綜藝扯旗艦。超屌的。台灣咩撚都有(五之二)(終於都完成了...哈哈學肥子msn)

要回一回留言先^^
kind怡，很耐冇見啦哈哈哈，同埋你d留言^^好開心見到你既留言架，因為次次都好長，好正哦!!!哈哈，感性既表達嗎？我既文字表達能力太差啦，但都只係希望大家有一d認同感!!!你要唔要我俾返d上海相你哦!!絕對冇問題架wor!!!
kind怡，唔使另開一個留言讚我靚仔架wor，哈哈哈多謝!!!er...而拍拖呢家野呢，真係.....唔好講啦......仲有電腦既野，都係問暉豪好d哈哈哈，我係電腦既敵人!!! 我瘦左?哈哈因為我拉長左d相ja ma.......

Tiffany，呀!!!沒有想過你會留言哦，超高興喔!!!台灣真是一個寶島呀，我們一定會再到台灣!!!(可以的話，我想到台灣唸大學^^哈哈哈)

開始之前，我想講今日我棟樓有一個22歲既女仔跳樓，係阿媽講我知既。我聽到之後呆一呆，果d"做咩要跳樓、為咩要跳樓"既憤怒思想又走左出黎。我很少會問自己會唔會自殺，因為而家諗都冇咩用既，有幾多個人自殺之前係plan好晒架？有邊個人會諗住"自己如果遇到咩情況就去自殺啦"咁既心理架!!!家英哥講得岩：人係求生而唔係求死!!!自殺既人多數都係一念之差。我諗如果我會遇到想自殺既情況，我會諗下去台灣既開心野(舉個例)，咁我就唔捨得去死。

我諗諗下，我可能曾經同呢個女仔遇見過，可能一齊搭過lift，可能.......

請大家唔好唔開心到諗埋一邊，ok?唔開心就諗下我啦!!!

DAY2開始啦!!!
嘩~~尋晚5點訓今朝又8點半定唔知九就起身，好刺激呀!!!尋晚拎左803既key，我可以直接開門入去嘈醒佢地，yeah!!!我地刷個牙洗個面就落去食酒店早餐啦。著住睡衣(7b班tee^^)落去食早餐既感覺真係好爽，絕對係跟團俾唔到我地架啦!!!

食野方面呢，我只係記得有遠近馳名的"難飲橙汁"。喂呀，都係開水橙汁之嘛，你開得咁難飲架，我仲同阿翁一齊話佢臭tim，哈哈哈，橙汁都有臭既咩?有粟米片，但係好得意架，佢一放落去d牛奶度呢，好似會溶左咁，仲快過果d打邊爐既包裝魚皮呀!!!仲有咩好食，咪果d面包，面包應該一定冇死既加牛油同果jam。

呀，今朝仲見返尋日果個領導姐姐，我同佢say hi，佢好快咁hi左一野就繼續做自己做緊既野，我諗佢當左我係佢團友哈哈哈。餐廳果度都有一定數量既香港人呀，只不過好似年齡唔多一樣。始終高雄都係少香港人去玩呀。

食完早餐，返房換衫!!!起行啦，今日既第一站係書包大王。我地問左一問大堂既staff就決定唔搭公車而搭的士啦，五個人，搭的士都唔係差好遠ja。架的士去到書上面講果條街，但係搵唔到間鋪，司機就放低我地話應該都係呢頭架啦，搵搵啦。好呀，搵下law，一搵就真係搵極都唔知係邊，問當地人都話應該係付近架啦。

我諗搵左兩三個字啦，終於見到一間好似賣書包賣行李包的錦頭，但係燈都冇開。我地見到門口有個好似圖章咁既野寫住書包大王，唔，冇錯架啦應該。好彩果老闆俾我地入去睇，但係冇冷氣好焗呀!!!見到書上面show出黎既書包啦，我覺得個黃色幾靚但係冇logo....非賣既好靚，而普通既都ok啦，我地每人買左個高雄女中，原本暉豪諗住唔買架啦，但係都撐yotsr，哈哈哈，冇計!!!仲有個書包上面寫住"中國營左"，哈哈哈，"中國型左"？唔係嘛，有冇d"中國潮左"咁既野呢....其實係由右面讀過左面，即"左營國中"啦!!!阿翁買左^^

(岩岩打打下日記，妹妹係度講：輝輝、暉豪....我問佢講咩，佢話：輝輝配暉豪.....下.......)
買左見到附近有間新東陽，係肥子掃貨既時候啦!!!我地係入面涼冷氣，睇下呢樣睇下果樣，其實都係冇咩心去買既，而肥子買左d咩呢，我地亦都係唔知既哈哈哈哈。除肥子之外，我地係有買野架其實。有一pack過既無花果圓桶version，原本以為係我地陳黃集體回憶之一既志明叔，咁知原來唔係黎既，都冇佢個樣既，佢係仿張志明，亦即係"房志明"(阿YUNG話因為房祖明係台灣紅wor，係咪架....)。

我係果到買左俾阿fung既"古姑形"朱古力(哈哈..送俾阿fung之後佢話：呢一世都唔會含架啦，就而家試下啦)，仲有買左俾劉Lina既冰條，好彩家肥肯幫我裝住，好重呀唔該家肥。好，我地見到有龜玲糕食呀，一睇，好似係(我唔記得)十幾蚊一盅ja，比香港比咁多，梗食。但係係窮到loan食法，叫左三盅，每人食一啖就要俾下個，食得快既可以draw人two tim呀!!!由於苦既關係，暉豪唔使本咁落左爆多既糖水，都幾驚.....(呀我miss左少少，我地食之前去左7-11買野飲，今次好似抽到科學面，當時我都唔知咩黎，後來先知竟然係.......)

下一個景點係去歷史博物館睇睇，因為幾近。中途我地入左一個好廢既特平廣場咁既野，裡面賣既野好假。去到一度有賣體育野既，嘩，播埋d我最憎既所謂Disco music，我真係想走都走唔切。搵到以為係博物館既野啦，點知係果個市立音樂廳。唔係好靚架ja出面個殼，有d大陸既氣氛，而且正門出面有一個好似酒樓搞李龍基豬咪咪之夜咁既舞台，笑死我地。


冇入去，之後睇睇，原來呢度隔離係夜晚搭AIDS船既售票處，幾得意，朝早既愛河都幾惡，albedo幾勁。影左d相，亦都俾人影左d相(我真係唔知，我都唔知點解咁我都唔知，到底果時我諗緊咩?)，就走啦，想坐下都唔得呀太多蚊啦。



原來轉個角就係歷史博物館。我地決定入去睇下既，唔使錢架真係好。放低包包，個門口阿姐都幾好人又好笑容。隨即，我地轉左博物館mode，哈哈冇計。肥子係會比較仔細睇果個啦，其他既都係玩下講下笑多。最好玩係果d布袋戲展覽，d公仔好得意，亦有無雙做型既三國人物，又可以俾我地試玩布袋戲，哈哈哈仲拍左片tim^^

點解係博物館都有炮架....
為上次冇係香港故事影而補返既
MODEL YUNG靚靚相!!!
睇下家肥，呢D咪好戲LAW，好似真係死左咁...

然後去左常設既打狗歷史展覽(打狗即高雄前名)，唔，我覺得"香港故事"靚好多，規模大好多哦!!唔係特別既時候，我地只好做返自己，利用場地所能提供既條件咁去影我地既相啦!!!但係都係唔玩得耐，我地走返出去玩印仔，好靚^^最靚都係組媽...呀唔係，媽祖文化節個印，有個Q版媽祖架!!!肥子仲係裡面，家肥就上左上面睇攝影展。

我地出左去先，三個係度傾家肥都幾難會醒都識自己走出黎。誰不知，佢比肥子仲早就出左黎，自此之後，家肥變左man of the trip啦，成個trip佢都勁醒呀，又搵路又剩(唔知"剩"係咩但係....)。等埋肥子出黎我地就向今日既食之旅出發啦!!!

我地要去搵阿婆仔冰呀，今日既天氣係絕對岩去食冰架，熬到唔知有冇30度呀。行到中途，見到冬粉王，書都有介紹，見入面又幾多人，唔，信得過既，食啦!!!唔，叫左一個好似係瘦肉呀，仲有一個係咩都有既，好似劉lina帶過我去食果d三鮮面咁有豬潤呀豬腰呀豬唇呀豬寶寶呀(延安果隻)。唔係好特別但係都幾好食^^

食完就走，向阿婆出發，但係經過左阿婆，我地又想吃左"唔好滷味"先wor，咁就pass左阿婆先。未搵到滷味之前，我地見到一個廣告板寫住"繡眉、紋唇、乳暈"......咁即係咩呢，前兩個都係動作我解得明呀，你無啦啦乳咩野暈呀...真係嬲呀!!!

搵到滷味，但係佢未開呀，只好去附近既米糕城食下野先啦。入到去佢地好好招待又問我地食咩呀咁，但我地堅持我地既窮到loan食法，叫左三樣野，一個係米糕(即係糯米飯)、一個滷肉飯同一個唔記得叫咩既湯。兩個飯既味幾似，都好好味呀我覺得，而個湯都唔錯呀暉豪好推!!!可惜既係，我地可能食得太少野啦，老闆娘好似唔滿意咁黑面，唔知有冇掟碗.....好驚~~~


麥當勞。RECYCLE？
我地見到麥當勞，哈哈，去左食一餐。窮得最loan都算係呢餐啦，五個人先食一個麥樂雞餐加大。嘩好正架加大，果柸汽水係珍寶size架!!!有一個台灣婆婆好好人咁讓位俾我地，另外有一個就勁sell佢d細細花，但係我地猛話唔要佢都唔明，因為佢係講台語only。食食下響起好大既奇怪聲音，好似係空襲之後發出驚報咁既聲，唔知咩事之際好人婆婆又話俾我地聽係演習呀，會由2:00到2:30，成條街會封晒，行人唔可以行，車唔可以行，連新東陽都落左閘。婆婆話好耐都冇試過looo，我地見到都幾好彩wor(雖然我一路都想知婆婆指既好耐係有幾耐，唔緊要啦就當係我地好好彩咁都遇到咪幾開心law^^)。

演習完左，我地向滷味出發，去到開左啦，呢個唔係堂食架，買左一袋袋咁，諗住今晚睇波食，請記住呢個諗住。影左幾張相我地終於要去今日重點之一既阿婆仔冰啦!!!

阿婆仔既staff都係阿婆仔黎架啦
核突.....E......
炸菜冰....
又係轉個角位到左，我地每人食既都唔同，阿yung食既係芒果冰，暉豪食既係菠羅冰但係好似冇菠羅呾既，家肥同肥子食果個好似，但係肥子食果碟真係終極咁核突，襯返核突肥子啦!!!我食果個係阿婆仔冰，真係似阿婆架有d阿yung話係炸菜既野係上面，食落去係sweet既，阿婆仔staff話叫情人果呀好似^^唔錯呀!!!

食完冰，我地返一返酒店，換返長褲，補返d止汗濟同gel下個頭先再出發(其實原本諗住放低今朝買既新東陽同書包大王)，因為我地一陣要去行商場呀哈哈哈，整返靚仔個樣先出戰!!!我地搞到咁靚仔，梗係唔可以行到出汗又迫公車咁啦，所以又搭的士去我地下午既第一站，中正文化廣場。

上左車，我地發覺好似有d唔對路，架的士果錶冇跳呀，定唔知佢係冇錶咁啦，我地就第一次叫家肥wor(打)個司機啦如果一有咩問題。當我地講完叫家肥wor佢既時候，應該將會被wor既司機講左句：好犀利!!!!!!!!嘩，嚇死我地呀，勁驚佢聽得明我地d廣東話，知道我地要wor佢就講好犀利。好彩唔係，佢只係知我地係香港人，佢就講句佢識既廣東話咁law。佢個仔仲有個香港女朋友tim架，好似係上網識既。結果都係冇wor佢。

到左中正，原本諗住搵個台灣妹妹幫我地係中正面前影張大合照，可惜家肥為左果NT5同肥子嘈，搞左勁耐，人地都走埋.....至於中正呢，就好似書咁講，冇咩好睇，博物館mode立兩眼，走得。

如果我冇記錯之後我地係去左附近既大遠百先架。我地一上就上左17樓，因為要去南台灣最大既誠品睇睇。唔，好靚呀，我記得係台北我地都有去到，但係呢間個感覺好似大d，因為一入到去佢好開揚咁望晒個場，樓底高之外，果條樓梯有d台灣人坐係度睇書，真係幾好^^我地都冇買到書，但係我0係呢度買左手信俾暉暉，唔知佢鍾唔鍾意，我自己就覺得好得意，哈哈哈。

呀，入誠品前有d小精品店，我買左兩張可以整個塔出黎既postcard。我當時以為係墾丁果個燈塔，頂，返到黎一睇，佢上面寫住"三貂角燈塔?台北"=.="到底我買既意義係咩呢？算啦，都係台灣，都係postcard，冇計...灰.......呀，仲有誠品既唱片店，幾多野睇架，好多我地鍾意既band都有，有sigur ros既( )呀，香港都有哈哈哈，不過都幾貴，我諗係HMV價啦。睇到Arctic Monkey隻碟上面寫住"超屌的"......咩呀，做咩要屌呀，係咪因為暉豪唔鍾意??就因為咁我地個團名就有"超屌的"呢三隻字既加入啦!!!

之後逐層行下咁啦，大商場都係咁啦，冇咩特別，始終大城市既野都係差唔多架啦我覺得。去到玩具部，我地見到可愛台灣妹妹staff，就問佢點樣可以去到馬桶冰啦。真係好呀，佢好努力咁幫我地搵，但係結果都好似係唔知。仲有死家肥，勁核突咁樣問人邊度有公車站.....大佬呀我地著得咁行，梗係搭的士架啦，仲搭公車咁cheap咩!!!俾家肥激死....

行到上次暉豪上年買"靚姐"既"生活唔知咩"既分店，但係就冇靚姐啦呢度。行多陣體育部，我地就走啦。之後應該係去搵馬桶架，但係有一樣野我唔記得左係幾時去既，好似係大遠百之前架，就係食有機豆腐花同埋d綠茶果凍咁既野啦。果度幾靚架，我地又窮到loan食法，一個有機豆花同綠茶果凍，都ok既，不過係香港野好食d，但人地係有機wor，梗係挺(我懂得運用"挺"字哦TT)啦!!!佢鋪仔細細另一邊都有幾多既有機產品，geog人，都應該去立兩眼啦哈哈哈。

好，要講講馬桶啦!!!睇住本書個地址，去到搵極都冇呢個地方既，呀!!!本書又玩野啦!!!呃錢架!!!雖然本書唔使錢...(不過之後要多謝本書架....)搞左陣搵到啦，嘩多人到要搵位架，間野都幾勁wor!!!好多女仔係裡面食，得意野就係多女仔鍾意啦!!!(點解我唔係既....講笑)唔，我同阿翁都唔想再食甜野，原本諗住叫個飯share，但係又話咩NT60一個最低消費，咁就叫左個士多啤梨冰。叫左之後我地先發覺其實叫一個飯每人都唔止俾NT60架，哎呀傻左啦!!!

我地見到人地果D係有舊細細既屎形雪糕，我地以為我地果個NT60，仲唔係呢一舊，食少少都OK既。誰不知一黎就捉虫law。大到我唔敢信，我仲想問hahachami呢個係咪兩份加埋一齊架啦，但係佢隔一陣又拎多個出黎，我同阿翁見到都想噴血。大家心諗既都係：又要食冰，仲要咁大份，想我地死咩？唔信？睇下相啦。我地係唔食D冰架，主要食D配菜，有旺仔小曼頭啦，粟米波啦，"姐李"，能得利果汁糖等等。好味架其實，但係我地今日真係食唔落甜野啦，已經阿婆仔又龜玲糕，好辛苦呀!!!~~

食到唔多，我同阿yung對面有台人，食極都唔完架，可以食完又叫食完又叫，唔知佢地食左幾多冰落肚呀真係!!!一家大細都咁食得冰，好驚!!!頂唔到幾耐，影左d相，咁就完左呢個受受地苦既景點。

食完冰，書又話條街似SOHO區，bar都冇間bor，點搞架。好啦，我地要坐車去光廊睇jazz band啦。坐左架的士，有一個超級好的的士大哥，可以0係我地個trip既好人榜之中佔上一大位置。佢問我地係咪香港人啦(個個人都係咁問)，之後就講開話會去墾丁，佢問我地幾時去，我地話聽日，他大聲咁講左句：錯了....佢話週末去先會多人架，有好多比堅尼top的女生，哈哈哈....之後佢又問我地去幾多日，我地話即日來回，佢好激動咁拍左大脾一野，之後講：又錯了!!!

原來我真係plan得咁差...唉.....早知就唔要第三晚既酒店，自己搵墾丁既民宿啦，真是錯了!!!司機大哥勁好人呁抄低我地聽日去墾丁應該要搭咩車，仲有就係介紹左一間bar我地去睇波，哈哈哈，雖然大家最後因為好累而決定唔去。呀，佢仲俾左佢電話我地，話可以下次去台灣之前打俾佢!!多謝咁好人既司機大哥呀!!!

今晚再去光廊既原因係因為我想去睇睇佢地既jazz live，算係為左就我既一個行程，好多謝其他四位團友都唔介意再去一次^^，thx!!!聽左第一隊愛blue，唔，都可以既，玩既野都的確係jazz，有一支saxophone、一支bass同一個keyboard。玩到識既歌既時候我會留意多d law，但係冇percussion就真係唔得啦，要用果d合成器出黎既聲，好難聽。仲有個bass佬會唱架，佢戴住個粗既黑眼鏡，我話佢扮blur既Graham，哈哈哈哈。"What a wounder~~~ papa??"

之後諗住聽一陣light jazz架(第二隊野)，頂佢，一個電小提琴加個keyboard叫做light jazz??仲要玩埋d同jazz野冇關既歌，嚇到我地即走.....佢地話隊野叫light jazz ja，唔係話佢地玩既係light jazz呀ma....唉，好似俾人呃左咁.......哈哈哈哈

我地勁走左去新崛江，書話係高雄市年輕人既集中地，似台北既西門町wor，但係我覺得唔多似，條直街反而似士林夜市多d。果度有咩特別呢？多攤擋掛，但係佢地d攤擋唔似香港女人街咁都係媽媽呀中叔呀賣既，反而有好多都係年輕的台灣人，幾好幾好。

我地慢慢行睇下呢樣睇下果樣都係咩都冇買，但係行行下就去左好似係書寫既第二個景點...原宿，唉唔知呀是鬼但啦行下街之嘛。見到豪大大雞扒，唔好講野，即刻叫佢炸塊先，我同阿翁等緊既時候，其他人係隔離擋野食緊甜不辣，幾等意呀d汁，裡面d野食我諗係d豬皮咁既野。而塊豪大大真係冇得頂，仲要有辣，夠脆夠熱，鮮到呀女~~(上年?返酒店先食真係傻.....)

搞好左呢個景店我地終於要去今個trip既重店~~麻辣火鍋!!!我地係11點幾先去架如果我冇記錯，因為今日我地實在吃左太多野啦，唔夜d先食火鍋我地真係驚食唔落。我地今次唔搭的士，而係行去搵火鍋店。中途有電話亭，有一個貼住南無阿彌陀佛的貼紙，我地都叫肥子唔好入去，去左用隔離果個，哈哈哈。

到左七賢二路，搵書上面寫299吃到飽的果間辣世紀火鍋，shit!!又搵唔到，我地決定要燒左呢本書佢!!搵唔到咁點呀，都要食架，咁多間是但搵間啦。我地見到有間叫鴨比...呀唔係，係辣比小辛既野，因為家肥既關係我地去左佢門口睇睇。門面好靚架，我地睇左陣menu，有個幾型既哥哥仔出左黎同我地介紹。我地諗左諗，好似都ok呀，又行到鬼咁累，就呢間算啦好冇呀。

就係因為"就呢間啦好冇"既關係，我地享受左前所未有咁好既一餐邊爐!!!我地坐左陣，就有個女服務生黎serve，佢好有心機咁同我地解釋，又套餐又散叫又養生鍋咁既野，仲推介我地要食d咩tim，好好!!!我記得佢推既小辛伴飯，我地原本只係叫左一碗試下，誰不知每人食左啖之後，決定每人都要一個。

我地見到對面台有啤，問下佢係咪有啤賣啦，佢話冇架，但係可以係出面買入黎飲law!!!頂，外帶入去飲都得??我地阿翁梗係即刻仆去7-11買啦仲使講野。但係返到黎我地先嬲呀，佢竟然拎到玻璃柸俾我地，仲要拎埋冰!!!喂，唔好咁過分好wor!!!我受唔慣咁好服務架wor!!!

元彪老闆同我地唯一輸俾佢既男服務生

家肥同鴨比合照!!!

講到食啦，麻辣既唔係好特別，但係都好食，而果個養生鍋呢，果d牛奶味真係正到，食金姑係一流架!!!仲有整豬腸食，變成奶腸，又係無x敵架!!!總知就係正啦!!!食食下，有個好似元彪但係少粒墨既老闆級人馬同我地講有冇試過食豬肝呀，我地話冇order到呀，佢拎左碟出黎，之後話係招待我地既，即係唔使錢......唔記得過幾耐佢又招待我地食左碟油炸鬼，正架，好脆架佢地d油炸鬼.....又唔記得隔幾耐佢問我地有冇食過科學面，之後又招待我地食一包，果時已經飽到上頸啦真係。

原來科學面就係我地既媽咪面。元彪老闆話呢有香港人同佢講香港冇d咁既野，仲話買d返香港做手信食tim。我都懷疑果個係咪香港人黎架，唔識媽咪面都識福面下嘩!!!我地係食到飽到想嘔先停手架，我地叫左幾round，食得超開心^^佢地唔係加水架，佢地係加湯底架，仲有呀，佢地會幫我地換左個鍋佢架，唔使驚燒焦，真係好到你嬲架!!!

朦朦地幾靚仔哈哈哈

食極都係每人港幣$50，嬲到爆!!!即刻勁豪搭的士返酒店哈哈哈。但係我地食到太飽既關係，今朝買果d鹵味呢，你記唔記得呀，冇人食得落.....

因為去小辛食，就認識到係果度做，即係我話serve得我地好好果個女服務生TT儀婷，哈哈哈，太好啦!!!能結識台灣的朋友真不錯哦!!!
就是這一位^^

綜藝扯旗艦。超屌的。台灣咩撚都有(五之一)(超屌完美版..哈哈哈)

唔好意思，因為用我既書面語打返呢個trip既話會變得唔吸引，請容許我打口語....
唔好意思，要打五篇係因為4days再加我既感想，希望放榜前搞好啦，請容忍我將所有野打晒落去......
唔好意思，標題中的粗口係一定要存在的，因為呢個係我地個trip個名黎既，唔改得，請當睇唔到個粗口啦....

(轉showhappy mode)
開始!!!
DAY1
尋晚睇波睇左半場巴西先訓，即係1點到啦大約，今日6點就起身，執下野再check下野就出門口。嘩，頂呀，超大雨，希望台灣唔好係咁。上左輕鐵，家肥打黎話會遲，我想開口鬧架啦，點知原來佢同阿yung你同一架車上面。係市中心等埋暉豪黎岩岩好趕到上E33，搭車我就聽歌訓覺佢地就傾計啦。

到左機場，與肥子會合，之後去華航用E-ticket?機票，去埋K整台證，就去左食早餐，肥子帶我地去大力水手做主題既快餐店，都幾好食呀個鬆餅真係，只有暉豪唔鍾意食。食完返去K拿台證，我搵唔到張飛仔，阿叔又執得好緊，結果原來我放左入PASSPORT套，好彩。點知都係有問題架，上年我同暉豪上網申請左，但係出左境先記得冇拎，結果今年去拎返，但係我上年申請果時用BNO，所以佢唔俾我，所以得我一個要到高雄機場搞。

離境前，劉惠欣到左機場，因為佢要送紅色眼鏡機，咁順便我俾埋d card佢啦。出左境，我地竟然0係duty free買左支black label!!!都只不過係$200，每人都只係$40，嘩有成3晚咁多，點會飲唔晒。

上機啦，驚左好耐華信唔知會點，原來佢地都係用返華航既機，仲要係有私人mon果隻，好野!!!我今次試下睇戲，點知揀左套好鬼悶既鬼佬動作戲睇，睇左唔知有冇半個鐘訓鬼左。有飛機早餐食，但係得個包係好既，其他野都麻麻。唔睇戲做玩大老二啦，好有趣架，梅花大過磚架，之後蛇又大過full佬，好有趣=.="臨落機先識按去video睇佢果d台，有coldplay專訪呀，睇得小小就落機。

落機啦，去搞落地簽證啦，誰不知要出左境先有得兌款，就0係我好亂既時候，見到帶港團既領隊姐姐，太好啦!!!我俾左$55姐姐換左NT200去搞簽證，THX姐姐呀!!!搞完姐姐，呀唔係，搞完簽證，就出左機場。嘩，勁驚呀，個天陰陰的，仲要好有大陸既感覺，果D機車味，又有D政治壁畫，真係驚高雄唔好玩!!!

等左一陣就有公車搭去高雄啦，上左車，已經有個台灣妹妹坐隔離，我覺得佢似陳綺貞，但係我浪費左啦，冇問佢路，反而有一對夫婦同我地傾，問下我地係咪香港人，之後第一次聽到"好犀利"(係呢個trip唔知聽左幾多次好犀利)。再過一段路，另一個c lai又幫我地手，教我地係邊邊個站落，真係好人呀!!!台灣妹妹繼續佢聽MP3，但係都有偷望下架(係我偷望佢既時候見到佢偷望我地)。

我地搵左一陣，搵到七賢二路，好野開始向酒店出發啦!!!哈哈哈，我地起點係七賢二路1號，而酒店係394號，即係要行唔知幾耐.........我諗我地行左四個字啦，中間真係頂唔順入左間7-11，買左我同暉豪上年都已經激讚的茶裡王，600ml都只不過係NT20。

搵到酒店啦，個大堂都幾靚呀，不過我地都講過好多次住真係冇咩所謂，靚咪當BONUS啦。上到房，頂!!!又係尾房!!!都唔知第幾次訓尾房啦係hotel，我真係尾房榮呀!!!我係同暉豪同阿yung一間，肥子就同家肥一間。等埋佢地兩個沖完涼，我地就出發去旗津啦!!!搵公車站，見到有一個棒球場呀，太正啦好想睇一場。

搵到公車站，但係搵唔到書上面講果架車wor，咁就問下一個台伯，都唔知講左陣咩，之後叫我地搭248號車，要到對面車站架，唔該台伯。過到對面，又有個台婆對住我地講台語，今次真係勁聽唔明。呢張相就係0係公車站影架啦，肥子影的好好呀，將model yung收得好埋呀。

車黎啦，而我地亦都差d就咁死左....果架公車勁貼咁駛埋黎，佢個鏡同我地塊面唔知有冇5cm既距離呀。上車又有一JA台灣妹妹，真係好^^我地差D唔識落車，但係見佢地落，而佢地又應該都係去旗津既，咁我地就一齊落啦。可惜既係，佢地去食冰，而我地就即去旗津啦。

係鼓山渡輪站等船，果D船可以俾機車上架，而D機機上面呢，又會有D可愛台灣妹妹架(正)。上船，搭一陣架JA我諗五分鐘啦，家肥話要行出去睇下景，我地就話坐陣先啦，佢又話搭一陣架JA，我地就話咁坐一半行程兩分鐘咁啦，結果都係同左佢出去。 都幾舒服，空氣又唔差^^

去到旗津，我地要快行過去燈塔啦因為佢四點就唔開放架啦，但係果時都過左四點，就去睇下佢會唔會開。沿路行既街都幾落後，我鍾意見到呢D景，因為我覺得D大城市好似度度都一樣咁。而且呢度有D似大奧呀，好得意，又係有果D細細屋 ^^

去燈塔要上山架，我地太耐冇行山啦...上到去，呀，真係冇開，想自己開佢個閘又鎖左，唉，頓時組長感到有D挫敗，不過見其他人又冇好可惜咁既表情，咁就算啦。哈哈，我地都話黎左架啦，之後係出面影返入去，黎左架啦!!!

雖然入唔到去，但係我地0係門口望返落去個境真係好靚，我自己黎講係超愛果個境架，望落去旗津D屋仔，好多colour，右邊望到黑沙灘，左邊就望到東帝士，好闊呀。坐下，傾下計，影下相咁，好舒服，亦係自遊行既好處。
搵左一對情侶其中既女朋友幫我地影呢張相，雖然佢唔係好友善果d，但係都要多謝妳呀。

我地落山啦，見到有d阿婆好似我地0係香港見到果d咁，背住咁樣行山，哈哈哈。好，我地去第二站啦，去搵組媽既廟，呀唔係，係媽祖廟。係果度我地第一次轉左博物館mode，係我地去旅行既博物館mode，即係快pass，立兩眼就過咁啦。俾左兩蚊香酒，就去對面Lung榮睇木屐，但係太貴啦，阿yung 0係接力日記度寫左"女裝都要成NT$490"(唔該阿YUNG)，買唔起，又好快走左loooo。

之後我地去搵海鮮食，但係見到有間機鋪，就入左去啦。家肥見到佢成日0係香港玩既SLAM DUNK，即刻忍唔住要打返鋪(無聊...明明已經成日係香港打)。我同阿YUNG就玩特別野啦，拍拍機台灣version，雖然係香港都玩過，但係0係台灣玩台灣野就係唔同d啦!!!玩左d好搞笑既歌，有可愛版既F.I.R.，仲有黎明既"愈夜愈有雞"，聽落去好似唱緊泰文，但聽真d又好似閩南話，最後見到有歌詞架，我諗係台灣人唱廣東話，"自問讓你擔得(門十西)，愈夜愈有雞"，唔係搞笑，佢真係咁唱。

打完機，行行下去左"海的故鄉"，係賣d特別野既鋪頭，我地開始左買手信啦，暉豪買左大西班牙同美國國旗，家肥好似買左兩件tee，阿yung買左細既大麻旗，肥子都買左大西班牙呀，我就當然買我既最愛英國啦，不過係細既哈哈哈。 (肥莊個kobe bubble head都係呢度買既，勁平)


行下街，見到原隻燒墨魚，好大隻架，有成一隻半手掌咁大架，NT50兩隻呀講緊，即係咩呀，即係你同我講六蚊隻呀，抵得恐怖。呢檔野個阿叔燒得好好食呀，再加D辣上去，好正。我地係去左黑沙灘果邊坐住黎食，窮到loan食法開始啦，三隻五個人食，好爽呀!!!個黑沙灘唔係幾靚，好多垃圾，仲有一堆堆唔知係咩既野>< 食完，我地見到對面有書講果dNT50起既海鮮檔，我地揀左間就睇下食咩啦。食左d咩我真係唔多記得，因為平，但係就唔多好食架其實。我地食左小小飯，唔知佢有冇計錢呢？呀我記得有叫左碟蠔，家肥食先，我地問佢咩味，佢答"好似煮熟左既生蠔咁"(呢個係家肥語錄第一擊)。最好食既係咩？竟然係果碟通菜，哈哈哈炒得好正。

有一段小插曲，我地食野果度同廚房之間有一條小走廊既，裝飯都係0係果度，我地食食下，竟然"feel"一聲有架野係我地面前，即係走廊果度經過，果架應該係機車黎既.......我地都呆到只係識得傻笑。

之後係接力日記家肥既原文：
食完海鮮之後過左去便利店夾公仔同玩射籃。射籃阿翁最勁，成119分。最差果個係sf，射左兩次，一次34分，一次29分....連肥子都高分過佢(35分)...(肥子你不如黎一齊打波啦)。之後行多兩步食第二檔燒墨魚，風味唔同(家肥你係咪想講冇咁好食ja)。食既時候幫我地既IV model yung拍左第一段video，係由肥子擔當yoyo而阿yung做阿女既角色，最衰最後果野影唔到檳榔>< (家肥miss左少少，就係我地去7-11買野，買夠兩支野飲就可以抽獎架啦，多數係咩89折呀79折呀，而果日我地抽到咸爆谷，7-11人仲幫我地叮埋俾我地食，哦~~幾好味架真係) 搭渡輪返鼓山，從船上望晚上的旗津也不錯。搵既士站期間入左間夾公仔既鋪，遇上一個學生妹妹，佢夾左一次就可以夾個公仔上黎，搞到sf high到叫左出黎(我係驚訝?，我唔係high呀kafat)，真係夾公仔達人!!!原來夾左個公仔出黎唔滿意可以換架!!!多謝夾公仔姐姐指出公車站位置。

六合夜市，0係街口望埋去真係成條街都係食。首先去左飲木瓜牛奶(唔係草莓牛奶咩家肥...)，超正!!!sf試既係香蕉牛奶，佢話佢飲既係balled最憎既野，仲有Franco的honey苦瓜汁。之後係7-11撞到個香港女性，哈哈，sf好有趣咁搭上一句"咪係law"。好，交返俾住0係尾房既尾房榮呀。

好呀唔該你家肥。我地係六合仲食左d咩呢？諗諗先....呀之後去左食度小月擔仔面，我地叫左唔知兩定三碗分黎食，因為我地唔想一次食咁多搞到冇胃口食第二d野嘛。呢個度小月真係，唔知點解出名呢，冇咩特別。 之後有食到鹽酥掛骨，好似係士林都食過，幾正呀!!!

仲有家肥叫左個土耳其雪糕黎食，哈哈哈，佢俾個鬼佬(即係賣雪糕果個)玩呀，家肥諗住?果時，個鬼佬調轉左柸雪糕，但係d雪糕又唔會跌落黎架，好搞笑。食落去唔似雪糕，我個人認為似綿花糖^^

仲有就係食左書寫既豆少包，個好豆味好難食呀，但係花生就很good!!!炸雪糕啦，我食左薄荷朱古力味，外熱來凍，好得意架，好冇食就冇咩所謂啦。呀，仲有樣好好食既就係串燒啦，好正架!!而且最貴果種串燒都只係NT40，已經係最貴架啦!!!但係就勁大串，頂呀!!! 係呀，佢地仲有玩d小攤檣，係用氣槍射波波架，哈哈，好易玩，佢地都彈無虛發咁全中呀!!! 但係要玩好多次先有靚獎

行到咁上下，發覺仲未買柸，就去左間好似超肓既野，都幾大架有兩層。我地原本就諗住買柸既，搵到呀仲好抵NT10一隻，但係購物呢樣野，我地變成買埋牙刷、東方阿差味止汗同埋playboy dom....哈哈哈仲有麻衣呀，同左佢影相

好，我地今次打的去愛河啦。5個麻甩仔去愛河真係....好浪漫哦!!!我諗同女仔黎既話會靚既，我地幾個去睇就真係.....er......我地冇坐到AIDS船呀(愛之船)，仲坐真係會變左gay仔架啦。影左d相，之後去左間有冷氣既廁所，但係又勁臭，哈哈哈唔知點解。

我地再出發去城市光良(光廊)，搵左好耐都搵唔到， 周圍有d得兩三層既屋，見到有一間房成間都紅色，勁驚，從此冇人再提過呢件事。問左個阿叔，又轉左又轉右又有咩圓形野，哈哈哈，行多陣搵到啦。我地累到要即刻坐低飲野，叫左d啡，唔係咁好飲既，不過算啦個環境好到爆。我地太夜去到，已經冇晒live band既演出啦。但係坐係度聽下佢細細聲播既jazz，傾下計咁，都真係幾享受架。

光廊有分幾段架，好似係由唔同既藝術家設計既，有一條石春路，行完之後我地痛到醒鬼晒!!!之後就返酒店啦，好似睇左頭場，沖下涼，阿yung同暉豪訓左，我未眼訓寫左陣日記，咁又話就黎三點啦，咁我地就落街買大茶裡王同埋來一狗啦。

開波啦，暉豪同肥子都有大西班牙旗，家肥就有件西班牙tee，齊齊支持西班牙。但係上半場完左都仲係輸緊1：0，好彩下半場win返3：1，正呀!!!勁興奮，結果成5點幾先訓。