去野餐咁拎d馬仔出黎食...

我地果日頭戴軍帽身穿紅大陽tee去睇升旗，結果俾人睇中左...

借左我地頂帽去影d咁既相...唔...內地既年輕人真係...愛國果份熱情...熱到身體都扭曲埋...
頂帽未洗，有冇人睇岩?

呢間書店叫光合作用，都幾靚架有間cafe仔(雖然未見過佢開)，書唔算好多不過分得幾專，講電影果邊俾我搵到有羅展鳳本"電影X音樂"，又有d文化雜誌都幾好睇，後悔冇買到一本講北京既重建問題既雜誌(因為廿蚊可以買到一本書...)。不過就買左本叫城市畫報既雜誌，咁岩講北京特登買黎睇，除左專題仲有文化版，講書講電影講音樂，仲有小克漫畫~前兩日同馮行榆林既時候，有得賣~都仲係多兩蚊~好野可以keep住睇呀一個月12蚊~(定係雙同刊黎既呢?)

係呢間書店仲搵到my little airport既內地版cd~估唔到佢地既碟可以賣到返大陸咁勁~仲以為維港野真係只會係維港有得睇有得賣~佢地果d咩鐘意丘安娜都唔鐘意哨牙呀、和熊人散步才是正經事呢d咁既歌名，內地既朋友真係幾難會明白...

我聽sigur ros都係咁啦...

我返黎啦一

2008-08-01T00:33:00.000+08:00

toto~你就好啦係美國睇coldplay~我覺得佢地新碟唔錯，好想睇佢地玩現場呀~好好享受餘下假期吧~

我返黎啦~~(都成個星期咁耐啦...)

係北京日日都寫日記，返到黎咁多日連打篇日記都懶...搞錯...我諗其中一個原因係唔知點入手啦...係北京成個月再加上去左一個星期旅行，多野打到死啦如果打晒出黎...

所以用返果招啦：放d相再加d解釋咁講啦~yeah~ (係亂黎架啦我又唔跟時序又唔跟重要性總之就係亂咁黎啦)

呢個係龍哥既提議：有一晚龍哥係我地房話不如去睇中超囉~結果一呼三應~我地三個都話好~其實肥屈都話好架，不過佢果朝打黎話「肚痛」，唔緊要啦佢都仲差我地每人一鞭
我地4個人打的去到果個場附近已經感受到有幾好氣氛架啦，我地係即時買飛既，都擔心梗會冇飛，如果冇既話第一時間con龍哥~好彩都係冇晒50ja，30既仲有位~
我地買足打氣用品，頭巾2蚊，細旗都好似係4蚊ja~入到去我地坐都唔係好高~我諗都起碼有7成入座率，唔錯呀~~
氣氛真係好好，d人好幫主隊，叫得都幾勁，特別係球證吹主隊既時候，大家都怒叫「傻b!!~~!」，就咁睇落去「傻b」好似好可愛咁，原來係北京最粗既粗口(真係架我地問過清華既中文系教授丁夏老師架)
下半場主隊終於入波，仲可以守到最後~哈哈好彩好彩~~對面隊青島前後都有個黑人好勁，好似仲有曲波tim(係咪國腳黎架?)
多謝龍哥既安排~

有一日同龍哥同埋阿亮去行王府井，入左書城度我見到本老北京胡同遊就拎上手睇下咁啦(因為我一路都好想去睇下冇咩改建過既老胡同)。見到書入面介紹左一條係王府井附近既，我就邀請佢地兩個同我一齊去搵下啦~都幾偏架呢條胡同，就係前一個街口問人，果個人都話唔知，好彩我地堅持行多個街口ja~
果度係老舍先生既故居黎既~不過去到已經關門啦~~佢屋企對面有個婆婆係度淋緊花，阿亮就過去問係咪冇開呀咁，之後就同佢吹左陣水，佢係老舍先生既舊鄰居黎架，而家退左休食退休金生活。文革果時三十幾歲，係單位裡面都批過人，佢話唔批唔得呀果個時期，好彩係呢條老胡同冇咩俾人破壞過。又話王府井以前係俾皇親國戚行街既地方，係皇旅既商業區；而家都係商業區，不過所有老百姓都行得啦~
同婆婆傾到計幾開心(雖然我聽得明6~7成...)，胡同好靚都好開心~~

不過轉個彎就見到d咁既野...
我地行完一條之後，係轉彎見到有間房個門口特別靚，點知...係拆卸處咁既野黎既!要拆呢頭既胡同...行過少少見到有d已經拆緊...
尋日睇三峽好人既時候都見到好多呢個用白油寫既拆字...係咪成個中國都做緊咁既野?肥莊話大陸保育問題比香港仲嚴重，因為政府做起野上黎冇人可以出聲...
希望問題唔嚴重啦...

想知奧運有幾勁?阿迪達斯為北京奧運每一個項目都做左一對獨特既鞋，呢個計畫叫「專為北京打造」，好誇張呢~

最好笑既係跳水都有：

就係拖鞋啦~wow~~~得諗係整黎搞笑架嘛...
有興趣可以去呢度睇睇：http://2008.adidas.com/gear/gear.aspx

係北京冇架單車真係窄使d架，好似yotsr呢個咁鍾意踩單車既團體呢，係北京生活就簡直係fit到爆呀!見唔見到圖既右下角呢，係北京每條馬路都係有單車專線架，唔使擔心係街踩會太危險(當然都唔係話超安全果隻啦...)~
係清華裡面踩就少不免架啦，因為校園太大，去食飯呀超市呀買雜誌買書咁有架單車旁身方便好多~同埋呢夜晚食完飯踩下單車兜下風都冇話唔爽~
係清華以外踩都係好普遍既事，踩遠d食野就多選擇啦~踩得最甘果日都可以話係上圖果日(阿mark黎架)...我地(Eunis、亮、mark同我)踩左去雍和宮，去果程就個半鐘，唔算d咩呀~不過回程就踩左3個幾鐘...

點解要咁耐呢？因為我地見到一ja奧運既建築就踩鬼左過去啦~上圖就係阿亮踩緊去鳥巢既相啦~6月果個奧運公園已經封左架啦，我地踩到去呢個位可以話係最近架啦~好多都係隔條馬路影埋去，不過呢度近得黎有棟野遮左個景唔靚既...
之後仲封左好多路，所以我地踩錯左ok多路既結果就係踩左3個鐘既回程單車~~

踩單車真係幾好玩~不過...
(以下張相可能有d恐怖，唔嚇得既請飛過佢)

小心d囉...特別係肥仔就唔好懶醒企起身踩，企得多架單車受力自然大，成個腳踏飛左出黎得返條鐵軸就一野刮開左右腳啦...死唔死呀仲要縫成十針...雖然唔係話好痛又冇咩血流出黎，不過呢訓足兩星期先行得，成個trip冇左一半架都...
不過係度真係要多謝大豪阿mark阿亮同龍哥~好照顧我呀我整親果時同埋之後養傷既時間~多謝每一個探過我病既人~哈哈~都幾感動架
當然要多謝小馮，雖然唔係身邊，但係不斷係耳邊陪住我，仲寄左好多野黎，唔...有d野唔使係度講既，係咪?(對唔住呀嚇親你啦都...)
而家冇咩事lu~係多左條虫係度咁囉~

打住咁多先~

熊一直都在

2008-06-14T04:20:00.000+08:00

給馮：

我走啦~一個月真係好快就過架啦~唔使擔心我架，你努力咁去搞o camp啦~好好咁撐住自己!雖然我唔係度，但係我其實都你身邊撐住你既~唔好咁易輸~唔好咁易軟落黎~我知你有能力既~我唔擔心~~^^悶既話呢，就搵下點整好食意粉啦，哈哈~都仲係悶就聽下隻single囉~真係架，我好快返~

熊一直都在

熊上

情迷九龍城

2008-06-13T02:13:00.000+08:00

話咁快就搬走左啦~尋晚係last day，唔捨得呀...

我地就係住係呢條街~城南道~唔...好好記住呀係城南道~呢條街有好多泰國既雜貨店架，老爺成日都會買青檸或者青檸水~我就多數都係買下野飲同埋口膠，for唱錢~仲有架~同小馮去過對面間咖哩食過兩次，好食架又平~食lunch30蚊都唔使~!

我地就係中間沉色果棟既最高果一層啦~天台都係我地租左既~ 帶你去我地間屋睇下啦~"跟我過黎呀~~"

呢個就係入口啦~天普...唔知係咪黑社會既一個單位...

呢條咁企理既樓梯每日都要行，好有可能一日係唔只行兩次tim~~呀!我仲試過以行樓梯黎減肥，不過行左兩日老爺話咁樣會傷膝...停左....講起都好似有dd痛...

行到啦行到啦，大約五層啦~~不過叫六樓既~唐樓係將地下計一樓架嘛~~行到上去都冇氣架啦多數...點解我同肥莊可以抬到個雪櫃上去...好!入屋睇下呀喂~~

呀...唔好意思呀...一入到黎就見到家肥玩緊數字球FM...呢個應該係家肥係屋裡面做得最多既野~第二位係唔掉外賣~第三位係唔使碗~~

入房入房~睇緊波呀我地幾個~最憎C7竟然又羸多場...灰....我唔會捧西班牙架啦放心啦老爺...我會捧湖人架啦放心啦肥莊~e?肥莊唔係度既?

原來係出面飲緊啤~~得返個咀都認得出係肥莊呀唔係講笑~唔好理肥佬啦~上天台睇下景~好天呀今日!

呢個就係天台啦~冇幾何會上黎架其實~係試過同組媽睇煙花同埋另一次同阿yip係度玩火~呀...去清華之前都見唔到阿yip...

係幾靚架~九龍城冇咩高樓，可以睇到好遠既景~唔錯唔錯~~

好啦~我地落返去睇下九龍城有咩好玩有咩好食啦~~

次次有人黎九龍城，我都會帶佢地去食兩樣野既~~

全香港最好食既蛋撻~~好好食既蛋~我真係覺得甜得黎好好食架~~唔鍾意食so皮就冇計啦...

第二樣要食既就係呢檔串燒~d豬頸肉好好味~~個辣汁更加係冇得頂!不過係好好好辣果隻黎架...所以我同老爺多數都係要半辣，即係再加埋沙嗲汁~ 諗唔明點解要叫沙冰囉但係呢間野...

帶唔夠錢黎呀...好啦我地好禁錢啦...不過行好遠架...由我地果條城南道行過去最近果間匯豐，就係呢條福佬村道...起碼要行兩個字...灰....

行到咁遠都累啦...飲杯野呀~呢度d果汁好新鮮，而且唔貴，好多都係7蚊細10蚊大~而且好多種汁都有架~係冇蜜瓜........好味~~

入KCP行下啦咁鬼熱既話~呢個商場好正架~唔太大但係又有碟睇有好10蚊店又有得睇下波鞋同埋有好多野食~最正係呢間金水~下午茶時段半價~!唔想食一壽司等到咁夜可以黎呢個食個tea~!都幾好食~

行完商場可以試下對面果檔印尼野~雖然又係串燒，不過同頭先果隻泰國又唔同~而且果個雞軟骨(講得岩呀我!!0係講左豬)的確好吃哦~同小馮食過佢呢度既雞髀黃飯~好味不過如果要大辣就一定會死，我覺得阿哥都會話辣呀~~間野好似冇左炒飯啦~好想試個印尼炒飯...次次都冇晒...而家仲話唔再出tim...記得有一次問阿姐仲有冇雞軟骨，阿姐話：冇啦...咩都冇啦......好似好慘俾人呃晒d錢咁既對白......

食到咁上下我地行下先啦~

有次同家肥打波，係呢度望去九龍城係好靚架~一棟棟唐樓再加一個好廣闊既藍天白雲~好舒服架~~

呢間係樂善堂~歷史遺物黎架~之前都講過老豆細過係度讀過夜校果間野呢~~而家都應該係學校黎架~~好似...成日行過都冇理佢係做咩既...衰....

呢條就係九龍城既大馬路衙前圍道啦~唔知佢既意思係咪以前衙門前面既一條圍住既道路咁解~~呢度好多小巴經過，特別係去旺角果d，成日停係度等客，所以我冇時間既話行去街尾先上車可能仲快過係街頭上車然後陪佢慢慢等...

左邊有條聯合道~一路行上去會去到樂富同埋去到成日搞四角足球既聯合道球場~亦都係送小馮返hall既必經之路~可以見到著名既charlie brown fish架~~同埋有棵好靚既鳳凰木~(係咪咁叫呀紅色果d樹呢~)仲有大豪間母校...都係值得一睇既~

果日行過，見到呢d窄巷景~覺得好靚~一層一層咁樣~其實成個九龍城都有好多呢d景~~呀!!死啦!!唔記得影黃中通道呀!!!好掛住snoop dogg d飯呀...

九龍城都有日與夜照開既mc donald's架~我同大豪阿mark都唔知黎過呢間野幾多次啦~試過見到有靚女~又試過係度講搵錢大計既時候俾一個核突阿叔講埋一份~有排真係成日開完會就會去坐下~哈哈~~莊既回憶呀! 有次仲係AGM次後我地支莊同下莊係呢間野度撞到tim~

好啦夜啦~~食個晚飯啦~~泰禾美~~第一次去食係因為小馮話要還野俾佢地(sponsor左中研)，咁就兩個人去食啦~一舊多少少食左三樣野好飽~第二次係同埋白痴食~~再平d~~第三次係成家人去食母親節飯~~正呀5個人先係食左一百八十幾蚊~~wow~~好食呀蝦餅~仲有生菜包都係正~九龍城既泰國野唔會死得去邊既~~

食完就食埋甜品先走啦~~我地去食法國野呀~~法式蕉糖登蛋~~好好味架~~呢間野對面先係佢食主菜既鋪頭~幾靚架整得~~

哈哈~~九龍城就係一個食唔停既世界~~所以呢...唔好怪我又肥左啦...我唔係度住之後會好返d架啦~~不過...我真係好唔想走...咁快咁快又一年啦~真係諗唔到~~諗唔到會同老爺一齊住左兩年~諗唔到自己會走去執屋~諗唔到原來聯唔到線唔上網都可以生存到咁耐~ 諗唔到到最後我真係將個廳變左自己間房~諗唔到老爺溝野係咁好飲~諗唔到家肥係咁鍾意唔掉外賣~諗唔到點解隻米米無啦啦會唔見左~諗唔到點解可以有咁多x蚊~諗唔到點解張sofa可以有血~諗唔到家肥可以買咁多公仔書雜誌同埋報紙~諗唔到老爺可以因為打機而痾勁耐屎~諗唔到最後都冇食到蒙羊火鍋~諗唔到人既智慧無限到可以自製沙包~諗唔到以後同邊個講早個撚抖~諗唔到一個俾人話得意既人同左個都係咁得意既女仔係九龍城開開心心地生活左4個月~諗唔到一年可以發生咁多野~諗唔到咁快就一年諗唔到咁快就一年諗唔到咁快就一年~~

老爺~早個撚抖啦~~

生日快樂~

2008-06-04T01:05:00.000+08:00

to馮：

生日快樂!!~!!

from 熊

好耐冇blog

2008-05-29T22:21:00.000+08:00

阿mark同大豪都咁岩係呢兩日有新一篇日記(收返廣告費唔該)，我都覺得我應該打返少少野。

但係我唔想用書面語wor...好耐冇打過日記想用口語打下...死啦好似好唔認真tim...

(好有動感呀張相~~wow~~)

好~放隻碟入電腦播下先~梗係咁架啦打日記~~coldplay既X&Y，好好好耐冇聽過...呀!今日搬左唔少野返去屯門，包括所有既cd同埋所有既冬季服裝。一個大行李箱加一個大袋都返得晒啦原來~呀...d碟又返返去屯門啦...出面個cd架真係好靚，但係屯門冇位...今年都唔係買多左好多cd，肯定冇廿隻...好耐冇去過十樓睇碟啦，有機會去行下~(如果又有錢)

不過今年好似買多左vcd wor~係想睇多d戲呀成日都~~係想囉...唔似阿mark咁真係有......死未......今日終於睇左神經俠侶~唔....吳震宇冇我想像中咁好睇wor...不過我幾鍾意eason~同埋志叔!!志叔好型!!!無間道二果時個志叔又係勁型!所以想睇福伯好耐啦阿mark...(你有兩本獨男係我度呀毒男)

(呢張相想放好耐...呢幾張椅係俾人坐係度欣賞人跳樓既...)

呀...唔好話人毒男...自己唔好好多...呢排開左winning10既master led黎踢，開左隊AC，停唔到...好似麟仔(家肥)玩數字球咁，起身又玩食飯又玩訓之前都要玩。講返點解家肥又叫麟仔，係因為佢訓係張床度玩FM果時好似「我要安樂死」果個賓仔(絕對唔係取笑賓仔)。我以就破產既姿態帶領球隊順利升上division1~wow~~top player真係好難踢呀!!!我真係好毒呀!!

(成日覺得呢張相自己好似玩BMX果d x game仔~我都好想試下玩...)

尋日同馮馮去左睇新域既手心向上手心向下學生場~超抵呀學生場四十蚊~套劇原本就要一百六十蚊~wow~~bu仲要sponsor你二十蚊~即係廿蚊睇套劇~抵到想嘔~~唔...幾鍾意睇中年人既戲，雖然中年唔係個主題~編劇講話係講緊從人地黎到寬恕自己、解放自己。唔...我原本係睇唔到既，不過諗落都係~~有時就係人地一句「被迫既」，就令你得到解放，解放到好似衛生巾廣告咁要全部人著晒白色...由兩個燈塔-->一個燈塔-->沙灘-->沙灘都冇埋...時間就係可以將一切慢慢咁清走...燈塔、沙灘、自責、記憶...全都沖走......發生左就係發生左，諗返轉頭都係冇可能既時候，不如積極面對，總會找到平衡點...?

唔...就黎搬啦...唔係，係已經慢慢咁搬緊啦。九龍城係一個好地方，除左每日都要行好多樓梯之外，真係冇咩唔好~遲d整篇九龍城特輯紀念下呢個地方啦~~

就上清華啦，我雖然唔係香港撐住你搞o camp，不過我係度架，我真係係度架~~真架~~~!!

十五

2008-05-11T21:34:00.000+08:00

回覆：
誠...我知咩係閃光文啦~~初頭以為係d黑社會果d人既名tim...
toto...我果d唔見得人架...我都想你多個同學呀真係架~~佢一升就yr2就係你同學架啦~~
靚家姐...我好似從來都冇聽過...你咁叫自己...
anna...你就唔同啦~成日都話自己靚...哈哈哈哈!!!

一十五：星期六，仲要係近gala concert既...

二十五：what the....AGM???!!!

三十五：wow~~考試考試考試......

四十五：清華第一個星期......

五十五：清華第二個星期......

半年：冇野啦掛?(唔會撞ocamp會掛...)

hehe

快d病好~~

2008-04-17T01:36:00.000+08:00

好耐冇打日記咁啦真係...上次果篇...都打唔晒...

老爺係我隔離做緊hon pro...仲要有四份功課等緊佢...肥莊又係九萬幾樣野等緊佢做...點解我好似咁hea咁既呢?我都應該溫下書下嘛??

上次講話down左幾隻碟既~聽落有d都幾鍾意~
Hot Chip~好正呀之前睇袁老師個blog定唔知OM(袁老師好似quit左OM)有講過，之後上youtube搵黎聽下啦~係玩電子pop既，好入耳既電子合成器演奏~~再加奇奇怪怪既MV，同埋個vocal d動作唔知點咁...down果時都唔記得原來係佢地，一聽返果首ready for the floor就醒返起~~搵黎睇下呀幾得意架!

(係架啦...我地係影埋d咁既相架啦...去到長洲都係咁話~哈!)

另外down左林海峰隻碟~down既最主要原因係有首歌係台灣funky樂團糯米團既主腦馬念先幫佢作左首歌。我都幾鍾意糯米團同林海峰呢個組合，之前隻<<我撐你>>我真係覺得好聽架~我down左呢隻碟，之後唔知邊首後，由頭聽到第五首<<三角朱古力>>先係~一聽就認得出果種funky野~呢隻好有disco既味道~比<<巴黎草莓>>既懶洋洋多左一份緊張，唔錯~~

(老爺踏read my mind既英姿~想知咩係read my mind，上youtube搵the killers既read my mind mv睇睇~)

歌就講住咁多先~好耐冇咁享受聽歌帶俾自己既喜悅~肥莊講得岩，某程度黎講我地都幾毒~哈

轉變，總會令人憂心...就希望我能在你旁，跟你一起度過。

(個日落超靚~我一定要同你去睇一次~~)

好多野都冇記落黎...我記性都幾差...愈來愈老，照計中年應該就快過，好彩臨老有人肯嗆左我~謝謝你~hehe~~

尋日去佢地新莊既inaug~都幾順呀~冇咩問題呀我覺得~氣氛幾好，同平時去開既inaug唔係好同，可能因為大豪講既野令到氣氛咁啦，敬茶果時個氣氛都幾得意~anna又笑得好大聲，有一野全場得佢一個笑出聲...段片都幾好~不斷係同一樣野，有幾張我地支莊做過既同佢地支莊做過既show出黎，希望你地比我地出色啦~(不過唔好捱壞小馮...)

小磁good job~bobo farewell努力!!!

落左莊，同好多莊員都少見左呀，希望有人搞下活動我地聚下咁啦~~年刊應該就黎有架啦，我好想快d睇下你地十六個寫左d咩~哈哈!!

我好似好耐冇去睇戲咁既...其實都唔係呀剛剛先完左電影節~今年電影節好過上年，睇d野唔太辛苦~~左右個感覺好深刻~最後果個超好男人講完果句對白之後笑一笑食啖飯，好精彩~~迷巧公園唔太迷巧~馬田史高西司好搞笑~下年再黎啦肥莊~!!!

講起肥莊，今日上上下soci收到佢sms，有BU中文interview~太好啦太好啦太好啦!!超想佢in得成~今日同老爺食飯就講，佢絕對係值得有一個學位既~希望佢成功!

快d病好快d病好快d病好快d病好快d病好快d病好快d病好快d病好快d病好快d病好~~!!!
(誠心咁連續打十次快d病好再加埋跳一次我"淨係識呢d"既病好舞，你就會好怩病好然後可以去食意粉架啦~~yeah~~)

(九龍城charlie brown魚...由bu返九龍城經九龍仔公園落可以搵到佢)

PEACE

2008-04-15T01:39:00.000+08:00

今早起床...好像是十二點的事吧~~唔...中途通了數次電話~~唔...就不要怕我吧...我不是那麼容易動怒的...

遲起床...是因為喝了獅威...?不會吧，區區一罐獅威......好歹我的兒子將會取名為張獅威哦!(未經小馮同意)同系列的還有趙威豪、翁貓七、張薄曼、林駱駝、黃綠甩以及莊怕辣(大概非YOTSR會員都不會明白我說什麼...)

起床後就跟老豆到大興那個有龍椅的什麼皇宮酒樓來個family lunch~皇宮酒樓我聽過不少，真的有龍椅的還真是第一次遇到...呀!上海第一站吃午飯的地方也有龍椅，但那裡應該不是叫什麼皇宮。在皇宮前跟你聊了一會，嗯~希望快點康復~~擔心...

回家，想看書(昨天開了天使與魔鬼，向karen拿回好一段時間，都沒有看...)，但不自覺地幫電腦安裝了BT，然後在UWANTS的歐美歌曲區享受了約兩個小時非法下載的快感(我不是建議非法下載...只是試到有喜歡的，就會積極去找二手碟吧)~真是太久沒有download新歌啦!!不要說新歌，就是download歌也沒有~~想不到uwants還有這麼多的好東西~有很多沒聽過的樂隊名字，我立即維基一番~蠻不錯的學習，同時可以消磨整個下午~~

download中我知道的只有cat power(果日係拉巴阿mark俾藍苺之夜既OST我聽，好似都有幾首係佢既)以及the cranberries(之前係譚仔果邊間碟鋪買左隻$15既~都幾鍾意)~
不認識的有：

the raconteurs(應該係jack white既side project黎架...果日同肥莊睇馬田史高西司拍一場rolling stone既live既電影佢有客串!...3個六十幾既老人家又唱又跳又叫又guitar so晒lo咁...好堅!!香港有溫拿...係四個老十幾歲既老人家出黎以boy band姿態唱歌...印象中好似好多都係披頭既歌改返中文詞..)

The Dodos--consisting of Meric Long and Logan Kroeber creating psychedelic, atmospheric folk songs(from wiki...兩個人玩既迷幻folk song~簡單得來幾得意~)

昨天...打到這裡...就接到妹妹的電話，叫我立即趕回屯門...

唔...數個星期前，知道外公入院，因為身體愈來愈差。近幾個星期六、日，我都有事在忙，不是練習就是電影節，都抽不到空閒去探望他老人家。上星期四晚，AGM的時候，阿哥致電給我，叫我星期五晚盡量抽時間去探外公...星期五上完了肥佬的macro就回屯門跟阿哥會合。阿公好像很辛苦，我們說話，他是聽得明白的，但我就聽不明白他說的...媽媽到病房看過外公後，在走廊哭成淚人...姐妹們都是...看到媽媽，眼淺的我也就...媽說外公這一天比之前更糟，他是眼泛淚光的跟我們見面...

星期六，我請了節日的假去探望外公，他比前一天精神多了~因為大孫牛仔從上海趕回來探他，他很歡喜~~媽以及她的姐妹們，都收回哭泣，不帶著太憂心的表情。只是外婆還是很擔心...媽媽怕外公的精神是迴光返照，叫我們星期天不要離開屯門...

星期天，是我這三天去探外公以來，看到外公最辛苦的...只看了兩眼，就要跟妹回家，照顧古池妹妹以便舅母探外公。

那晚，我看完陳可辛上台領過最佳電影獎後，便回九龍城。打掃一下這個還有兩個月租約的家，盡最後一點綿力。洗個澡後，突然想打一點東西，發覺自己太久沒有把生活點滴放在這裡，因此就動手了。

大約四點十分，我就接到妹妹的電話，叫我趕回屯門...盡量見見阿公最後一面...

我極速到樓下，等不到小巴便上了架的士到旺角。在旺角的通霄小巴等待它滿座開車之際，我接到老豆的電話：你在哪？唔...不用回來了...外公已經不在了...

我還是回去吧，看看阿媽也好...五點多到屯門醫院，阿公還在病床...媽叫我跟外公說句話...說後，我不太捨得離開...但是一定要走......

其實，我跟外公不是太熟，印象中只有大時大節吃飯才會見到。小時候，在小方舟，偶然也會見到他。記得有一次，小學英文課本上，有一個字我不懂得唸，就問外公(他懂英語的，好像從前是鄉村學校的校長)，他教我唸"Austrial"。還有一次，是在鹿苑樓下的餐廳吃過晚飯後，說這間餐廳為何總是不停轉手，因為門口是向外斜，水總是向外流，所以生意總是不好。

唔...這世界或許有天堂，有的話，外公一定是在那裡，抽著煙斗吧~~

外婆，不要太擔心，外公現在比之前都舒服的，不要太心痛~

公公，rest in peace。

2008-04-10T04:30:00.000+08:00

撐!!!

我要學習如果強起來~
就給我一點點時間吧~~

對不起

2008-03-30T12:00:00.000+08:00

從此不再說：

冇野啦嘛...咁收線啦......

問題三條...黎呀~陪下我玩啦~~

2008-03-26T02:59:00.000+08:00

問題一：食芋頭我地都揀「林」身既，我地形容佢為「粉」，咁你又知唔知「生水」芋頭係咩呢?(講到咁明都唔知?)

問題二：相中人同你認識既版主有幾似呢？(請以百分比回答)

問題三：咁下面呢張相裡面既兩個人又有幾似呢？(請以百分比回答)

有誰比你好?

2008-03-26T02:41:00.000+08:00

同你一齊我覺得乜都唔做都好開心...

咁已經好夠....

唔可以用晒你d時間架...

2008-02-26T03:30:00.000+08:00

回覆：
阿mark、肥莊、阿嫂~~歡迎你地黎呢度搞事呀~~yeah~~~~!!

toto~~多謝你既手信~呵呵!亦都多謝你仲會黎呢度哦~

肥莊~~5、6點開始賣咩呢你想講??

阿哥~~係呀...果次仲使左好多....

對唔住...影低左既痛腳...拎黎笑就好啦...

三月十五號可唔可以唔係星期六?

聽日就舊生分享會~星期六就annual din~下星期五就係社盾~~wow~~仲有年刊就完晒莊既活動啦應該~~咁就一年...快到喊...哎呀呀~~要打pic感想俾YC wor~~ee?我三個PIC活動係咪全莊最多?好威咁~(唔係wor體育都好多wor好似...輸左...)

YOTSR全力支持火辣新人組合Freeze~~3月7日AC HALL見~~
其實係社科院sing con請左freeze黎做表演嘉賓...唔...肥莊頭先話LU sing con有林一fung、at17同埋zarahn(有冇串錯呀娟娟媽我?)...

我話：即係得4個男人，再加兩個似男人既女人，同埋一個似女人既男人啦...我地就唔同啦!!
肥莊話：你地係三個整到好似女人既女人囉...
我：貨真價實架!!
肥莊：ok...整入去果d料呀嘛...

唔...總之就正啦!!!真係黎ac hall睇freeze，老婆至讚成果隻tim啦組媽快d黎睇啦!!

講起時間過得快(有講起咩?)，電影節又黎啦~~上年睇左幾套，有賴野既感覺之後，俾肥莊挑起條引又想去睇啦今年~~

30/3--浪蕩天涯~我話想睇既~肥莊又唔介意一齊~
2/4--九降風之香港篇~志偉叔做監製既~同小馮and佢朋友睇~
26/3--左右~到肥莊話想睇啦~
6/4(唔係4/6)--電光滾石~馬田大導拍rolling stone既live~
仲有機會睇埋bob就好啦~(可惜睇唔到糖果雨呀...)

3月有好多活動呀~~^^電影節、日本劇、林奕華、表演、大同~~wow~~好開心呀!!!

如果十五號唔係星期六就最好........=.=

我的生活就是如此...

2008-02-24T02:58:00.000+08:00

早餐(原來M記早餐唔係賣到十一點半)

整理筆記...(使女人錢呀)

做痴漢食糖水(金滿堂冇左綠茶雪芭...唔係得我一個人鍾意食架嘛.....仲要俾個三唔識七既人好激動咁話唔鍾意我........)

假清真牛肉(廁紙咁重既咩?)

買MD~EXP~(food court喇唦仲好食...)

早餐叫雞(見到媽媽啦~~不過唔見好過見啦嘛...)

發脾氣...三點幾~~^^(鼻水乖啦好冇?)

JP GOOD SHOW~~!!!(唔偉大唔偉大~~)

我的生活就是如此...快樂~~!!!

i love you till the end

2008-02-15T04:08:00.000+08:00

謝謝妳~

風

2008-02-13T21:09:00.000+08:00

老鼠年~~唔...即係鼠牛虎兔龍蛇馬羊猴雞狗豬又由頭數一次啦~即係過兩年之後我就會經歷人生第二個虎年~~呀~~

真係......好懶打野wor我~~其實打過好多次...打打下都delete左...因為唔夠時間...今日咩都唔理啦~~打得幾多就幾多~~

(睇我地個樣咁喪

就知係踩單車啦~)

想講返sem break......sem break其實除左去a trip之外，都仲有一樣好大既事發生左。唔，就係阿鋒返黎啦~~有成年半冇見過佢lu~~佢今次返黎我玩得好開心~~

老實講，阿鋒每次返黎...我都好似唔係用好多時間去陪佢...原因...唔知道......不過今次佢返黎，係有dd唔同既，因為今次返黎，阿輝已經......唔係......香港啦~~(點解我咁無聊次次都玩呢個...同阿mark一樣成日自己覺得好笑既野就勁講...哈哈)

(真係凍唔死我地幾個算係咁...除夕@黃金~~倒數倒數~打牌打牌~~)

上一次阿鋒走果時，我記得阿輝好唔捨得，同我講話唔知我幾時都會走埋...哼!!估唔到阿鋒再返黎既時候係你走左囉!!!今次阿峰走，我有少少阿輝果時既心情，不過係少少吧...

阿鋒好好，不論我地做咩，叫佢佢都會黎玩~就算係剪唔到頭髮都唔介意同我地去睇書睇碟...都驚悶親，但係佢就係唔介意~真好!唔係有a trip的話，我可能同佢去左台灣玩同埋可以玩多幾日~

我地都係念舊談當年既死老野，阿輝都係~但係講返以前，係堅開心既~~

唔知阿鋒覺得開唔開心~我就堅開!應該...仲有年半嘛最多都係....~?

(肥莊忍唔到笑...)

唔該晒YOTSR一眾朋友都咁歡迎阿鋒~~

身體健康

2008-02-08T01:47:00.000+08:00

你好呀AD奶~~多謝你話好高興認識我~~我都希望我高興認識你~~但係我都唔知你係邊個....

今天，跟老豆到醫院探阿麻。其實，她已進院近三星期吧？屯門醫院離我家這麼近，去探探老人家也不是什麼難事。再說，我也不是忙到一丁點時間也沒有的地步。

那麼...為什麼要遲到這個時候才去探她？我媽是極度討厭她的奶奶，在家中兩人是不會接觸的，但我媽好像對這個老人家緒多挑剔，亦從小就教導我不要接觸這個有毒的人。唔...我想...她們間的誤會一定很深很深...深得連表面功夫也懶得做...

我就在這樣的教導中成長。從來都不會主動接觸「這個人」，而對她的親近，我亦抗拒得很。她只是想給我一包餅乾罷了，我都怕那是巫婆的毒蘋果，一定拒絕接受。

今天在媽的吩咐下，跟爸去探阿麻。唔...媽也不是太硬心腸的人。到了那個有starbucks的康復中心，再乘升降機到病房，我都在想...待會應以什麼態度去對待她......

到了...看到滿瞼病容的阿麻...走到病床前，拖了拖她的手。很粗糙的手...真的......但很暖。她很高興，高興得...好像眼淚要流下來......

阿輝說過，到她不在的那一天，我一定會哭。

祝各位身體健康

無聊~

2008-01-20T16:56:00.000+08:00

你講咩呀肥莊...我唔明既...

我感覺到自己是一條行屍走肉。人之所以為人，是因為人會思考。我想...我的腦袋已停止運作吧。

我是一個混蛋。對世事的漠不關心，對朋友的心靈傷害，對親人的冷言冷語，都令我覺得自己是一個有破壞冇建設的混蛋。

是時候靜下來，讓自己好好調整一下。

好~~我調整好了~~嘩哈哈哈哈哈哈哈哈哈哈~~!!!真係唔係講笑~~做好d自己就解決到架啦~right?

開左學一個星期啦~完全冇返學既心情，正常啦~去完旅行冇耐仲要係sem既第一星期硬係覺得冇咩學~~所以我唔怪自己。我應承左自己呢個sem要勤力d，我都知會俾人睇死而自己亦都冇咩信心架啦~不過試下先啦啦啦啦!

勤力d係因為我而家個CGPA得2.3……………e?又拉得左?冇錯因為我今個semGPA得2.13……………又話要過2.5既?話ja ma…我肥左bio…有咩計wor…講左好多次啦其實3科econ有b-都覺得唔錯架啦~~但係點知真係計岩條勒關之恩…科u and ur health真係肥…頂…又要讀多次…

今個sem又要對住超悶既KYK…冇見兩個sem今個sem又出現返既墨sir…仲有retake macro果個老師…dividend is…dividend!!!唔該晒你呀唔講我一定死果時都唔知…

以上三科賴野機會頗大。接下來既仲有樹基既macro~~應該都ok既~~中國社會…好似果個話阿mark靚仔既老師係會kill人既…oh……仲有科就係中級普通話…轉左老師…第一堂我覺得佢好悶…之後返去同老爺講…老爺話佢果時初級係佢教既~教得好有心好有準備又播片又播歌~老爺試過有堂冇返佢仲打俾老爺話佢聽今日教左d咩~睇黎都ok wor~第二堂去上對佢改觀之下都覺得唔錯既雖然播S.H.E……唔係唔係~~真係好啦播S.H.E.~yeah~~!!

咁學術既我呢篇野…下莊邊個會做學術呢?邊個會做康樂我想知多d~~哈哈!上年呢個時間…我地去到咩地步架?我唔記得左looo~睇返自己果時既日記…完左一個sem…GPA有2.72…仲諗緊去唔去台灣…之後俾大豪追問之下決定左上…諗住yr2 sem2先去exchange…而家得返2.3…去鬼……雖然我都仲係好想去…

到底清華完左…我地會去邊呢?而我所講既「我地」又會係邊d人呢?其實我都幾期待~~delta同埋a trip之後我就更加期待~~都係果句…快d到，但係唔好咁快完…ok?

我本安德烈搞咁耐都仲未睇完…搞咩鬼野呀…睇到安德烈講佢老弄黎香港既時候同佢去左間自己鍾意既bar--Ned Kelly’s~~哈哈，咪就係阿輝去玩jazz果間bar囉~~阿輝竟然同龍應台拉得上關係~感覺很有趣~~

昨天問那個進度頗快的學生，他在外面音統的長號班是誰教的？(我不喜歡他在我的班上練習別人的東西…是我教得太悶嗎?)他的答案是：姓白既。我：白咩呀?他：白榮輝

阿輝，你而家知點解佢進度快啦~~都唔係我教得好……不得不承認吧……

連續四個星期唔使返節日，星期六晚做咩好?今個星期六晚留左係屋企…食完飯傾下msn開住部電視睇十大中文金曲音樂會之後10點幾就去西頂~好典型既活動~但係我好耐都冇試過…

我今年~睇過叱吒睇過勁歌睇過十大中文金曲~我都覺得…有冇咁岩呀咁都俾我睇到?如果唔係房部腦冇聲…應該唔會發生d咁既事…

十大中文金曲…大合照好好笑…MC又錯漏百出…有杜麗沙同埋四大天王加哥哥校長名曲重編一首歌俾陳奕迅又唱又跳都已經算係全晚最好睇既野

勁歌…趕頭趕命趕趕趕趕趕趕住去投胎變高清…

叱吒…聽到幾次話班歌手開始唔係唱情歌啦…唔…請問…咩係情歌?我鍾意既Franz Ferdinand玩果d post-punk媾女歌算唔算情歌?Muse玩I love u baby~~又係咪情歌?brit-pop姣野u don’t think about it u don’t do without it because you’re beautiful~~又係咪情歌呢?

你地d詞唔同左唔代表你地玩緊果d音樂有咩唔同，ok?唔好懶係有咩改變咁…

呢幾年開始走好多唱作人出黎，好似好好咁啦自己作自己唱唔係再倚靠雷頌德同eric kwok啦~有趣既係…佢地作緊既咪就係雷頌德eric kwok作俾佢地既野?玩呀?

鬧得太多啦…進步下啦…唔該…

A TRIP

2008-01-12T23:15:00.000+08:00

我要記下很多東西嘛...先把a trip記下來，先把a trip記下來，先把a trip記下來...否則，我會忘記，一定會忘記...

回來後朋友們都問"怎麼了，好玩嗎?"
想一想後...唔...答：混亂

說的不是行程的混亂，是自己思緒的混亂~
開心、傷心、期待、後悔、興奮、煩惱、舒暢、惆悵、理性、感性......都堆在一起...像九龍城那間房子一樣混亂...

我試試把每天的特別事都記下來~我會努力的!

第一天：
@雲大豪五點多就到了機場...不需要這麼興奮哦小朋友~~
@漢堡王的早餐又貴又不好吃...
@在飛機中差點把阿誠的相機摔壞，幸好jerry哥把它弄好~我真是名副其實的e-killer!
@摺了好一會，看到吃午餐那條金龍後就沒事啦~
@下午的外灘，跟上一次看的夜外灘感覺很不同，但都是情侶的拍拖好去處~有一群大陸人在橋上看工程...我跟阿mark都去裝模作樣的看看...很古怪真的不知道有什麼好看...
@聽一個左傾的大叔說上海有多好，說了一個小時...
@練習了好幾遍「衡山路地鐵站3號出口」，還上演了一幕食神...終於成功到達，還跟一位介紹小姐的大叔聊了一會~我們有很多小姐啦不需要介紹~(口係咁講..心係咪咁諗....)

@跟莊員和幾個freshmen去喝酒~6/7個人開了支芝華士和一打啤酒~夠喉夠喉~~但那都算是music bar嗎?兩個男人唱pop song..都聽到呆了...上海之con~厲害!

第二天：
@同濟大學~wow~靚景靚景靚景~~就是這樣...跟醬爆看了很一陣子同濟的歷史，然後跟他9行了很久(真係9行都嘔...除左d鵝...都唔知睇過d咩...)

@多倫名人街...自己一人的話我去到那藝術館看看~或會每一個名人銅像下的資料都讀一遍...
@東方明珠塔...玩嗎？連廣場都進不了只可以在外拍照?okok~我去逛正大廣場~~從未到過一間像茶樓般吵鬧的starbucks...救命....總覺得上海的H&M都比香港的七...襯得很奇怪....但在裡面我聽到KAISER CHIEF的歌的改版，蠻有趣~在那廣場找到書店，買了JOHN LENNON的第一任妻子寫的記憶錄~$38~很厚又有很多照片~抵買!吃了個騙人的牛丸...沒有瀨尿....
@乘地鐵~等步行街~開始跟MARTIN談戀愛...一口一(我真係咁好攬咩...)~到城皇廟~唔...上一趟沒有排隊吃那個小籠包~這次吃到了~!正呀正呀!!在那條橋上對著公安吃小籠包感覺很不錯很不錯!!
@「衡山路地鐵站三號出口」一千一夜...是一間餐廳不是一間酒吧哦...都好...我喂了杯不什特別的雞尾酒//也喝了杯很特別的雪糕水...為什麼我要提議猜了那糕水泥味雪糕(點解你地會知道水泥係咩味既.?)阿MAN鼓勵下試了水煙~有趣玩意~呵呵!還有那個很HOT的印度西施~邀請豹哥一起跳舞，無得頂呀!!(點解個隻飛機咁ja架...)

@「喂，做咩呀?呢度講呢度散囉~」(點解我會咁快舉手...)

第三天：
@阿誠買的「痴」飯好吃~比酒店的垃圾好多了~謝謝!
@很喜歡宋慶齡女士的故居~那個人解說得很清楚~我站在一個毛澤東曾站過的點...有一張相在我心中留下深刻印象...是宋女士中年時跟已故的孫中山先生相片合照...她當時是有怎麼的心情去拍這張照呢?經厲了太多太多...女強人仍是不倒的站在先夫照片前來個合照~她有後悔過愛上孫中山先生嗎?要是跟一個不為革命只為享受的貴族結婚，日子會好過一點嗎?宋女士就是宋女士吧~
@再次到那個城市規劃展示館~3年前到過這地方，還記得在大堂等了很久那個旅遊巴還未回來...這一次...都是無無聊聊的看一看就算了...
@極速完成當日的行程~開始半日自由行~先回酒店休息的計畫被自己弄糟了...令自己有點嘈...坐的士到城皇廟後自己走開了一會，要大豪和阿mark擔心，對不起~但我蠻喜歡那危機感~想像到要是大家都找不到我，我就自己亂走一趟才回酒店吧~
@狂吃一些不好吃的東西...黑玉米...(阿mark將佢俾左個乞兒...)沒有章魚的小丸子...不好食的湯包

@$120的文革海報...那個大叔很有趣...最後還價$15~大叔見我不買就拉我到一邊說：計你便宜一點..我說：1元好啦...他說：好!就便宜一元~$14....大叔...我只是想花$1去買呀明白嗎?
@二百多元的唐裝衣服在我們每走一步價錢跌一跌之下...$30就可以買到...但大豪都是不買~~
@沒有跟econyr1去那條文化街，我們3個人呆了一會就到外灘看夜景~還未到外灘時在那些歐洲建築間走來走去~感覺很一流!
@在外灘，我們決定什麼都開價$10...結果每人都買了個明珠塔，還差點畫了掃瞄~在那裡被多個乞兒討飯吃...阿mark就是好心腸啦...(有人呃左我地半條萬樂珠呀!!)有些更是討完又討...有趣...最後決定跟他們battle~你跟我討我就對你說恭喜發財~~怎麼樣!!來吧!!!「來~~照相照相照相來照相~~」(雲大豪好似拍左d我地俾人乞食既實況)

@找econyr1去食小肥羊，但是到了書城後又決定去掃街~~好吧就一起掃街啦~!!超好超好超好吃的生煎包~「中午果個真係收晒皮!」~~羊串燒沒西安的好~但雞心就很爽很好吃~wow~吃到好東西真好~阿mark真的很想吃狗肉....唔...我不太想吃...我怕夢到茶字典狗埋怨我~(茶字典狗真係超過癮~今日又睇左次~呵呵)
@新天地~嘩!高尚酒吧區~沒有進入ARK(看書這店的名字是取自於l'arc的唱片ARK~每晚都有live band~應該不會是唱pop的)~十多人在戶外圍了個正方型~厲害~經理應該是香港人，跟我們介紹雞尾酒~我叫那杯...味道像嘩哈哈AD奶...玩了「anna對波」以及「阿lin個咀」~正呀~~

第四天：
@到蘇州去~~那個大學...唔...其實那個先生的話說得很清楚明白~只是我很累...都沒聽到多少...眼皮很重嘛...
@大學是需要一個草地，而且是可以讓人躺下的草地~BU呀...中醫藥那塊都算是嗎.....

@虎丘很正!!!真的很正!!!幾日來終於看到中國式的風景啦~有著很有型的歷史背景~整個感覺就是「好」吧~脫離群體看竹林~真想走下去感受一番，可惜膽不夠大...呀~還有那個夕陽~~很美妙(wounderful~~)(差d搵唔返佢地...搵得返都完全聽唔到果個塔咩一回事)

@那間酒店...透明浴室...要soldier嗎?
@在步行街見到人群中年男人在爆櫃員機.....我們都呆了....(夜媽媽又唔似維修，拎住個搥就打埋去...仲有人睇下熱鬧....唔會真係爆緊掛...)
@在豆漿店遇到賣花小朋友...讓我想起西安那一個~他們是可愛的~更是可憐的...那個媽媽，都不想打擾我們...請你讓那個可愛小妹妹好好成長吧~可以嗎?
@幾個大男孩去按摸~哦~~阿mark那一位技師....很嚇人!!太太哦...你為什麼不回家照顧孫兒呢？我那一個是廣東人(佢係幫大堅按架都係)~但她令我覺得很癢...按得不太舒服...阿mark按完後哭著衝回酒店房那一幕...真的很搞笑!!!(仲話要即刻沖涼~0野既佢都係扒上你度一陣ja..冇野既冇野既)

第五天：
@獅子林~那個導遊說了十萬遍我們是VIP我們是VIP我們是VIP...但他都比跟團的那個導遊好~她就是比較認真。那個像遊樂場般的假石山~好玩好玩~想起肥老黎說中國人都喜歡大自然~直接把大自然搬入家吧~BU那些盤景都要一萬元一個，這個假石山要多少錢呢?
@很好笑的絲綢工廠~~(得果幾丁友...工咩場呀....)幸好阿man買了條絲質底底...否則...不會把我們關起來吧....吃飯時，同場一大群外國人~~阿mark跟露強哥說能否安排我們交流一下...
@烏鎮~的確係一個不錯的地方~大澳差太遠了~那個酒很好喝~~甜甜的，喝了兩杯身子很暖很舒服~在橋拍照很難呀~唔...在這裡逗留一天也可以嘛...呀~~那個導遊姐姐很可愛~忙了找她拍照~
@到杭州...這一天坐了很長時間的車...我聽了很多遍周杰倫的青花x~~沒辦法，中國式五聲音階旋律很不錯~~
@晚上和econyr1逛街~走了好一會才找到一個可以逛的地方--家樂福~~哈哈~~買了長城牌紅酒跟阿man一起喝~他們又買了很多不同味道的百力滋...bobo請我吃那個姑味...救命(陰到正...雖然bobo唔知我唔食姑...但係小馮知架wor...)
@跟econyr1聊天(econyr1係一個團體，包埋阿kim同jerry既)~發覺每個人都很有趣~~唔...的確世界上每個人都是很有趣的吧~~

第六天：
@晨早到西湖...竟然不開船...因為太大太大霧~~可惜吧...大霧得什麼都看不到...雖然看不到，西湖始終是西湖~大霧得像仙景般~
@喝茶~很多人買哦~~始終我們比較負擔得起茶葉~那個茶餅好吃呀~~我試吃了很大~~可惜沒錢買~~(嗯!我去按摩果時已經冇錢架啦~都係兩位老兄借俾我)~~那個茶真的「淡而無味」，是我不懂得欣賞吧~~奇怪的茶莊又有很多精品又有金華火腿賣~~一站式一站式!
@吃午飯那個餐廳的後山是種茶葉的，雖不至於壯觀，但很美~~「尿是故鄉黃」的感覺很重~!

@秋瑾墓後的自遊西湖~我們走到西泠印社~~這是一個玩啤聖地~~很多人都在玩啤~~只有一百年歷史，好像沒什麼值得參觀...但後來我在杭州機場看到有一本書專介紹這地方，這是近代的一個印藝術的文化聖地~很厲害很厲害!!
@蘇小小~余秋雨在寫西湖時亦有說她的故事~跟秋瑾的革命完全不同，但都是很厲害的女人~女人要承受的，往往會比我們想像的要多~就在那橋，他們相遇了?不管是真是假，故事都很浪漫~這是真的浪漫~~
@蘇堤~那天在蘇堤走了很欠遍~~辛苦你了東坡叔叔~~當官很麻煩吧~~讓我現在開個獅威跟你好好喝個醉吧~~

@岳王廟，差點就成就了阿mark要在景點「玩捉」的願望~(點解咁想玩捉...R晒頭)
@在西湖等吃飯時，我們就在亭子坐下，看著湖，各想各的~我聽著歌，想起很多~~阿輝很快就從西湖中走出來~跟我說：張力恆，你要乖嘛~~我說：我知道了，你不要以西湖水怪的方式走出來嘛~~很舒服很舒服~~西湖有著沉重的歷史...而我只是個二十出頭的小朋友...但「他」都包容我，讓我們可以親近一下，真好~~你要等我，我會回來看你的十景~~

@4支紅酒十多個啤和很多好玩的遊戲...令我在econyr1面前....劏了.....我真的很差哦....真的很差哦...說什麼都是很差啦.....
@酒，是好東西，能令人醉，令人大膽說出想說的~醉後，雖然不清醒，但大多是真心話，我是這麼認為。有些事情，再清醒再理性都分析不到...

第七天：
@手信街...沒有錢啦我什麼都買不到啦...所以都沒什麼好逛...只知道有怪東西吃.....
@YC人很好都不怪我們把他的房間弄成這樣子~謝謝~對不起瑋瑋.....對不起這位econyr1的~
@雲大豪跟阿man比集合時間遲多d，讓我擔心了一會...但想一想...二個大男人...加上YC之後有致電找阿man...擔心個屁....
@想不到的delay...五個小時...我喜歡the delays~不喜歡delay ok?其實也不是不喜歡~因為把旅行拖長了~但五個小時也真的太長了吧....再加上我首尾呼應式的發呆...小馮叫了我幾遍坐下我都走開了...我把自己埋在旁...看著跑道~阿輝又走出來~~喂~~不要無時無刻都走出來呀!!那些水會跟著出來的呀......
@幸好，在飛機上都有聊天~~很好呀把我的靈魂拉回來~~謝謝你~~

唔~~沒那麼混亂了~~打完後覺得，其實蠻不錯吧~~挺開心的~~謝謝你PIC~

碟碟碟碟碟

2007-12-22T00:14:00.000+08:00

我聽緊hot hot heat既新碟(唔..都算係新既)happiness ltd.~唔係mp3，係cd黎既~~因為果日同肥莊、大豪阿mark睇戲之前去左十樓睇碟~~yeah~~我記得每次帶冇去過信和二手碟鋪既人去都會有驚喜~今次都唔差~~雖然係貴左d...$58~~

我見到sigur ros既dvd"heima"只係賣$168~~嘩~~又平左十幾蚊好想買俾自己做聖誕禮物(唔...係咁架啦冇人會送...)袁老師係MCB寫左篇野講sigur rus既新cd同埋dvd~~佢講到好吸引~~而且個導演當年仲有份拍史迪仔架!!(咁又點呀....)我唔會奢侈到去買special edition$330有本好靚好精美既書既~~我唔會買架我唔會買架~~不過會接受人地送囉~~

老爺話我個世界只係得碟~~話~~我都想係咁呀好似好開心咁~~~

呢排睇左幾套戲~上星期考完geog即去睇"投明狀"~好睇~我本來就唔好果種大型英雄戰爭片，對套戲都冇咩期待，不過睇完覺得堅正~~果兩個幾鐘全身都繃到緊一緊~~冇咩邊一刻放鬆過~~好耐冇試過呢個感覺。

又睇左優先場既american ganster....唔...同阿mark睇完都覺得不太好....故事好平...劇本唔太好掛....仲睇左"我是傳奇"~比想像中冇咁好睇~~本以為係講一個人既無奈既~~不過好似唔係呢回事~~

入左三次戲院，唔怪得之我咁窮......不過我仲想睇"我在伊朗長大"同埋""，不過我真係好窮wor...點算好.....

窮...maroon5條數都未俾，就知道incubus會係3月10日黎香港~~應該賣緊飛架啦~~係九展新場搞，未去過唔知係點...$320~~的確幾值得去睇下，同埋incubus係肥莊一開始俾碟我試既時候，我覺得都幾ok既一隊band~係我開始接觸我而家鍾意既野既源頭，所以都應該去睇下，不過$290之後再$320...

其實3月都仲有其他野架~~包括左香港藝術節啦~~今年會有幾個jazz既大師黎~~bu既拉闊都仲有其中一個既飛兩張咁大把~冇人同我去既話我自己都會睇掛....因為又$130~~仲有仲有~之前決定左唔睇既santana(嘩~~堅呀!!)同埋一聽到消息就決定唔睇既the chemical romance~~係咪好刺激呢黎緊既3月~~wow~~~~

尋日返屋企食飯~~老豆問起阿輝呢掛點~我又確實唔太知...因為多數都係每星期教野果時問下阿嫂咁...尋晚唔知咩事我好夜都未訓~見到阿輝online!!即叫佢同佢傾下計~~佢用左「^.^」黎應我，我就話佢好老套.....佢竟然話「^.^」即係fuck you咁解...ok~~好~~你係法國大晒~~ok~~之後佢打左黎傾左成個鐘~~呵呵~~佢真係delay得好勁~~

考完試就好清下d碟~睇左隻生日快樂同離奇過小說啦~~唔...我係需要睇下愛情片既係呢個時候~~我一陣可能會睇多套~~離奇過小說~~都幾鍾意呀~~個女仔幾靚~~女作家都好病態~家肥話佢好勁~~

點解我買咁多vcd既好似...

R.I.P.

2007-12-20T02:59:00.000+08:00

昨天聽到你的消息，第一反應是：唔好玩啦肥屈~~但當知道那是真之後，感到震驚，內心覺得很不踏實。

怎麼了？只是慶祝考試完結，大伙兒喝個酒，就奪走了你的生命。

雖曾想過，為什麼你知道自己身體不好，還要喝呢？

但上天也對你大狠了吧，是嗎......

你不認識我的，我也是剛認識你...希望你接受我的祝福

R.I.P

勒關朱恩分純

2007-12-14T22:13:00.000+08:00

yeah~~~~~~~我考完啦!!!當係考完架啦!!!普通話遲d先算啦!!!

入左果隻之前買既the divine comedy入電腦聽緊。上wiki 搵下佢地d 資料，原來你北愛爾蘭既樂團，佢地玩既野叫"pop"。哦~~pop~~咁側面側面側過側田果d人妖KTV係咩類型?美其名canton-pop~~你知唔知呀~canton係非洲話即係垃圾咁解~~

即係咁既...
我科bio16咩0亦即係you and your health既合格率=勤力x彩數

MAX 合格率=勤力x彩數
s.t. 應試能力=bio底+聰明

set the function(勒關朱恩分純)
H=勤力x彩數+入(應試能力-bio底-聰明)

d左條式佢就會搵到
bio底=0, 聰明=0, 勤力=0, 彩數=0
合格率係0

冇錯~~我好唔健康，所以好多機會讀多次我和我的健康~唔係...實情係我尋日答100條mc，撞左90幾條...得幾條係識既...合格率仲唔係0咩....

再早d既正郁剩...3條只係有兩條識答....
今日既suki...essay2條只係做左一條...有一條冇寫過野.....
下午既delta...3條只係答到一條...其他兩條吹都吹唔到9成死硬....

低能仔仲話有2.5...2.01都唔知有冇啦而家!!

去台灣?小心要讀多年呀....

靠普通話拉高....食屎啦.....

2.39

2007-12-13T00:33:00.000+08:00

明明我就係要溫書架啦...但係冇啦啦想打日記...點呀?

咁打一兩句算啦...

「我覺得」呢兩個星期我都算勤力架啦~朝早(雖然唔係日日)返bu，全到中午食個飯，到夜晚再食個飯，有時坐多陣，有時就食完返九龍城，其他時間都係溫書~~算係咁啦嘛...

突然間下個sem想勤力咁考個3返黎。多數都係得個講架啦，如果我拎得起我真係會咁做。不過我知道自己咩性格，就係好多野都拎唔起。

腦裡面有好多想法，但係拎唔起就係拎唔起。間唔中會有d野拎得起既~又會發覺...一拎起就會係咁去~~去得都幾好幾順~~所以都係拎得起最緊要~~

好似果晚係阿輝度諗首勁歌金曲咁，原本只係因為去到佢度佢未起身，電視又冇咩好睇，不如試下填d字入去啦....兩個鐘度啦，又搞掂好。

希望我真係多d去拎起d野。

我去台灣exchange既夢，俾louis同阿mark再一次帶起。

原來我CGPA有2.39，唔係2.3幾...即係近2.4架~又即係話，我呢個sem有2.72既話，就可以拉得返2.5，然後我下個sem考返好d~就夠穩陣去exchange~~錢唔好諗住，諗左成績先啦點都~~

上個sem讀成咁...好彩都唔係拉得好好好低....

不過我都係覺得我呢個sem，頂多咪2.5....臨考先日日溫書...平時堂都唔上...廢

阿mark xanga首音樂好好聽wor~

2007-12-08T23:20:00.000+08:00

唔....唔應留言唔禮貌呀~~回左先

mark~~邊個係死肥恆呀...新朋友黎?定係新女黎既~好得既??

阿肥莊國禮~~即係咁...冇咩呢就唔好係度搞事...ok?ok~~你edit得好d~因為你原創既~自己玩返remix應該會好d

大西豪~~女神應左你未呀...?「神你不歡喜我~~迫我入了魔~~~」

s哥~~哈哈!!!我竟然似阿翁~~~咁我應該係媾死女果d~~好~~我決定以後拎住隻碟出街~!

暉暉~~er....我點都唔會放自己張相囉.....我就考完啦~~考完會得閒d架啦~~呵呵~~

唔....我係應該立即熄電腦然後走出廳搵返個袋再係裡面摷份中國經濟碌屎黎睇睇既...

之不過...有首歌今日不斷係耳仔邊度走黎走去...好煩....

「講不出聲講不~出聲~~~講不出聲~~講不出聲~~~」

熟我既都知我地係一句歌王，成首歌用一句詞唱得晒...即係唔理岩唔岩音照樣放返落去個旋律度

例一.香蕉船~呀香蕉船~~香蕉香蕉香~蕉~香蕉船~~

例二.朋友~我當你一秒朋友~~朋友~我當你一秒朋友~~朋友~~我當你一秒朋友~~(<--呢度係勁唔岩音架~不過會繼續)朋友~~我當你一秒朋友~~~
er....eason chan既呢首「朋友」呢，頭呢幾句個旋律變化唔大，真係用返同一句詞唱都冇問題架~~

例三.我留著陪你~我留著陪你~我留著陪你~我留著~陪你~~我留著陪你~我留著陪你~~我留著~陪~你~e~~(唔知我做緊咩既可以私底下搵我...我唱一次過你聽又點話)

唔....其實呢...小節間既變化唔大的話...首首歌都可以係咁既.....

講返講不出聲~講不~出聲先~~

我知道周杰倫點解要係周杰倫live in Hong Kong2007(我都話你地吹我唔脹架啦~~)裡面唱講不出聲~講不~出聲~~因為佢同詹瑞文同埋林奕華夾好左~~

就係咁簡單~~講完~~~yeah~~(其實好多野想補充...不過要去溫書先....)

睇相啦~

2007-12-07T02:20:00.000+08:00

我好耐冇放過相上黎啦，所以突然間想咁做~~

家肥有次唔記得拎毛巾入去沖涼，叫我地拎俾佢，之後老爺係門側gap開門果時偷影唔成功....我索性係門上gap度影~yeah!!我都話我會放上黎架啦張相~~

呢度係九龍城既樂善堂...老豆話佢以前係呢度讀夜校....嘩~~三十幾年前既野...三十幾年前既老豆...嘩....應該好多頭髮....應該幾靚仔....不過都係矮....點解我會好似我老豆咁矮又好似阿媽咁肥既....(阿媽呢排瘦左好多...好驚....)

我同肥莊企到咁後...係因為企前d既話，會顯得我地兩個好大份...所以企後d個比例先會岩返....

唱做個勇敢中國人既emily唔知係咪勇得濟竟然對住阿城既鏡頭唱!!哈哈!!好似睇緊電視咁呀!!後面班dancer就唔可以望鏡頭得唱果個可以~係emily帶起左當晚既身一個高潮~!!thx!!

另一個高潮~~R唱到好似打泰拳之前唔舍拜咩果d動作咁~~哈哈!!上莊真係好~~幫sing con搞好個氣氛~!

即係咁既....佢地唔拎台風獎，都唔知係邊個拎啦~~舞都排得咁好(雖然相比之下，龍哥明顯認真過阿明好多....之但係又夠合拍wor!)~~點搞?仲要影到兩張相佢地跳得咁齊!!係阿誠勁定係佢地兩個勁呢...?

一拍兩傘之敗走...

(自覺)好型咁走出黎之後阿明竟然大聲講：嘩~~林雪呀!!
成段稿唔講啦....走去叫佢夠膽講多次，叫評審認住佢唔俾獎佢!(雖然評審係真係認得佢....哈哈~~不過都有獎呀~~)

影得好呀誠!!我好鍾意呢張!!雲大豪既形體動作做得最好~~堅係似星咁架wor!

同阿耀慶祝生日~~好耐冇咁大班聚過啦好似~~因為我囉唔搞活動!嘩哈哈哈!!(我用個碟遮住塊肥面)

明明散左之後又聚返...真係難捨難離呀~~最近成日單手插袋唔知咩事

2007-12-06T17:56:00.000+08:00

自問，這幾天都有好好的溫習，起碼像個學生般在考試前衝一衝。

家姐說：大學生hea係應該既...不過最低限度都要有second low

唔...我想我會以這句為大學生活既宗旨。我會繼續做我想做的事，但無論如何也要保好個second low。現在CGPA只有2.3的我，看來還要努力一下。

看著阿亮、louis、阿明等成績卓越，我都沒有太大的感覺。自從升讀梁銶琚後，我就知道我永遠無法達到某種人的水平。結果連努力的動力都消失...

說到底，我是會羨慕louis這種讀書好玩樂精的人。我不懂得欣賞照片，但看過在他xanga的作品，還真美。

昨天又看到他說應該專重語言，不要中英夾雜，我認同到不得了。記得中五補習時Richard也有說詔類似的話，當時亦覺得自己要好好學習，只可惜我是超善忘的人。

讀書讀不好，玩樂那方面呢？我也是沒有什麼比較專的。吹小號，算吧...我的水平...太低太低太低...我連阿輝教我的d' r'~ d' s l~ s d....也沒有練好...而且這句之後要吹哪個音我都忘得一清二楚......幸好ddddddddddrmfsltd'd'd'd'd'd'd'd'd'd'tlsfmrddddddddd~還記得...

考過money and banking(咪又係中英夾雜...食屎啦張力恆)，很低沈。考得很差嗎？也不是...只是覺得最好也只會有c+，b-真得不得要求。低沈原因亦不是出於擔心成績吧，只是很累...話都不想說多句...我很睏...我好眼訓...

我好廢

2007-12-02T23:18:00.000+08:00

回覆：
阿禮，係wor我做咩冇應阿mark既...我絕對唔係怕d咩wor!

誠，你好呀歡迎你再次黎呢度。你果日都係度架?可能我好早走左撞你唔到。(我係早到小克只係畫左個水桶我就走左啦...)哎呀呀，sorry呀我因為太想睇d相所以冇講到你係MV個媽媽...首詞..唔係話好...不過我鐘意^^(edit from 肥莊名句)

肥莊名句係咩?「唔係話唔好，係我唔鍾意姐」

真係好用wor呢句。如果有個勁唔得性格又差食煙飲酒講粗口既女仔向我表白，我仲唔同佢講「你唔係唔好...係我唔鍾意姐...」嘩...有人鍾意我先算...可能勁唔得性格又差食煙飲酒講粗口我都搵唔到......

呀...係灰少少架啦冇計啦踏入十二月...

突然好想聽brit-pop...我都冇咩brit-pop碟...the verve啦冇計...

佢地好似reform呀...仲有咩唔reform得既啫...kula shaker、the smashing pumpkins...仲有x japan....哈哈，我都係睇報紙先知x japan reform~~我腦海想像到既佢地好似beyond咁整個screem出黎射阿hide出黎...痴線...人地架仔咁先進，成個hide複製都仲得啦...

講開band就講埋啦~~買左飛啦~maroon 5 live in HK 2008(我改既呢個名，點呀?)將會係下年既3月19日舉行，亦門係話maroon5黎香港同老爺慶祝大壽~~嘩~~有咩好得過自己鐘意既band係生日黎香港呢?我知，就係俾我返返上年然後我去買返sigur ros live in HK2007(又係我作既，點呀?)既飛啦!Give me something to believe inCause I don't believe in youAnymore, Anymore~~

突然間想打日記係因為頭先無聊睇下有咩相睇，俾我見到阿fung~~唔...佢今年冇返黎...唔知佢幾時會返黎...佢送左mr. potato head做生日禮物俾我，但係我仲未送過d咩俾佢...突然間掛住佢，鍾意見到佢有幾癲~~唔知佢學成點呢？係咪已經成日都飛黎飛去?佢應該讀書讀得好辛苦啦，咁多科...不過係自己鍾意既野上面，幾努力都唔係問題啦~~好似阿輝咁，自己鍾意既野，去到法國都冇問題~~

今日係屋企過左成日(好似好耐都冇試過)，對住d money and banking notes，結果溫左一課...頂自己個肺....死!我連只係要copy and paste就交得既paper都未做...懶得我謄謄震呀真係...

諗唔到講咩啦...講住咁多先

建立

2007-11-27T11:37:00.000+08:00

嘩嘩~~小馮同karen li都有留言呀~~多謝你地~~

回覆：
晴晴~~你好耐冇留言啦~~到底我地幾時先飲到茶??be a good boy~i will try my best~~

肥莊~~唔好焗飯啦，我地去食二手人參啦~~

小馮~~今晚仲有一場~~好好享受埋佢!GOOD SHOW~(雖然你睇到呢到應該都完左架啦...)原來係你!!!係你發明既!!!仲唔俾我搵到你!!你唔好走呀!!!

Karen li~~點解你真係搵到呢度既??超厲害!!真係好呀~~好彩我果日拎本野返黎俾你~~唔係搞到你冇得拎簽名就死啦...容許我講多次多謝你借本咁好睇既書俾我(仲要俾我keep左咁耐...hehe)

唔唔...要講既野唔多...我聽緊既係boo boo...原本想聽Amiina既~不過唔見左唔知去左邊....

點解想聽Amiina既?因為尋日去睇BU drama soc既AP~開場歌竟然用左Amiina隻碟裡面既開場曲sogg~~心諗咁堅既佢地sound team?竟然識Amiina?!不過再諗落，都正常既，我聽既野都唔係話偏到咁既地步呀~~

今朝先知，原來係我之前send過俾小馮，然後佢用左。哈哈哈~~我竟然有貢獻呀~~!

個play ok呀~~不過好似最想講果樣野講唔到~~我鍾意睇點搵返自己既野，不過可能係好難講既~~

上一篇多謝左好多莊員幫手搞好sing con~其實都要多謝小馮呀~~佢幫我cut左好多歌，仲要快手到驚人，sound team果然係唔同d。麻煩晒你^^

前日冇啦啦想打俾Miss Lee。我小學果時認識佢既，佢黎學校補課。之後升左上中學，佢幫我補英文。佢英文好好架，不過果時冇咩錢就冇補落去。佢對都我好好，帶我去書展(最後一屆連埋漫畫既)，又成日請我食飯~中五前都不時會見下面咁既~~之後就好耐都冇見過，什至電話聯誼絡都冇loo。

前日打俾佢，傾左半個鐘到啦~佢教書好次真係幾辛苦，仲要加埋佢下個月結婚，就煩上加煩~~冇錯~~佢要結婚啦!!!真係好啦!!!恭喜你呀miss lee!!!(今次我肯定miss lee唔會黎睇到呢度!唔會好似karen li果次咁架啦~)

佢話我識得講野左。咁樣係好定唔好?好似識得social左咁...其實我好怕social果種人...

今次既傾計，好開心~~

呀~~呢排我仲知多個人會結婚，就係台灣既張TT啦(儀婷)。佢話「如無意外」等學長「蓋好房子」就會結婚....頭都大埋...如無意外係咩意思?蓋好房子又係咩一回事呀......?不過我都好想去睇~~同年齡既人結婚，我未遇過呀...

人與人的關係，是什麼一回事？

先建立，後破壞。一定要這樣子走下去嗎？

若果是這樣子，那麼我會努力在破壞後好好再次建立。

唔...我的確在努力做這一回事。而我相信這一次的建立，會跟上一次很不同。

2007-11-23T22:40:00.000+08:00

想打日記，但好像很多東西未做...算吧，想打就打啦。

呀~~shut up~~!!冇錯我又想聽swing~~很懷舊....

尋日我算係有睇下小克同楊學德既其實。小克...幾有型^^三張野既人(係咪有架啦?)keep得咁fit仲係某個角度上都算幾靚仔~再加上畫得咁好既時候...真係殺死人~~佢有野扒係台度諗野既時候，karen li即刻話好可愛好可愛咁~~哈哈~冇錯啦呢d先叫可愛架嘛~~我呢d只係叫肥~ok?

唔好意思呀karen li，keep左你本書咁耐...(你會唔會睇到呢度呢其實..anyway~thx u very much)

中年又keep得fit又有料既人會令你諗起邊個？村上春樹同埋劉德華。果日上榆林，見到本講解海邊的卡夫卡既書，我真係幾想買黎睇下，因為我好睇唔明本書...我都覺得自己幾蠢，成日睇書睇戲睇劇都唔明...不過唔緊要，最緊要係肯睇，對嗎?

我記得細個果時(小學)都幾鍾意劉德華，原因係覺得自己冇咩鍾意邊個邊個歌手好似唔係咁好咁...搵個人黎鍾意下啦~就揀左佢......有一次佢去仁愛堂做d唔知咩外景，我係小方舟玩緊既，阿媽叫我衝出去問佢拎簽名...我結果都係驚得濟冇去...我細個都幾冇膽呀應該...印象中阿媽對劉德華感覺唔好，成日叫佢劉德殘~因為佢殘得好快...(咩名黎架都唔岩音...)

打口語幾好呀，打得快好多~~不過我睇返尋日篇野...頂...咁多錯字既...

打口語冇咁虛無你睇得明啦嘛~~XD

到底係咩人發明呢D野...XD 一口一 -_____- orz 真係冇得頂咁都諗到

要做geog present、money and banking paper~~我真係好對唔住阿亮，所以我要快手打埋野就做野~~呀唔係wor我要做d a trip野俾煲寶wor....嘩嚇死差d唔記得...

阿fung問我聖誕有冇時間，有就去台灣玩~~時間我有~~錢我冇啫...去a trip嘛~~我都幾鍾意去呢d交流團架，可能係因為陳黃果兩次俾我既印象都好好啦~~期待期待~~

我好想去法國呀~~講到有d機票咁平..係咪架...$4000都得??我咁大個仔都未離開過亞洲...呀唔係，係東南亞之岩...

開左本穌菲的世界黎睇~~好睇!!!一路有人lead住你同你講哲學，唔錯唔錯~~點解我唔睇下d micro notes既...geog notes直頭未鋪過頭...money and banking就每次上親都訓~~訓到天昏地暗咁...幾恐怖...

想睇戲，想睇暴劫現場。其實我不嬲都唔好呢類好似超緊張爆破動作大電影，想睇都只係見到張poster上面的占美霍士好有型~~睇多少少，原來係講緊美軍入中東打恐怖份子...同命運迷牆黎個裡應外合。一套講緊最前線，一套就講緊外在既政治野~~兩套我都想睇下~~不過有時間先算

下星期一就去睇BU drama soc個play啦~~家肥話想睇，咁我都想捧下小馮場，話晒搞左咁耐睇下佢搞左d咩都好~~哈哈(佢地個table stand好靚)

再下個星期五就睇萬千師奶啦~~果晚麻煩左煲寶啦~~唔該晒唔該晒~~一齊向世界恤髮啦唔好講野~~

我睇女仔靚唔靚最主要係睇眼~~真係好重要架眼睛水汪汪咁真係咩都俾晒佢~~但其實可以比佢更緊要~就係甜美既笑容~~就算眼晴唔靚~笑得好甜都真係可以補返晒~~可惜呢兩樣野都唔係咁易有~~唔係人地旋律小姐點會迷到咁多人wor~~

cher~~我有咩資格講我覺得點先係靚女呀~~睇下自己咩料先啦肥仔!!哎呀...點解愈來愈肥...我會決心減下架啦~~ok?

我會聽話

2007-11-22T23:14:00.000+08:00

早前打了半篇的，只是老爺剛好回來我就沒有把它完成了。

前一篇日記都放了這麼久，竟沒一個留言都沒有...俾下面好wor老細...

有一個習慣，每打一次日記都要係cd架上搵隻碟放入電腦播先開始打，打左果半篇其中有部分係講緊播果隻碟...係swing黎既~~其實果時我未有買碟既喜好，不過竟然買過佢地兩隻碟~~我諗如果而家佢地出碟，我都會考慮下買二手既~~

而家聽緊既係jamirorual既high times singles1992~2006~~肥子送俾我既生日禮物，真係幾鍾意架~~肥子恭喜你做左p~~~呵呵

講起碟我諗起尋日上上下money and banking時去廁所撞見袁老師~~!!我膽粗粗問：請問係咪有堂定有talk??佢就話係而且係最後一堂既人文素質....頂，唔係只係梁咩拍教既咩??佢話佢都會黎講下~~係同上年唔同既~就係講下d冇咁上年咁偏既音樂，而且係文化多於音樂本身~~我想知音樂本身多d~~

又講起人文素質...我好似上過兩堂既林奕華...就冇去啦...我諗係因為佢講既係愛情多於戲劇吧...果排唔想聽咁多愛情野嘛~~

又又講起尋日，話說我落左樓行緊去小巴站既時候，就係距離我冇半米既地方，有一塊大過我塊面既磚係高空跌左落黎，仲砰一聲響...我扮冇野行多幾步，面對我行既師奶就對住我講：你真係好彩...我對住佢笑一笑，隻手摸住個心口表示我好驚。其實我真係好驚，只要我行出多少少少少，可能就入左院loooo。「yeah~~d運未走呀!!」

前晚sing con~個人認為還算不錯既一個活動。果晚每一個莊員都做得好好~~MC唔使講啦，度三十幾首歌既稿，真係有難度，觀眾反應已經唔係我考慮既野啦，4個合作都真係不錯既~~雖然最後Anna濕晒都係用唔到(仲咩話我打牆呀低b)；音響煲及音響車表現出聲呀，雖然果度音響真係好難搞，不過你地反應好快，盡左最大努力架啦我知道，效果還不錯~~燈光屈盡職到嘔，竟然急尿都唔敢去，大熱既效果更加冇得頂~~archer們冇得頂!令到成個活動run得好順(我之前係好擔呢樣野架)~~好厲害認得晒咁多人~~辛苦阿誠joanne全晚係咁拍拍拍~阿誠既多角度以及joanne既盡拍~我相信效果一定好~~阿lin整既場報堅靚~~果對八分音符真係...廢物利用既典型例子~~recept j and recept魚長期坐係門口，真係對你地唔住呀~~不過你幫我地點名仲俾我知道竟然每三個中研人就黎左一個既時候，我真係超感動~~麻煩左汶汶照顧左評審們三小時，仲要極速計返邊個係冠亞季，thx~~balance坤聽得好呀，恭喜你有一對好耳仔呀~~仲有阿jane~~安排坐位俾觀眾，辛苦了~~

坐莊都幾合拍~~呢樣野我最開心^^果首詞送俾多家，希望你地明白呢份心意啦~~

阿誠~~話不多說啦~~唔好咁擔心啦~~~

阿輝走了。

三個星期就這樣過去，可惡!!!這三個星期，跟你相處得很快樂。日子過得像你從未離開過一樣。看電影、吃晚飯、逛街、節日前6點的晚飯、後樓梯透氣位、到你家過夜、聊天至天亮、小肥半、嘉洋城、到我家吃飯等等等等...一切都像三個月前的日子~~只是昨天的收拾行李與今天的機場，像兩個月前你離開時一樣。

我曾想：你這樣回來一陣子，給我無限的短暫快樂，然後又極速離開...令我比你第一次離開時，更覺不捨...更不開心......

但再想~只要你回來就好啦，不管多久，只要你回來就好啦。

在這三星期中，很奇怪的是好像受到你保護，心情都完全沒被影響。記得就在你離開的那兩個月，情緒是近年來最低的。雖然情緒高低不是直接跟你有關，但卻真的是與你之間的距離成了正比例。很擔心你走後，那種情緒再來...

但今天你離境後，致電來說：「要聽話呀...唔好亂諗d咩啦...知道我講咩嘛...要聽話呀...」強忍下，那些水沒有走出來，太好啦~~

你回來時，在你家的那一晚，你說：「日日睇你日記，都係唔開心...又打到咁虛無...好擔心你...不過知道你大個仔啦，要煩d咁既野啦~都開心既~~」。

原來，你一直都在。

我會聽話的。

2007-11-08T00:48:00.000+08:00

回覆：
暉暉~~俾人叫恆恆，好似你個名咁...哈哈哈
肥莊~~知道呀uncle john~~我都係買返d我識既野好d~哈哈!!話晒都係錢黎既~

在window media players選張專輯伴我打日記，就sparklehouse吧。柔情點，現在的我，連the stone roses也覺嘈。

(酒店既境，都唔錯架~~)

剛過去的週未參加了地理的珠三角trip。走馬看花的到過幾個市(鎮)，要學到的都學不到。反而，輕輕鬆鬆的兩天為地獄一週寫上蠻不錯的句號。奇怪的跟econ那三位小姐熟起來。由剛入學到trip前，都好像不認識似的。現在總算有機會一起玩玩，感覺不錯。

(呢輯相又影得幾好wor~~)

阿輝回來啦。法國，是一個好地方吧。所以，伙要再在那裡留上起碼兩年^^恭喜你。還記得那夜，你對我說你的夢想，還有你對前路不清的擔憂。今天，你做到啦，真好~!!

(這是阿輝給我的手信~~我是幸福的)

你學成回來後，我已經畢業啦。我只是一個課程的畢業生(third hon)，而你就是法國著名音樂學院的碩士。終於，你會走在世界級的名列之中，我仍會在這裡默默支持你。

吃飯，看電影，就是這麼簡單的事，我都會好好形惜。只怕要多少年後才有這個機會。

阿輝走後，我沒為他哭過。

但他走後，我哭過好幾遍。

真希望你能守候著我。

終於生病啦我!上一星期多麼渴望自己會生病，卻倒不下。本週，再沒有生病的意欲，今早起床時就喉「嚨痛得要死」，接著「鼻水長流」。oh~~~冇得頂~~~~

我搞活動的火，仍然旺盛!!我要搞好sing con!!!希望我的老毛病不要再發作~~大家就提點一下小弟吧~~有什麼不好的地方就直接跟我說吧，好嗎？

搬書後，各散東西，只剩下我一人在旺角街頭。那一刻，像3歲小孩般徬徨無助。
我不是面書人那種能跳過6張椅的強人，也不是丁滿那種運動細胞充斥著身體而且腦袋肩靈的完美人。
我就是瑟縮在旺角小巷的一角，連存在感是什麼都不去想的......垃圾。

2007-11-06T12:30:00.000+08:00

有點奇怪。

我在播昨天新買的二手唱片--bjork的volta。總覺得跟我將要打的文字不太相襯。
所以有點奇怪。

Bjork那種唱腔的確能吸引著我。那像是種在世中掙脫的感覺，給我帶來力量。

你知道我很喜歡買唱片吧。昨天在十樓二手唱片店(你還記得那店嗎？)手上拿著pet shop boy、wham!、TCTC以及這張Bjork，最後只帶走Bjork。因為她在掙脫，我也在掙脫。

早一兩星期在同一地方買了the divine comedy。這是什麼？我自己都不太清楚，只記得曾DL過他們的歌，而且只售$28，帶她回家吧。

價錢對我而言超重要。不介意的話，我就不會買二手碟吧。錢到底那裡走了？花到食物身上嗎？花到玩樂身上嗎？那倒不如買張唱片，好讓自己沉醉一陣。

然而，唱片給我帶來的，並沒有想像中大的影響力。真可悲。

你知道的，我愛聽的根本不算什麼一回事。那可能是偉大的，但我連歌詞都聽不入耳，只是不斷地說些樂團故事，還要考你記性，困擾你，對不起。

聽些毫無感情的濫情流行愛情歌曲，更實際。

剛看過馬家輝那本關於電影的愛情散文，最後有一點他認為重要的，是「毫不在乎」。

地獄週終過去，我還健在，謝謝關心。

2007-10-30T21:42:00.000+08:00

在書前坐著...坐著...

看著本來不帶感情的雨不斷地掉下來...

心情很不踏實...

坐旁的說了一句說後，

那些水又自己走出來啦

討厭...那裡人太多吧...聽話的就不要走出來!

R晒頭

2007-10-30T21:20:00.000+08:00

今日我收到3個sms，都唔係香港既台send黎既。

12:37
「衡衡：天氣冷了，要多著衫，保重身體。家裡有橙汁，等你回來喝，好嗎?」

小弟睇到R晒頭....個smd全簡體字既，睇返個no.係86138做頭既，係大陸send過黎既。叫我衡衡？同個恆字係同音，但係好耐冇人叫過我恆恆啦都...仲要有橙汁飲咁開心~~(小弟極好鮮橙汁的~~有一排...)唔知咩事呀....

我send返去
「謝謝你。你好，我叫阿恆。你是誰？我認識你的嗎？對不起哦...我不記得...」

17:34
「阿恆；你好。我唔認識你是我搞錯了，不過你應該是我女兒的朋友，因為這手機是我女給我的，裡面有你的手機號。」

原來係咁~~佢個女，應該唔係local吧。但到底係邊個呢？佢又叫衡衡？定係衡衡唔係佢個女係另一個人..?我決家一陣send返個message俾佢問下係邊個(同埋都係禮貌黎既)。

2007-10-29T21:33:00.000+08:00

「你好。」
「你好。」
「你很煩!!」
「真的嗎？真的那麼煩嗎...」
「對。很討厭!!!」
「對不起...」
「不用，你對不起的不是我，是你自己。」
「我...不就是你嗎?」
「正確來說，我們只是在同一軀體內，但我並不是你。」
「你不是叫張力恆嗎？」
「是，但我不是你。」
「我跟你都叫張力恆，並且在同一軀體來，不是同一人的話，那麼你是誰？」
「雖是同名同姓同軀體，但我始終不是你。因我有太多想法跟你的不一樣。」
「我.....有什麼問題....？」
「你.......」
(打到呢度，有人打俾我，講左兩句之後，有d水係隻眼度自己走出黎。之後我就唔想再打啦)

2007-10-23T19:01:00.000+08:00

尋日朝，5點幾起身，落樓買左個mc donald's既豬柳蛋漢堡早餐就過"對過兒"既巴士站搵車去土瓜灣街士幫莊排場打波。搵到一架26號既巴士，可以係一個叫土瓜灣街士既站落車，應該冇死啦嘛。俾左$5.x，搭兩個站唔使兩分鐘到左。

去到，都已經有6~7個人，應該係BU既，男男女女打下nds咁。我又打下問阿妹借既psp太鼓啦，呢排真係好多人玩太鼓。打左一陣，佢地都到啦，今日total有阿lin肥屈同mark，哈，"辛苦晒~~"。

排完我即刻返去訓覺，因為果晚訓左4個鐘好唔夠，訓得一個鐘到啦，又起身返去上普通話，救命。打俾阿mark，哈，佢仲死訓得一個字。上完去sit soc 房，車車同大豪都係度。呀講返少少野，尋日一返到去大豪就話LT冇場啦，我灰到嘔。之後去左AC Hall個office問WLB場，佢話搞sing con唔可以係果度.......頂.......不過可以俾LT3我地。LT3，即係上"你和你的健康"果度。大到咁，我地應該點玩呢莊員，真係排套歌舞劇都仲得呀。

sit到搭四即走，因為patrick佢地約左上年教英文既cizzy食飯~~去staff can，我都係第一次。都繼抵食呀咁多人既時候。cizzy佢記得晒其他人既名，就係唔記得我。唔~~我應該係上堂好乖冇咩出聲所以佢都唔記得我個名looo。佢問我果個好朋友點樣。哈，佢講緊既係阿輝，因為我之前試過要睇阿輝(第一次公開指揮)帶比賽，上唔到佢堂就同佢講左呢個原因，佢竟然仲記得阿輝。阿輝而家，應該幾好嘛。

食左半個鐘度，車車同我就要去中醫藥果度做大課宣傳，大豪就去文素素度a week。我同車車遲到，結果入到去佢地都講完...咁我尋日著suit到底為咩......一口一......

之後上中國經濟，頂左上半堂，之後果一半完全進入昏睡狀態。點搞呀....我咁樣落去唔過二啦....

又後去R4搵大豪，訓左陣就去聯福道睇波，中研對hist。3:2...輸左....輸左啦....不過真係睇得好緊張~~anna睇到好火tim仲~

之後我就自己行返九龍城。秋風送爽，係幾舒服既，不過唔著suit應該舒服d。一個人食咩好?我買左十蚊X燒，煮左個公仔面同煎隻蛋，嗯~又一餐。食完又玩下太鼓又溫下普通話。之後夜晚老爺未訓就一齊打下太鼓又畫下畢加索畫。我終於過到魔鬼十粒星!!!我覺得真係練到返黎既，不過拍子感亦都要好強。我吹野都係冇咩技術但係拍子ok既...12月25日有表演。

訓到8點半，超唔想起身返去大課，想打俾anna話頭痛唔返去得唔得，但係打到俾佢果時又覺得咁樣好似好衰，就問佢應該係邊度話?其實我記得係尋日果度...我都幾有急才。

講起急才，今日家肥話呢排成日都係夜晚好想打俾佢但係又唔打，第二朝起身就好鬼掛住佢。我就同佢講"我呢掛成日都係夜晚想打飛機但係又唔打，第二朝起身就扯晒旗。"有急才得黎都真係幾核突。

等極都冇車，好彩都趕到。入到去想宣傳既時候，中研soci yr3既同學仔都急急腳咁走，因為之後果堂唔遲得，結果只係俾左傳閱同小單張俾佢地。之後去同阿mark食早餐，小馮阿波同yukie(econ yr1既小朋友)又咁岩係度就坐埋左一齊，仲見到大豪tim。雖然係坐埋一齊，結果大部分時間係mark大豪同我傾計，三個freshmen自己傾計，PM呀PM，咁ja架...

食完返去九龍城，對唔住呀大豪我真係好想返去訓。老爺同家肥仲訓緊，真幸福。老爺起身就好似病左，先前諗住一齊食lunch結果我自己食左一個杯面又要返BU啦。走左曾樹基去到OEE8樓，莊員們同梁文芳老師已經傾緊計啦。等左好耐d同學仔先到齊，行快d嘛~~

今日考普通話筆試，呀...我係有溫過架，但係都有幾多唔識，點搞點搞...派返第一次錄音，我係全班最低得27.85/50，仲低過龍哥，我真係有開窗就跳落去既衝動。落堂，去拎返果時派傳單既人工，就上左soc房執下a week既書。結果同唔著我之下，我又返九龍城啦。買左個mc donald's餐加大加雞奕。當唔開心既時候，我覺得咁樣食會係最開心既。

上到去，家肥仲未走，俾佢迫左我上天台吹下水。上去吹下風，的確係唔錯既~~

講完

先苦後甜

2007-10-19T00:02:00.000+08:00

人生在世，要作出很多選擇。

當我選擇了「先苦後甜」，就要承受現在的「苦」，慢慢等待未來的「甜」。

這段時間特別難捱過。但捱過了，就會得到期待以久的「甜」。

但，又有誰保證，「苦」過了，就會得到「甜」？

你向我保證嗎？沒有...

我向自己保證嗎？沒有...

上帝向我保證嗎？沒有...

那麼......到底現在受的「苦」，是為了什麼？

2007-10-17T23:22:00.000+08:00

第一站：尖沙咀寶勒巷monitor-->找不到
第二站：尖沙咀HMV-->找不到

乘地鐵到佐敦
第三站：希望不大的KUBRICK-->找不到

乘地鐵到太子
第四站：樓上鋪PANIC-->執左??!!

步行到旺角
第五站：信和地庫阿叔二手碟鋪-->找不到(有四張Lacrimosa，但我很窮)

媽的!!找兩張唱片都這麼困難，我就是想要什麼都得不到的人。

這令我想起超想吃KFC那天，到又一城卻因停電而一件炸雞也沒有。

想要的，我都得不到。

以為最偏的唱片店都找過，沒收穫的我從九龍塘地鐵站步行回BU途中，突然覺得人生想得到的東西多的是，可以說是太多，一二三四五樣得不到，也是無可奈何。算吧，有就有，冇就冇啦，唔好將咩都放到咁大啦。

今天，是開心的。

旅行的意義

2007-10-01T21:55:00.000+08:00

我去了一趟旅行，一趟長達半年的旅行。

那個地方並不是什麼繁榮的商業國際大都會，而是一個文化古都，以人作比喻，應該是一個外表不特別但很有內在美的女生。

在整個旅程中，我經歷了很多。初時，只是抱著旅行的心情，希望從中得到一點快樂；想不到，她給我的快樂像細菌成長般快速地倍數增加，令我有長留那地的念頭。

但我就知道是沒有可能，因為香港才是我的家，那兒根本容不下我這個外來人。好吧，我收拾好細遠，準備望開的時候，當地就下大雨，捨不得我就這麼傷心地回家。

那我只好繼續在容不下我的地方生存。那段日子，她教了我很多很多，異地的文化，不同的生活享受，跟以往相反的處事觀點等等，都使我大開眼界。

不知不覺間，我真真正正的愛上這地方，而且沉迷在其中。我極度渴望移民到那裡，但清醒的天使告訴我那是不可能實現的。天使，謝謝你的提醒，但就不可以讓我在模糊中繼續沉迷多一段子嗎？雖然不健康，但求求你，就多一會吧。

直到那一天，那不會在我腦海中消失的一天，一位警察要檢查的我的證件，發現那簽證已過期，結果我被遣返到家。就這樣，旅途結束。

雖然是遣返，但我不怪那位警察。我壓根兒就是有必要回家，只是捨不得離開。那警察，是來助我一把的。

回到家中，還是對那兒念念不忘。回憶總是美好的，但我不可能生活在回憶當中。所以，我會好好在現實中生活，等待下次旅行的來臨。

想講好耐

2007-09-21T04:02:00.000+08:00

從沒想過，地位比一個電郵高，會令我這麼高興。

但我總是做得不好...... 我會努力

重生

2007-09-08T10:15:00.000+08:00

回覆：

"隨心"
匿名人~~多謝妳一起身就留言俾我，我會好好咁記住~~身體健康很重要，心靈健康更重要^^
汶汶~~唔...唔知點回你呢個留言哦~~唯有講句o night大家努力啦

"我們"
誠~~我知道我地經歷既還不算什麼，將來可能有更大既困難要面對，但係我相信紫竹源會愈來愈好~~就係咁
汶汶~~結果，我地應該都算成功吧^^
肥佬~~行多d健康呀~~我已經夠健康唔使行咁多~~

哦?原來只有5個留言未覆，唔...沒有人要留言嗎??

(跟阿mark在R4執拾sponsor時被它們圍困的情境~~請留意mark的眼神，有patrick的影子嗎？)

前兩天出席彭浩翔的"出埃及記"電影座談會，嘉賓有導演、芝see姑bee、劉心悠以及一個我不認識的幕後。因少時看到女生總要一群去洗手間，而且去的時間比男生長好幾倍，而幻想到女生都在密謀殺害男生，我跟阿mark都很佩服彭浩翔。

很簡單，對身邊的平常事想多一點點，世界會變得很有趣。

(但有時候我也想太多吧...哈哈)

(有冇Andy Warhol既感覺呢??呵~~無聊....)

成家啦成家啦差不多成差啦~~暉豪、家肥跟我在九龍城租了一個唐樓單位，五百多呎連天台，租金$4200未包水電，還可以吧~~傢具不斷的運進來，感覺很不錯。昨天我們都把最主要的床安裝好，可以住下來啦。但現在完全沒有裝飾，唔....一定要將室內設計做好，一定要美觀!!!組媽dada會幫手嗎？

(影完之後暉豪話我好唔幫手就算啦仲影相!!!鬼叫你買張4呎床咩，好似我咁兩呎半一個人都快快手整好~~呵呵~~~)

死死氣的去找鄭博士簽個名，讓我在macro fail的情況下仍可修讀money and banking以及china economy。口水都乾終於得到答應之際又要我去找教money and banking那位老師......但那個老師神出鬼沒，第二天才找到他。麻煩的是他是新來的什麼都不知道，又將我交給department head伍凝珠教授(原來她是department head!pre o camp請她來時，還不知道她是誰...)。結果伍教授很沒有鄭博士般的長篇大論，了解情況後很快就簽名了。

對比阿誠的delilomay wong，這是好還是壞哦？我都怕會跟不上進度。

(呢間野好串...我硬係捉唔到佢幾時開幾時休息...)

驚覺，我總愛聽家姐的話，由geog到中化到大學生活到昨天的話題。

或許家姐說的別人都曾對我講過，但就是有被家姐點醒的感覺。我知道"慢慢來"很重要，否則那天恐怖的情況會再出現。再來就是要積極一點，積極去做一個自己想做的人。我要當一個出色的男人(哈哈，很嘔，但就是要這樣)，不只是從前的要提升文化修養，還有處理各種事務的心態，再來是一個好的體格(很困難，但就是要積極嘛)。

只是向著這目標已經夠我煩啦，哪來心情時間去煩惱別的？雖然會痛會不捨得，但總是要過去。

(去pre燒柴果時個火得咁大)

(結果o camp果日個三大到咁....)

人文素質的堂很棒!!!
1.由林奕華主講的"談談情看看戲"，每一堂都以他的一個劇為基礎，帶出他對"愛情"的看法，蠻吸引~~

2.林超榮的"三十年喜劇電影沿華之香港社會擅變"，以香港三十年來的喜劇來說明香港人的生活、心態是如何轉變。

3.林夕的"從歌詞創作到創意思考。

(老爺同阿耀都好靚女哦~~)

以上三個課都不錯，但是一定要抉擇，我沒有那麼多時間嘛。沒有袁老師卻找來梁翹柏教授音樂浮世繪2，唔...怎麼不是黃志淙.....內容是有一點點吸引，但....可以sit堂嗎？

我要重生。

2007-09-05T03:06:00.000+08:00

對不起，我還不想回覆...下一篇我會回覆的

大家都期望會看到一篇關於o camp的日記吧。太多freshmen太多helpers太多莊員已記下，已經容不下我啦。

為何情緒會如此不定？

沒什麼好問，我知道答案。

哈哈，瀟灑一點，可以嗎？好像跟我不相襯。

可愛男生應該配以怎樣的行動呢？可愛女生在困擾時是不是會篤篤手指哦？但男生呢？

對著鏡子，找不到這個死肥仔哪兒可愛...哈哈

「哈哈」很好用哦，開心時無奈時我都用得上它，讚哦~~

o camp過後，以為努力經營某件事，是會有回報的，像o camp那樣；

原來可以不是哦~~~~呀!!!我應該一早知道~~~呵呵~~~

「呵呵」有一點不同，是到最後的不再在意嗎？

我們

2007-08-22T18:47:00.000+08:00

我現身處於香港浸會大學的新校圖書館四樓。心血來潮(沒事要幹)，想打一兩句說話。

在圖書館搜尋馬家輝的書，電腦明明顯示著「江湖有事」是availiable的，待我抄下那一堆號碼後，乖升降機上七樓找了幾遍，什麼都沒有......「呃人!!」

江湖無事，卻帶來了女兒香。有一本馬家輝跟他妻子林美枝合寫的「女兒情」，是他們送給女兒馬雯的禮物。封面不吸引，但看過序後，還是想看完這本小書。

你說，這是什麼制度？學校不是要鼓勵同學們多辦活動嗎？

一個人到G4問過明白後，在到圖書館的途中行經R4，不經思索就走進去。幹什麼？沒什麼，只是想在眾多的椅子中選上一張，坐上去，無無聊聊的。幻想著阿mark跟肥屈在唱無線的主題曲；幻想著煲寶跟anna一起看扮靚雜誌；幻想cy和karen看著手提電腦不知做什麼；幻想阿lin、汶汶和阿誠在自拍唯美照；幻想阿坤與joan的恩愛；幻想著阿jane與車車齊齊發呆；幻想著主席遲到；幻想著阿魚和jj以「阿誠歸來」的方式突然走進R4~~~

想著想著，發現這十六個人都很可愛。

再加上無無聊聊的小弟，十七個人，就是「我們」，就是紫竹源。

看得到嘛?

2007-08-21T21:54:00.000+08:00

娟媽回來了

貓貓要走了

阿耀回來了

阿輝要走了~~

前兩天跟將要到芬蘭作交換生的貓吃了個簡單的午餐，參與者還有Charlie和阿翁。

雖然貓在港的時候，一年都只會有一至兩次見面。但到了她要離開的時候，總會有一點不捨之情感不知從何處時而安然時而激動的走出來。

或許她走了好一陣子後，我就會什麼感覺都沒有，連在MSN叫她的衝動都沒有。

還真想過到台灣當交換生。要是這樣，會有多少/什麼人會動一動這不拾之情呢？

其實情況跟我死了很相近。要是我死了，會有多少/什麼人會覺得傷心呢？一直都很想知道答案，但或許只有一個方法。

加上「或許」是因為假設人死後會有靈魂，可以觀察自己死後親友會有什麼表現。

要是我相信人死後如燈滅的話，根本就沒有辦法去知道答案。

算吧......我就站在這裡，什麼地方都不去，就只是呆呆的站著。

沒什麼好比哦，真的沒什麼好比較。上天就是不公平的，六張就六張，兩張就兩張，比什麼???

年輕人，應該為夢想去努力，去遠一點的，去法國。阿輝還是年輕人嘛，二十四歲，時間還是有的。法國很吸引吧~~始終「外面的世界很精彩」。為自己的音樂走到很精彩的法國，為自己的事業走到美國學習駕駛飛機，為自己的莊務而走到九龍塘......都是一樣精彩的。

法國很遠，美國都遠，九龍塘都不近哦~~要轉車的。

莊員們都辛苦了，是嗎？沒時間工作，沒時間旅行，沒時間跟朋友聚會哦~~

但我聽朋友說，他們上莊的經歷比我們恐怖得多。工作？旅行？朋友？不要提及這些東西吧......每天都只有三到四小時的睡眠時間。

有對比，就知道自己有多幸福，這是肥莊教我的無情。

莊員們哦，看到嗎？我們眼前應該只有一個東西哦~~

我一直相信，只要大家堅定的看著這個東西，為這個東西而付出自己想要(應該)付出的，就什麼問題都不存在，而且會好好的。

是o camp哦

是100個freshmen哦

是中國研究課程學會哦

隨心

2007-08-17T02:10:00.000+08:00

忽然，我很掛念遠在美國的阿魚。很奇怪嗎？不知道是什麼樣的感覺，就是想見見她。

又一個月了...又一個月沒打日記了...又一個月在不知不覺間就過去了......

似是發生過很多事，但都不想記起來。是我太懶吧？還是太多不願記起的事？

島仔確是一個好地方!拿起玻璃杯，將啤酒一口一口的倒到胃裡，臉蛋變得紅紅的，更顯可愛。頭腦不再清醒，還是，變得比從前我認為的清醒更清醒？自古以來，是夢是真，都不需太認真去分。

丁滿，對不起哦。我不想打擾你們的，請原諒我。

最近在巴士上總是睡得比豬睡更熟...很怕會睡到旁坐的陌生人的肩膀上，這是最尷尬的事。所以找個伴回家還真是必要的。

感覺到肚腩漸漸漲大，怎麼辦？臉已經不好看，再胖下去只會更像一個中年男士，而且是單身的。

i don't mind~i don't mind~i don't mind when will i die~~很久沒聽過ketchup的歌...是過分崇洋的表現嗎？

你很幸福哦，是真心的覺得你很幸福。

可以用中指和食指把它夾著，再放到上唇與下唇之間，用力從咀吸入一口，讓它們在口中徘徊，再吸一口氣將其帶到肺部，讓有害物質留下，才放它們出來......

跟新生聊天是一件樂透的事。

看到一年前的自己嗎？迷茫到底是社會科學還是工商管理學，懷疑迎新營有多好玩，勉強記下新同學的名字......

預迎近營氣氛還可以吧？感謝各位新生的配合，希望沒有把你們悶到~~呵呵~~

可以得到無條件的等待哦，是你才擁有的，好好珍惜沒有？

想像過迎新營會有多開心有多熱鬧，同時亦想像過迎新營會失敗收場。

恐怖嘛...籌辦了多個月，最後失敗收場......

辛苦汶汶~~辛苦阿mark~~辛苦大豪~~辛苦煲寶~~辛苦anna~~辛苦車車~~辛苦cy~~辛苦joan~~辛苦阿jane~~辛苦阿誠~~辛苦karen~~辛苦阿lin~~辛苦肥屈~~辛苦阿坤~~辛苦jj~~辛苦阿魚~~~~

只有我一人不辛苦!!!

這樣做的結果雖然不好，但副產品是你放多點時間在她身上，也不盡是壞事。

買了藍白紅系列的"blue"、家肥堅持要我買的"月黑高飛"、"talk to her"、"Birth"以及電影X音樂有介紹的鋼琴教師。沒有時間看，連chelsea著卵早點看的dog ville還沒有看。

我真是這麼忙嗎？你又不是他，怎麼會忙...不要騙自己啦...我只是把時間hea過......

孫樂汶，你覺得我幫得上忙嗎？應該不會~~不要跟我說客套話，我就知道是不會。

Sorry哦~~

生日。快樂

2007-07-31T01:33:00.000+08:00

回覆：

娟娟媽~~唔係呀，阿耀唔走架啦，會留返係香港架啦，我話去向係睇下佢會入邊個degree之嘛~點解會咁都睇錯架.....快d返黎啦，一齊互相補祝生日~~~

肥子~~好好享受埋淨得呢個月既暑假呀!!!!!踢波唔係用手既~~~

lin~~最近聽到一首歌我好鍾意，係the killers的everything will be alright，下次見到你online send俾你呀~~真係架，相信everything will be alright

今年的生日蠻特別，雖然我不喜歡二十一歲(因我不喜歡單數)，但今年真的很開心!!!

我先收到的，是一個大大的包裹，內藏扮spiderman的Mr. Photo Head!!再加上一張封面寫著"the answer is:SEX AND MONEY"而內頁則有"The question is: name two things you're probably not going to get on your birthday."的生日卡。這樣玩弄我的，必定是每年都騙我一次的人--阿fung哦~~死人頭，我們都沒有跟你說一聲生日快樂，怎樣要對我這麼好呀~~~謝謝你呀好兄弟!!

(真係好得意~佢可以變返peter parker架~~哈哈~~阿fung~~我都係鍾意你返黎嚇我多d...不過我知冇得強求既~!!!)

老爺跟組媽亦很早便送我koss earphone一對~~沒錯~~毫是yotsr的指定earphone哦~~正呀!!!

七月十九日，我就已經遇到第一個慶祝活動，參與者有暉暉、小魚及劉惠欣。暉暉一口氣將手信及生日禮物都送給我，包括手造蛋糕(古池及妹妹都愛死這蛋糕)、海盜造型的playmobil(真奇怪，怎麼連續兩年都送我playmobil)、sigur ros的Agaetis byrjun(不得了~~我真的很愛sigur ros)以及手造生日卡一張(很大的漢堡包.....)。

(sigur ros哦~~~有三隻佢地既碟啦~~多謝^^)

感覺上與劉惠欣不是很久沒見，但其實從她到英國再回來我想差不多近兩個月沒有見面啦。她送了我一張很有心思的生日卡，真的很特別，我很喜歡，謝謝哦~~

想不到小魚也有禮物送給我哦~~是woody的太陽能fing fing 頭。她說很怕我已經有一個，的確媽媽上一年已經送我一個啦。哈哈，不用擔心，這一個可以放到將入伙的新居~~~(幾時租屋呀....)謝謝小魚呀~~~

這一頓在旺角cafe用的晚餐不便宜呀，要你們破費我真的超不好意思....但真的感謝你們呀~~lina好像真的每年都會跟我慶祝哦~~

七月二十三日，到長洲模擬水戰的大日子，又是超開心的一日!

相約煲先在屯門先吃早餐再乖巴士到中環。就在我哎著最後一塊發mo包時，煲問我飽了沒有，我說吃過這塊就會飽啦，然後她便從包包中取出禮物送給我~~誠然，這是意想不到的!!!對不起，還怪你不休息......禮物很精美，亦很美味~~就是我說的滿分加八個感動吧^^感謝煲~~但仍想妳休息多一點~~

(無計傾，禮物第一位~~真的很感謝妳呀!!!!)

在長洲的沙灘過了接近完美的大半天後，莊員們到海旁的餐廳為我慶祝生日，夠高興吧~~當中包括pic汶汶、主席大人雲大豪、等等秘書karen、大情大性大粒lin、開會王阿mark、嚇人一跳梁善誠、廿下分開兩之數的車車以及分不清水彈及汽球的珍。開開心心的看著夜景吃了頓超滿足的大餐~~阿mark多久後才會再吃咕囉肉呢??

(多謝你地呀~~識左唔夠一年就對我咁好~~感動感動~~)

回家途中，手機已經沒有電，但亦過了十二點，很怕有人找不到我然後放棄跟我說生日快樂，哈哈哈~~

在此之前，我收到還在紐約的阿魚小姐致電跟我說生日快樂~~說真的，真是太驚喜啦~~雖說我在e mail有提及過(我好老套呀....)，但都想不到會收到你的電話~~魚呀~~太久沒聽過你的聲音啦~~謝謝你呀!!!還有不足一個月就回來啦~~~

今年好似收到特別多的sms祝福哦~~

最早的是組媽，11點多便傳sms給我，因為她累得要睡等不到十二點....哈哈~~謝謝!!
第二就是暉暉~~嗯~~正日再說一次，我很開心哦~~永遠都可愛就不用了......
再來是暉豪的四字祝福~~正野!!!
然後是lin的sms，什麼是小熊維恆哦...."d女多到湧埋黎"，好像很不錯，但我可以講求質素嗎??
再來就是虫仔了~~頒個最長獎給妳~~來年點子會乖乖咁俾虫仔食晒架啦~~~come on~~~
liwin~~想不到呀~~真好呀有同學仔記得自己的生日!!!謝謝你!!!!
阿哥~~是暉豪叫你只傳四字祝福吧???哈哈~~~
s哥~~多謝s哥!!!再見啦s哥!!!慢行呀s哥!!!有咩叫我地呢d細既做就得架啦!!!
karen~~我知道要開開心心的~~你也要哦!!!
yip~~不要問我何昤有空~~我才想問你何時放假呀!!!
汶汶~~跟莊員們開會過生日，都不錯吧......全莊會更好~~哈哈
肥莊(佬)~~又是四字祝福!!!正呀肥佬!!!
富年~~意想不到的!!!謝謝你呀富年!!!籌備o camp真的蠻辛苦哦......
肥婆~~多謝你祝完我生日仲祝我o camp good luck~~哈哈，有趣哦
dada~~感動哦!!!你記得我的生日就夠我開心一整天了~~~呵呵!!!
次麗~~我們真的太耐沒見吧......何時約個時間吃個飯呀~~~~???
家肥~~yotsr中你的祝福最長~~果然與別不同
貓貓~~很喜歡你那個"喂"~~再約出來吃個飯吧~~上次太hea吧......
toto~~呀~~~~~你也記得我的生日哦~~感動感動!!!真的不會遲啦~~再遲一兩天都不覺遲~~哈哈

(買俾自己既禮物--dead can dance~~加埋虫仔送的生日卡~~之後佢地就會係埋一齊架啦~~)

七月二十四日正日，早上跟暉豪打桌球，免費哦~~真好!!!然後到荃灣找肥莊吃大碟飯~~暉豪那個粥又臭又希~~名副其實的臭希!!!多謝肥莊送左蘇菲的世界上下俾我呀~~接著到旺角跟阿耀相遇，到登打士廣場的上樓cafe吃個tea，很寫意的、舒舒服服的過了一個下午，還吃了味道不錯的NY cheese cake~~告別後到九龍塘跟大豪阿mark看"玩命。飛車。殺人狂"~~哈哈，很有趣很有趣~~B級片就是這樣子的嗎？

回到浸大，每人買個杯面到so房，作開會前的晚餐~~生日吃杯面，蠻特別~~更特別的是，當我以為會像上幾回在開會途中關燈然後拿出生日蛋糕，誰不知阿誠在開會前推門而進便拿著一個似是盛著蛋糕的盒子跟我說"生日快樂"，哈哈~~完全不裝驚喜就是最大的驚喜吧!!!

(好大張台呀...我地加埋都冇張相既一半既???)

開會都收到禮物還真不錯~~阿誠忘了帶原本的禮物在急忙之下買的"樂天小熊餅"(何時由熊仔改到小熊呀....)、汶汶送的magical collection之woody~~~(想買太耐太耐太耐啦~~~)以及阿jane送的小熊維尼手指套電話繩(阿jane好明顯玩野...)，謝謝哦~~~~開會後更到mc donald's吃東西~~謝謝大豪的板燒雞腿包餐加大~~~

回到屯門還可以跟yotsr喝喝啤酒，真的很不錯~~阿哥更送了在citysuper買的sake給我~~超超超超超超超靚呀!!!有型有型~~這應該是送給阿哥而不是阿哥送給我呀!!!幸好我送阿哥的禮物他都喜歡哦~~我是送碟人~!!!

(係咪好有型呢~~多謝阿哥~~~)

第二朝起床~~呀~~~~我收到台灣朋友儀婷送給我的禮物哦~~謝謝儀婷呀!!這是意想不到的~~當晚阿麟亦找我吃晚飯，結果他請了阿輝阿嫂阿哥及肥莊一頓味千~~哈哈，sorry哦~~~die hard...主角真的很難會有死的一天......

(從遠方來的禮物~~謝謝儀婷~~真的想不到會有從台灣來的禮物~~呵呵~~woody簿怎麼躲到後面哦)

前兩天更有yotsr七月分生日會~~有福氣還有福氣，也不用這麼昂貴吧......但真的很開心!!!開心嗎開心嗎？肥子...你怎會記錯日子哦??是看利記令你太興奮吧???!!!

生日大約就是這樣子過了。我也覺得自己蠻幸福~~只怕這份福份會流走哦~~希望來年都會這麼幸福就好了~~那每年我都會努力生活，讓自己好好的等到生日接受大家對我的好~~呵呵~~

再一次，謝謝大家那麼寵愛這個一無是處但總是受大家保護的小弟。謝謝!!!

2007-07-29T03:45:00.000+08:00

看到別人跟愛侶輕鬆的逛又一城，再來個簡單的KFC，真開心~~

看到別人為另一半不斷的付出，付出的不只是金錢、時間，而且是精神、心思，更什是未來的一生，真感人~~

看到別人因為女朋友回鄉，離開自己多個星期而牽腸掛肚，計算著她還有多少天才回到自己身邊，真窩心~~

看到別人因為男朋友出外工幹但久久收不到報平安的電話而擔心不已，最後大團圓再一起去旅行，真高興~~

無意間看到別人只寫給伴侶看的日記，簡簡單單的道出心聲，真浪漫~~

看著自己在夜深人靜時對著冷冰冰的手提電腦，以粗糙的手指頭自怨地敲打鍵盤，一點都不開心，一點都不感人，,一點都不窩心，一點都不高興，一點都不浪漫。

也有不喜歡的時候

2007-07-23T00:12:00.000+08:00

回覆：

汶汶~~加油加油~~大家士氣要提高d呀~~~

誠~~尋日真係俾你嚇死呀....無啦啦返黎又唔講聲~~不過真係好開心，又有手信收~~呵呵

ckee~~我好掛住舊朋友架!!!不過係冇咩時間搵你地之嘛......... 打咩~~~~~~~~~~好呢? 完全想不到...

有一天跟家肥到中環HMV逛，皇天不負有心人，我找到發條橙的soundtrack，立即抱入懷內，怕美好的再一次流走。用synthesizer演奏古典音樂，真的很有趣。Walter Carlos是電子音樂的始祖級，哈哈，很有朝聖的感覺。那天還以$30買下the killers的hot fuss，謝謝家肥推介的DM商場。

另一天走到尖咀HMV，當然不能放過summer sale，結果找到Dead can dance的the serpent's egg，考慮了半天後，再試聽幾首歌，才下定決心將其帶回家。兩年前dl過他們的歌，就覺得這種陰沉的音樂很吸引，但沒錢去接觸更多...現在只售$88(他們的專輯蠻貴)，算是吸引的。我還沒有打開這張專輯，因為我將其視為送給自己的生日禮物。

好想買碟好想買碟好想買碟

(蛋糕好似好好味咁bor~~)

跟肥莊到書展，沒有指定要買的戰利品之下，我買了兩本書，分別為馬家輝的新書"我們"以及一本關於電影配樂的書。一直都很想擁有一本馬家輝的書，去年很婆媽之下決定罷買那兩本與電影有關的著作"戀愛無聲"以及"江湖有事"，今年去找都找不到，有點可惜，只好買新書吧。看到封面，就幻想肥子看到這書時，定必會開腔唱出草蜢的"我們"，哈哈哈~~~

我先看的書是簡體字書"電影X音樂"，作者為羅展風。上網查查看，才知道這女子為香港人，對電影音樂有深入研究。先選一篇有關我曾看過的電影入手，就是說stanley kubrick喜歡以古典音樂為其電影之配樂。看過這一chapter，就肯定自己會愛上這書了。喜歡她看介紹電影故事背景，喜歡她將電影配樂形象化，喜歡她告訴我電影與音樂是如何的關係緊密。

(睇下我~我識影分身呀~~勁唔勁呀!!!)

阿耀大帝回來了~~"已經兩年啦"，暉豪很感慨地說出這句話。當然啦，阿耀跟他是最好的朋友，他的感受必然很大。阿耀回來是很好的，感覺暉豪終於找回最好的朋友。他們的合拍，他們的成熟，別人就是模仿不到的。

告訴你們，阿輝有機會到法國的音樂學院主修音樂。真的很好，你要做到你想做的，或許，是時候成為國際知名長號手啦，哈哈哈!!!!哈哈哈哈.....

又是一個三年。還有多少個不捨可以讓我說？還有多少個人要讓我掛念？還好啦，我可能很快便忘記。

恭喜肥子，終於放下心頭大石。我說的大石，並非只在你心中，也在一眾YOTSR的心中，大家都鬆口氣哦~~肥莊、家肥，努力哦~!!!!約十天後就知道阿耀的去向了，蠻緊張~~

呀!!!!!!!!!!!剛從鼻孔拔了條鼻毛出來，很痛!!!!!!!!!!!!!痛得眼水直流!!!!!!!!!!!!!!!!

一向喜歡旅行的我，也有不喜歡旅行的時候。

好像，想要的，總得不到。no long man就是no long man，哈哈哈。(三個哈)

加油呀~~!!

2007-07-14T23:26:00.000+08:00

回覆：

誠誠誠~~好快你就返黎啦嘛??趕返黎同我地一齊dem games呀~~有得dem treasure hunt架，26號呀，得唔得哦??我知荃灣果間係邊!!但係未食過...食完荃灣再戰沙田啦，karen話沙田果間好難食wor~~

娟娟媽~~香港冇咩好，就係多野食呢樣好晒~~~呵呵!!!幾時返黎呀，開始掛掛地你啦娟娟媽!!!

(阿blue訓左係我肚腩度....佢成日都搞我架....)

呵呵~~最近的兩個星期好似比較忙，總比呆在家中好，對嗎肥莊？

未來的數個星期會更忙，只因迎新營將近~!!
17/7開會
20/7開會
23/7 到長洲試玩水戰
24/7開會
26/7試玩各種遊戲
27/7開會
好，八月的暫時不說了。以上的只是為迎新營要花的時間，其他還有18號的書展加龍應台、21號的星光大道表演(好唔想outdoor，不過我知有表演就要珍惜既~~)、29號的兩岸三地桃花源記舞台劇~~還有，要看~~~~清明上河圖嘛~~看這個才夠"潮"!!!

心水清的你，一定發現到我在生日要開會吧~而且前一天要試玩水戰，兩天後要到浸會園試玩，很充實的生日哦!!!為莊務犧牲的的廿一歲生日，我做得到!!!誠然，沒有慶祝活動、沒有生日禮物，只要收到你們的祝福，我已經很滿足的~~所以，記緊24號祝我快樂~~(邊有人好似我咁成日提人我幾時生日架....)

籌備迎新營，確實不是一件易事。
總PIC汶汶小姐真夠辛苦，親力親為、落手落腳、心力交瘁地去籌備這個活動，原本已經瘦削，再這麼粗勞，妳會變人乾哦......；

秘書小姐嘉雲子，每星期兩次會議，所代表就是你每星期要出兩個會議紀錄，加油哦你不是一個人的~；

辛苦車車要跟進sponsor事議，的確要厚面子，雖然你總是傻傻的......；
辛苦anna，jj走後一個人去做宣傳的會否太辛苦???；

辛苦在上海的誠，在那邊忙之外，還是會忙莊務，而且忙的蠻高興；

辛苦cy，出版的工作真的超繁重，曾承諾會助你一把，但現在只是寫過一篇稿，有用的著小弟的地方請揚聲；
辛苦lin姐，跟我做MC會不會很擔心呢？八月開始我們要相處多一點讓我們更合拍~~；

辛苦joan，跟進福利物品的事情很煩人吧??；
辛苦jane，為了水戰proposal，熟睡了還接聽我的電話；

辛苦煲，treasure hunt很重要，好勝心強的總想把活動籌備到最好，我知道你的能力，加油煲~~；

辛苦mark，籌備新遊戲，而且是這麼複雜的，難道一定超高；

辛苦大豪，book common room以及oee都靠你啦~~~

既然大家都這麼的辛苦，我相信迎新營必定會成功!!!

眼訓哦~~

2007-07-04T16:09:00.000+08:00

回覆：

組媽~~我一直都好想講，多謝你地~~多謝你地幫我收衫，多謝你地幫我拖地~~好開心識到你~哈哈...你地一鬧交我就唔出聲你就知我當你地係好好好好好朋友啦~~哎呀，唔扮你個留言啦~~組媽，多謝你咁多謝我，唔使講架啦，朋友嘛，你有冇見過我勁多謝老爺咁架??哈哈，我的存在不是最重要，最重要是你倆的相處~~祝愉快!!(多謝你留言)

汶汶~~搞得掂既我地!!!應該!!!趾足園萬歲~~

芬小姐~~你做咩哦??猛咁話我好好好好好好....傻左......哈哈，我知道你明白我說的事，就希望你不要無奈啦，總會轉好的，我相信~~有咩記緊同我講，ok??

chelsea~~會看啦~亂世浮生嗎?剛找過，是the crying game嗎??在法國的你，悠閒嗎？盡情在你夢想中的地方慢慢細心享受吧~!!不用過分擔心^^有空便在msn聊聊吧~~

yee~~點會唔記得..講真既，前兩日先諗想你好似好耐冇留言，原來你係好耐冇黎過tim~哈哈~~阿耀大隻左好多咩??我都大隻(=肥)左好多啦~~套日劇係ok架~嗯~岩呀你講得，的確係好難，特別人係自私既(我係咁覺得)~~你係咪升中七啦，希望冇記錯~~我日記真係講得咁少我近況咩??我會檢討下打多d日常既野~~放左一個月暑假啦，都係搞下大學果d野呀，無聊下呀咁啦，鍾意既可以搵我去玩，呵呵~

香港回歸十年，果真不同凡嚮!年頭先有老大哥Roger Waters打頭陣；
接著有讓人感受何謂現場表現感染力的Muse；
再來是當紅炸子雞Mika；
王菲模仿對象、小紅莓合唱團主音Dolores O’Riordan亦到香港來個小型音樂會；
對手baby hit me 多一次Britney Spears已經又結婚生仔再離婚、但自己仍在樂壇不倒的Christina Aguilera 昨天亦在博覽館開live；
先以suede vocal身分來港多次、再以跟老友重組夢幻超強樂隊the tears之名再次到訪的Brett Anderson，八月十四日會用個人名義在博覽館開live，老brett又來了~~；
被港女視為"潮物"的Avril Lavigne將在八月十八日來港到賀；
用法國情懷和 Bossa Nova 的風格去唱出 New Wave 時代音樂的法國樂隊Nouvelle Vague是French May中的其一節目；
經典post-punk gothic班霸the cure七月三十日獻技......

群星匯聚慶回歸，節目一浪接一浪。九月，industrial rock界代表--nine inch nails來港，博覽館hall10，唔好講野，全場企位，黎得早，企得前。十月，前英國New Romantic/Art Rock樂團Japan的靈魂人物david sylvian亦會到港，認真唔講得少!

認真的，我想看NIN及David Sylvian哦~~但，差不多要花費一千大元......

為何沒有些我更喜愛的樂團來港呀!肥莊，一起怨多點，上天一定會可憐我們的!要是上天給我們一隊Maroon5，也是命運，我們也要去觀賞~!!!

手多多買了第七期"字花"。本期特集為「開」，這令你想起什麼？我對開字的印象一定是開心，很正面的。也難怪，這是我人生一大、也是唯有會堅持的宗旨。

(煲同KAREN係treasure hunt既pic，我只係陪行的~~)

昨天，我跟treasure hunt的pic走訪多個check point，包括尖沙咀、旺角、鑽石山以及黃大仙，蠻累吧?辛苦了兩位好莊員。

嚷著要看"清明上河圖"的我沒有得逞，跟她們在星光大道上一閃一閃小星星，熱到全身濕透，救命~到九龍公園，看看什麼文物探知館，也未免太hea吧，擺放數塊紙板就是展覽嗎???cy哦，我們不是到全港的博物館遊走嗎?九龍公園的mc donald's雪糕姐姐很可憐，就一個人與數部機械工作，不會苦悶嗎？看到她毫無表情的面部，曾想過她是不是一個機械人......想多了，製造出來的應該會比較美麗~~HMV!!發條橙的soundtrack只售$48!!!呀~~~很想買呀~~~~

(吉祥物肚子餓，在尋找可吃的食物)

接著的旺角、鑽石山及黃大仙，總的來說就是玩、吃、辛苦、冷氣、汗、累、吃、玩......

兩位treasure hunt的pic辛苦了~再到check point請找我~其他game既pic亦請找我，我有大量空閒時間的~!

沒什麼...真的沒有什麼...累...很累...沒什麼...什麼也沒有...不一起去...也不是太累...精神不累...覺得自己很遜......哈哈，就是全加在一起嘛，虫仔

跟阿輝到市中心吹午餐，他想到小巴黎，心想：昨天又凍蒙，今天又凍蒙？嗯~也好，昨天的旺角凍蒙始終不及屯門小巴黎的好吃~在享受那酸、甜、咸撞在一起又天衣無逢之時，左眼看到一件熟悉的、白裡透紅色的衣裳，往上看，熟悉的面孔：煲~~~~

怎麼她跟我都連續吃兩天的凍蒙......

昨天到達阿輝家時，需要幫手的工作已經完結，哈哈。跟他聊天到天亮，很好。我知道，雖然不甘心，但你會堅持，繼續走你認為是對的路吧。是辛苦的，是迂迴的，也沒有問題，總有人在你身旁，替你打氣。

2007-06-27T23:21:00.000+08:00

回覆：

虫仔呀，你唔使多謝我架真係，你聽多d媽咪話就得架啦~~開心就好了

chelsea~~很喜歡長長的留言，謝謝妳~~ 冥王星早餐這個名字直接多了!玩father我也很喜歡，另外亦喜歡她跟魔術師那一段情。chelsea...我還未看dogville哦，怎麼你就將劇情告訴我......籃球機!!!我去打真正的籃球得分更多呀!!!!為何要玩這虛假的機械!!!!!(失敗的人發難中)

看完了整套日劇"求婚大作戰"。

一對情侶能走在一起，真不容易。

很希望相愛中的，都珍惜你們的相遇、你們相處的每一刻、你們建立的感情、你們未知的未來、你們的所有。

雖然喜歡上有伴侶的女生，雖然很想擁有，雖然有時候會痛......

但她感到幸福就好了。

這是最重要的吧。

對嗎？