阿翁失馬 焉知非福

我諗都係時候打返d野，但係聽日要參與文化之旅，咁唯有好似上一篇咁...用口語快打。對唔住呀我既書面語~~~

其實篇野唔關阿翁事既，只係食佢個名ja....

前兩日(星期二同三)就要去九龍灣返工。做咩既？係做data-entry，打一d叫IPO既form，$0.4一份，打得快賺得多。咁我同家肥就一大早係我樓下既巴士站等258d出去啦(唔該肥婆話俾我聽有直車出去thx!!!)。

去到九龍灣，嘩!!!唔使咁長嘛條龍.....唔知點解有條長一條短，原來短果條係姓initial A~Lam既，哈哈，走運走運。掛左冇耐，去到sign in果位，頂，搵極都搵唔到自己個名wor，咁佢就叫我去一個房度等下先。

等呀等，愈等間房就愈多人，點搞架呢間野，咁鬼亂架。咁我就一路聽晴朗一路等，哈哈，好好笑^^等左個幾鐘架啦，呵，有個好似可修既男人走入黎同我地(大約四、五十人度)講：拿，而家就已經冇位架啦....心諗唔係faaaaaaaaaaa....佢繼續：但係我地需要team leader，我地會train十個做team leader，你自問有confidence同有領導才能既，你就行出黎啦!!!

嘩，咁得意，未返工就話升做team leader。係幾秒之間個腦諗左好多，如：我不嬲都唔似係果d會去爭取果D人黎既，但係諗落咁樣走左出黎九龍灣又返返屯門，都幾低能，又但係收左佢travial allowance返屋企打下野都幾好bor......

最後我覺得都係試下自己既時候啦，最多唔得先返屋企，又唔會有咩唔抵既，就係咁我同另外廿幾人企左出黎話試下。石修話唔係你想做就有，要試下你地先。佢問下入data時候既rules，鬥快舉手答中先收你。我覺得真係冇得再刺激架啦，咁玩發。

遊戲開始，頭兩條，我手都冇舉過，衰左諗得慢、冇信心。第三條：individual 同 company入既時候有咩分別？eee...有d印象bor，好彩佢要兩個ans.，第一個人答中左之後，我load完啦，佢數完1...2...3!!!我即舉，見到問問題果位叫kk既高級leader望住我，我仲唔揮多兩揮隻手!!!佢指住我講：你呀!!!我：individual0係applicant name果度可以多過一個名，company就一定得一個。佢諗左一兩秒，我就係果一兩秒驚到震，之後佢講：0岩!!!然後用手指指我埋去一邊......呵呵，正呀!!!

有一個可以衰d講句係冇咩腦既人0係答問題既時候夠快，leader已經指左佢叫佢答既時候，佢竟然答"問team leader".......在場既人都好想笑出黎。大佬呀，你咪team leader啦而家，仲問咩鬼team leader呀。雖然之前training叫你d inputer唔識既時候舉手問team leader ja，你都唔係咁諗野架嘛.......香港人，請用用你個腦袋，ok?

呢個就係我想講既阿yung失馬故事啦，係咪好感人呢？team leader係計時薪既，有三十幾蚊/hr，如果我打form一定打唔到呢個價，真係焉知非福架。仲有學到既係社會上既鬥爭呀，出到黎做野，唔該主動d，爭到既咪有工開，冇既就返屋企訓覺，道理就係咁啦!!!

我今日又失左隻馬，希望會係福啦，真係勁灰.............

好想快d去睇coldplay，所以post左呢張相出黎....

快打!!!

真係要快打到用口語呀，冇咩時間啦我，要著草呀!!!

阿嫂今晚11點機去英國遊學，仲要去成十日都只不過係$6000，抵到呀，阿女。

阿輝:"張力恆......徐紹輝......我老婆去左旅行......使咩講，有咩搞？"
遲下應該變左阿yung問架啦，占占又去日本咁開心，最衰唔知有咩叫佢幫我買。

講開旅行，我想知劉惠欣係咪已經走左啦？走又唔講聲，走去邊又唔講聲，真係呀......

我都好想去旅行呀，人地灰癩晒考完一個星期就去旅行啦(肥子返工搭船時見到佢講架wor)。上年呢個時候我地都搞到七七八八架啦，上網問d台灣人我地plan既行程好唔好呀，買左本旅遊指南呀，自己去旅行社訂機票同酒店，自己搞簽證(點知都係落地先簽)，所有野都令我好回味!!!

你睇下張相，係咪覺得我地好開心呢!!!梗係，坐係九分的咖啡店，由高處望過去海天一色既風景，真係冇得頂架。咁靚既景，飲杯野先係話十幾廿蚊，oh!!!正到呀，阿女....

我諗住6月中至尾搞旅行既，又未返清潔大使，又可以係放榜前盡情咁玩返次，應該冇錯架啦呢個日子。但係問題就係要睇下阿耀得唔得閒啦，如果過到去都搵唔到阿耀既，咁就無謂啦係咪？

今日去完interview，心血來潮就係恆生機禁左"二舊水"(from千王之王二千吳君如既ng)，走落旺角搵信和二手碟阿叔，唔係賣家肥好鐘意睇果d二手碟呀，係二手CD呀。哦，搵到好多野想買，咩事呀。閒時有錢黎又冇咩買，而家讀緊窮能到系又走咁多碟出黎!!!

我買左：(1)Spiritualized既the complete works volume one。碟盒都幾舊，不過真係想聽下。我dl過佢地一兩隻碟，都幾鐘意，希望呢隻好聽啦，話晒都係精選碟。

另外三隻都係聽過晒架啦.....(2)the thrills既so much for the city。好開心，三十蚊!!!哈哈哈，抵到爆炸啦真係，借左肥莊果隻之後都唔係咁想還返俾佢架啦。

(3)kaiser chiefs既employment日版。我唔係特登想要日版架，不過阿叔係得日版，我又幾想要呢隻野。雖然平左之後都要成六十蚊，但我覺得值得擁有既。

(4)最開心買到第四隻，就係kula shaker既peasants, pigs and astronauts啦!!!勁哩咁都俾我買到，真係好彩數架今日!!!好靚架我覺得隻碟個底，唔係個音樂底，係真係碟盒個底，哈哈哈。真係好鐘意，有great hosannah，太美好啦!!!只不過係$40，救命呀~~~

好忙呀最近真係，今個星期日要還果十五本公仔書未睇過，仲有三分一本達文西未睇完，又有半本章怡和未睇、一大本姚明自傳、三隻魔戒、半隻lennon、三分一隻寇比力克、一隻由哥哥做既金枝玉葉同一隻柯德莉夏萍做既金枝玉葉、仲有..............

仲有聽日要training，見得成星期二星期三返工，星期4in city，星期5去文化博物館同香港故事，星期6返清潔大使，星期日教野......哈哈哈，我呢個星期好豐富呀!!!

十張酷玩 點會覺悶

唔，十分懶惰十分懶惰，幾天才打一篇日記......

In my place, in my place.
Tell me you love me, come back and haunt me,
and it was called yellow.

哈哈哈，coldplay twisted logic tour2006，七月十三日，香港站。昨天得到晴晴(冇錯，唔係肥婆)的協助下，加上肥莊及我三人，一口氣買下十張最便宜的$380門票。我最早到達通理，約為9:40，幸好只有5個人在等候。那些人互不認識，卻談起天來，後來我亦成了一分子，哈哈，音樂是令人有一種向心力的東西。

十時開始售賣，大約十分鐘後才到我們買。呀，已經沒有$380最前的位置了。售票員努力地幫我們找出最佳位置，我們亦開始討論那是否符合我們心中的標準。這樣花了大約四、五分鐘，我頭回一回，一位排在最後(5、6個之後啦)的女士即用不大滿意的眼神看著我說：係咪個system有咩問題呀? 當時我心諗一諗：搞左好耐咩我而家，你驚冇位你唔早d黎？小姐。我買十張，雖然係$380?，但都要小心d架，錢黎架.......數秒後我再細想：未到自己又唔知有冇位既感覺，都真係會令人幾嬲!!!結果我向他說下兩次的sorry。

coldplay演唱會超值豪華0.0625(1.5hrs/24hrs)天團十名團員包括(1)發起人兼團長，著名yotsr樂評人莊肥禮先生、(2)其誹閒第二號女友(ee為第一號)、(3)姑姐級人馬--姑姐個fd、(4)才子時期已激唱yellow的趙飯糕、(5)嫁雞隨雞完美代表陳娟媽、(6)兩夫婦在tyt時代認識的神秘朋友、(7)喜歡清新歌曲，最愛陳晶晶....呀，打錯，是陳綺貞，及以kiss me為手機接駁聆聲的黃家肥、(8)上一回因占占(林喜欣唱：二月十四~~~~的約會)已錯過看FF的model yung、(9)並不熱愛coldplay，但效忠於教父"睇show論"(大band黎香港實為香港人之好運及福分，有錢便要去參與，也不知道這輩子這樂隊還會否前來香港)的小弟、(10)是次活動之善長人翁、以credit card簽下價值$3850的十張門票的晴晴，門票收益將放入康樂組基金，以作未來康樂活動之經費。

(廣告)
假期將至，你已想好怎樣好好利用這段大好日子嗎？遊玩會估多小時間？據專家所指，若人類平均每天抽出三份一時間遊玩，能令人心情開朗，身體健康，特別是試後的中七學生及大學生。故yotsr康樂組正為各會員舉辦一連串的活動，讓各會員保持身心平衡外，亦增加會員間之交流，增進感情。

1)中國以農立國，形成喜愛大自然的人格。五月二十日為香港濕地公園二期開幕的大日子，這正好為一眾修讀地理或是熱衷於環保的會員提供一個好去處(----總有些用處，巴閉啦肥婆，星期日去睇呀嘛，仲有黃貫中下嘩)。身為崇敬大自然之中國人的一份子，一起參與吧!!!

2)沒有電視、電腦、psp、E3的古代，中國人如何消遣耍樂呢？位於沙田的香港文化博物館本季主打展覽為"雖小道 亦可觀 — 中國古代消閒娛樂"，是次展覽將展出多達百件的物文，讓參觀者認識古代的消遣活動，從而感受中國文化的獨特之處。

3)樂園絕對是青年人遊玩的好去處。讀書壓力大，精力無處發洩，樂園絕對是為你們舒緩生活的天堂。故康樂組將於假期內舉辦樂園遊玩日，地點還未市定，或是海洋公園、或是迪士尼樂園，或是both!!!海洋公園為香港人的驕傲，在盛智文主席的管理下，更轉虧為盈，大獲好評。而迪士尼樂園亦是國際品牌，信心保證；兒時的夢幻王國，實在地盡現眼前，值得參觀。

4)每年的大project，海外自由行。詳情稍後公報。

很吸引吧!!!欲成為yotsr康樂組成員的一份子，現在是好時機!!!康樂組為慶祝成立大約一週年，推行新會員入會及年費減價優惠。在推廣期間，一人入會，二人受惠。會籍分為兩類，一是專貴會員，年費為$999；第二類為永久白金會員，能終身享用白金會員獨有的優惠，如不限時段到會所(組長家)舉行火鍋晚會，免年費，只需一次過式付交八萬五港元，絕對超值。

請即入會，享受康樂帶來的無限快感!!!
(你睇我地幾開心^^)

唔配村

昨天又是一星期唯一的工作天，我發覺我會愈來愈期待每一個星期六的來臨。

在泳池工作，竟然能運用我的英語柯佬技巧。因昨天室內場舉行國際學校邀請賽，城門谷充斥著大大小小的鬼人。我曾用英語向某位鬼人解釋媽媽奶原味及麥精的分別；亦幫助另一位鬼人及小朋友到戶外泳池游泳(因那比賽的主辦單位只租用室內那50米標準泳池及戶外的一個練習池，要到其他的戶外池遊玩則要付款)；還有還有，因昨天只有戶外池開放，容納了310人已是爆滿，泳客要輪候入場，有數名排在前排的不知國籍人仕有所不滿，保安員阿姐與他們雞同鴨講，阿姐便叫我出馬，原來他們只是不知道泳池已"full"。

這工作尚算不錯。十多年來不知道讀書為何物的我，對英文科更是欠缺興趣，因此英文成績更是差得恐怖。而每次與鬼人談話時，總會感到"有讀書都幾好呀"的感覺。學以致用總算是令人開心不已的事情/感覺吧。

而昨天亦是第二次在城門谷"撞"到一個LKKC年代的舊同學，名字大約為"唔配村"吧。在這條"唔配村"，任何的事情、東西都存在mismatch，舉個例，要是我們都住在這村莊，在籃球場上會看到我的防守對象是阿yung；或可能你會看到我拖著一名比我高出一個頭的女子在拍拖。

這日在池面被他遇到，而他竟然"搭我膊頭"。當時我大大感到疑惑萬分--何以他要搭我膊頭？搭膊頭應是"老友"的表現嘛，他認為我是他的老友？不會吧......除了老豆，與我最親的朋友如阿輝、阿fung、阿哥、阿yung、阿yip、暉豪、三肥等都極少搭我膊頭。我很記得阿耀有一次搭我膊頭，那一刻很高興。但這天那一刻我不感高興之餘，還感到很奇怪。

本日推介：the cardigans----beautiful one
早幾星期才接觸這隊瑞典indie pop 樂隊。那時聽的是較近期的album，不太喜歡。早幾日將他們的第二張album"life"放入mp3，卻令我有另有番感覺。

關勁松先生：回想十多年前，The Cardigans也是由獨立身份開始的，早期也是Tweepop份子。什麼是tweepop？請松爺繼續：Tweepop──清新Cutie之音更完美的統稱。Twee代表Sweet、Delicate、Lovable、Gentle，而瑞典正是Tweepop盛產地。

可愛的東西，總是令人喜愛；可愛的女聲，總是令男人著迷。對比那些成熟性感女聲，我更喜歡這種可愛甜美的聲線。女vocal Nina的聲線是甜美得令聽眾聽後亦感到幸福無比。肥莊曾說，唱功是可以練出來的，而且總是會"一山還有一山高"的感覺。這個很正確呀!!!但我想補充一點，聲線是天生的，是上天所賜給你獨有的。要擁有這把甜美可愛之聲，只好期求下一世上天對你有所顧念吧。

這首beautiful one沒有什麼特別，只是純粹我被其melody所吸引。簡單的bass與guitar chord，加上keyboard將chorus的兩句melody在intro及coda時再彈一次。然而，再加上微弱的string part，令整首柔軟的歌變得更為優美。

而那個chorus的melody何以會吸引我？我也不明白。當我第一次聽到這個melody的第一句時，我已為其第二句作出幻想。可是與我理想中的melody有所出入，我總認為我想出來的那個會更好，那便再聽多幾次作比較吧。

結果我被擊敗，連想出來的都忘了，只記得他們那個.......

我在showhappy打的音樂介紹(二之二)

四月十五日
無意間dl左dirty pretty things，聽左唔夠半首，我已經跑去肥莊度問佢有冇聽過。真係正，又係franz ferdinand、arctic monkey同埋the libertines果類。一查之下，唔怪得知啦，the libertine散左之後Carl Barat另組一隊既band，哈哈哈，難怪玩d野咁似。 咁今日就介紹一首DPT既歌啦!!!

邊首好呢？就bang bang your dead啦!!! 哈哈，我係一d偏心架啦，鬼叫首歌一開頭係big band形式既brass做intro咩？我對有加入brass part既樂隊都特別偏心，好似stereolab新一隻碟咁啦、broken social sense咁啦，正爆。 可惜呢首bang bang your dead其實係得個intro有brass架ja，我好留心咁聽過，其他部分好似都冇。我好少聽the libertines既歌，但係我覺得DPT既歌真係好似FF既歌，連vocal都係成熟?線果一種。

而bang bang既melody就有一種好老套但係就係好好fing既感覺，好鬼爽!!! 我覺得似FF係佢係chrous都係用鋤短chord玩出黎，哈哈哈，好似。呢隊野，暉豪應該都會鐘意架!!!(我唔咁講正過FF....哈哈哈哈哈)

四月十九日
今日介紹broken social secne先!!!BSS係一隊十幾人既樂隊，人數唔定既，要視乎個隻碟或者果首歌要玩D咩啦。我同肥莊講過，佢地太多人啦，好多野玩到出黎，哈哈哈哈.....

呢首KC accidental.....接住album裡面前一首歌，個頭係好慢既，我以為係慢歌。點知幾秒，已經變成好有節奏、好多野加左入去既一段melody。呢種先慢後快既melody重複出現左4次到啦我諗，內裡有d唔同既，最明顯係d percussion，都幾爽架!!!

去到中段先有vocal入，仲要唱得兩句。不過果一段係仲慢、仲柔，以string伴住。之後又入返頭先段統音樂既melody，今次玩得仲多野，係快既時候要仲更加嘈，慢既時候要仲更加柔。好有趣既一首歌^^!!!!

四月二十一日
好啦，準備心情，一齊返去廿年前既，享受情歌吧!!!

the thrills既old friend, new lovers...........睇個歌名都感到有幾老套嘛^^正呀!!! 我講呢首係超慢情歌。

由幾個半音逐漸慢慢上既intro，0係呢個年代邊度搵得到。vocal把?真係太好聽啦><佢唔唱呢類情歌真係太浪費，sweet到男人聽到都好lum。加上一大ja好靚既假音係後面伴住，老套但絕對好聽。其間有"深情既solo"，香港果d真係嚇得死人。再加上好多首都出現既口琴係尾段整返個尾段高潮位，vocal既撚手絕技。咁點解要揀呢首，string part既加入!!!yeah!!!!

四月二十三日
肥莊係xagan叫我地聽suede既dog man star，唔使介紹。我就同佢打對台，介紹suede...呀唔係，係the tears啦!!!

我想講Apollo13。袁老師：Apollo 13帶我們乘坐阿波羅十三號，在曼妙美麗的Waltz節奏下，作品曲如其名地有一種飄盪於太空的感覺，是全碟較近似Dog Man Star時期氛圍的曲目。 the tears係0係Bernard Butler做完dog man star呢隻偉大brit pop大碟就離開左suede之後十幾年再一次同suede既vocal brett anderson合作既一隊短暫性樂隊。

我唔係brit-pop年代成長既家姐(or姑姐)，我唔會有幾震驚佢地會再合作。但係一件咁勁既事，點都要認真聽聽。 第一次聽同聽多幾次之後，我都係最鐘意apollo13。太空聲真係有一種吸引既地方，就好似kula shakur既great hosanna咁。呢一首直情令我覺得聽果時果5分鐘好似上左太空咁。brett anderson特別?線，加佢既撚手"呀~下~"，無得頂(點解佢咁鐘意"呀~下~"既成日)。當然，Bernard Butler既結他?仲係咁出，聽dog man star既歌感受會勁d不過。

罵還是不罵？

在看牙醫及打球前還有點時間，便打一點東西吧。(也不知打球後的西鐵頂活動會玩得多晚才回家。)

http://sgnik.blogspot.com/
肥莊的音樂介紹，很專業，快看快看！！！與今日的題目亦有關??

今早暉暉給我看一個xagan，我一按，聽到一點不正常(對我而言)的intro，再來是數名男人或是男孩的物體在唱歌(應該是在唱歌吧...)。聽曲風，我認定那是一隊boy band。接著跟暉暉說：男人老狗聽boy band？這便開始了一場激烈的討論。

我自認我對boy band(左圖)很反感，故反應比較激動。首先，boy band的出現是因為世上有年青的女孩子，而不是男孩。第二，band boy是用以肉眼上看的，而並非for耳朵或是用心去聽的。那個xagan的主人是男性，他將boy band的歌曲放在xagan。

暉暉不滿的是何以我會去罵別人聽些自己不喜歡的音樂，為何別人就要認同我喜歡的才是好音樂。這個stand pt足以令我無力反抗，因為談到自由的問題。但我亦有一點話要說。

先說，那句"男人老狗聽boy band？"並不是責罵的說話，只是我認為很可笑，可笑的原因在上文已提及。

肥莊與我都很認同我們聽的不一定是好東西，但流行樂壇卻是充斥著多不勝數的最差的音樂。你可以不認同，可以認為只是我們一小撮人的意見，但請先找一點資料，看看真正的樂評人、音樂人又或只是"會聽音樂的人"怎樣去評論而今的香港樂壇吧。

我說的不是圈子內的作曲家又或是歌手，又有哪個不會賣花讚花香？這令我想起有點題外話要說。香港歌手許志安在對抄歌問題的意見：「音樂來來去去都得八個音符，好多大師級作歌都差唔多啦，我覺得無可厚非。」

音樂只有八個音符？那是什麼音樂？中國傳統音樂？那只用ｄｏ、ｒｅ、ｍｉ、ｓｏ、ｌａ六個音而不是八個音哦．．．．哦，西方音樂，但西方音樂在一個八度中是存有１３個音符呀，你忘了半度嗎？你不懂得音樂有flat、sharp？

歌手呀、音樂人呀，請專重音樂好嘛！！！

回到主題，罵還是不罵？現階段的我還選擇罵、不斷的罵、激動的罵。幹嘛要罵？我為何要動怒？對自己毫無好處。為的是身邊的人，現在看這個ｂｌｏｇ的你們。這不是偉大的說法，不是要提高自己。我只希望盡一點我能盡的力，一小一小的提升人們對音樂質素的要求，不再被無良的音樂工作者魚肉。

做一個如上一篇ｔｈｅ　ｆｌａｍｉｎｇ　ｌｉｐｓ的音樂介紹，要找多少資料，要聽多少次那些歌曲，你知道嗎？要花上兩個什至三個小時，你知道嗎？做這個介紹的目的，你又知道嗎？(當然，不只是為你們，我自己既得到滿足感，又能提高自己的音樂知識。)

我希望快一點到達家姐及肥莊的階段－－不理會。人家做或是聽差的音樂與我無關，因為再罵也不會醒，不要令自己激心吧。

"人地要去死你咪俾佢死啦"，多麼動聽的一句話。

回留言先??
暉暉．．．係呀我就係鐘意佢可以擺到ｄ圖咁靚
暉豪．．．多謝晒多謝晒！！你都整返個ｌａｗ??
ｋｉｎｄ怡．．．呀！真係好耐唔見你啦！會考順利嘛？
ｆｕｎｇ．．．哈哈，我呢度會好似你ｘａｇａｎ咁變左相簿架啦
肥莊．．．你果邊都係呀??
肥婆．．．係咪一個讚呢度一個讚我架？

肥莊、暉豪．．．哈哈咁岩回你地言我又講緊香港樂壇．．咁冇咩好講啦??
ｆｕｎｇ．．．唱ｋ係一個好嚴重既問題，遲ｄ開一篇再講

肥子．．．唔使啦，你會慢慢有好多都係人地送架啦．．．一定
暉暉．．．係唔齊架其實．．．哈哈哈
暉豪．．．我有兩個呀???
肥婆．．．你冇折黎玩，你拆黎玩ｇ　ｍａ

肥莊唔該晒你既ｂｒｉｔ－ｐｏｐ解說呀??太好啦幫我詳述
ｌｉｎａ．．．歡迎呀???好歡迎你．．．留多ｄ言啦！！！

肥子．．．ｅｒ．．．本性?本性?．．．哈哈哈

能看到最多性器官的工作

不是家滕肥與朱古力肥鋒當的A級video男優哦，不要誤會。他們的工作會看到較多的異性性器官，但我想說的這一份工作(亦是我的工作)，卻只是會看到最多的同性性器官呀!!!

這是在康文署管理下的公眾泳池當清潔大使。第二年當清潔大使了，工作是沉悶的，但好處是沒有壓力，亦可說成"冇咩野做"。

一天說出不下百次的說話是"記得沖一沖身先出池面wor"，一天作出不下百次的動作是模仿沖身的樣子，即右手假裝拿著花灑在背部向上向下的移動。這句說話與這個動作同時進行，效果極佳。做這行為的主要地點是泳池大堂，而對象是有權選擇的。遇到大大隻穿背心有紋身的大漢，清潔大使應要保持沉默，仔細觀察；遇到嬌小可愛好身材的年輕女孩，清潔大使應該一盡本份，向其詳細說明如何保持泳池清潔及重要性。

而遇到最多同性性器官的時間，正是謹守男更衣室時，這段時間大概為二至三小時。在整天的八小時工作，這三小時是最為痛苦。要對著眾多自己不願看到的條狀物體，感覺絕不好受。要是在飯後守這個討厭的位置，更有想嘔吐的感覺。

因此，我在這期間，不時出走到池面逛逛，尋找一些正常的畫面。何謂正常？舉個例，一大伙可愛比堅尼小妹妹在你面前一擁而上，冒著反比堅尼的危險，都要玩滑水梯，才是最正常的畫面呀!!!

昨日我在池面看到一名女生穿著粉紅色tee游泳，而規則是只容許穿著白仔tee，因此我上前作出勸告，希望她會守規，脫下tee。她返回更衣室，不一會便出來，天呀!!!怎麼會是比堅尼啦？在她脫下tee後，吸引到全場男性的注目，更惹來另一些男泳客的挑引及女泳容的敵視。正當小弟心想：會不會害了那位小姐呢？一名救生員面帶邪笑的迎面而來，對著我說：做得好呀!!!

我......沒有做錯吧.............

看過我的音樂介紹的朋友，都知道我不太熱愛美國樂隊(雖然 the strokes源於美國)。是我對美國樂隊的認識太少吧，總認為沒什麼特別。

然而，今天要介紹的，是來自美國中部俄克拉荷馬城的The Flaming Lips。原因是左邊的唱片Yoshimi Battles The Pink Robots很吸引!!!

日本妹大戰粉紅色機械人，album的形象很夠有趣吧。雖然樂隊主腦強調這並不是一張概念大碟，但曲與曲之間卻是有所關連。

第一首fight test，看看你有沒有資格、有沒有決心去戰鬥。由主音唱出本是不想戰鬥，但現行迫人，無可奈何的感受。

再來的one more robot，是說出一個機械人(3000-21 model unit)的故事。它擁有人性的一面，但它不明白何謂愛。它開始不想與Yoshimi(右圖)戰鬥，因它懷疑自己已愛上這位日本女子。我很喜歡曲末的幾十秒純音樂，很有愛情電影的感覺，很感人吧。

第三首是Yoshimi Battles The Pink Robots Pt. 1。整首歌的氣氛十分輕鬆，以acoustic的guitar加上不少的電音(整張album都有加上電音，令歌曲生息不少 )。歌曲內容似是由vocal作賽前介紹，向各聽眾介紹我們的女英雄yoshimi以及大惡魔pink robot。我們都只能相信女英雄yoshimi，最起碼她是空手道黑帶的高手呀。

第四首，樂隊主音形容為大戰的soundtrack。聽眾只要加一點幻想，那大戰的場面便會走出來。古怪的電音是機械人的聲音吧，而密密的drum set聲應是yoshimi的進攻吧。雖聽到不是的女性尖叫聲，但不用說，到最後一定是我們的女英雄yoshimi勝出，我們是知道的!!!

下一篇，回留言先^^(做返古式showhappy回既方法好嘛??)

考完柯佬 感覺良好

字體要細小一點，因左圖是小弟從MCB偷回來的。

要怎樣介紹好呢？引用袁老師的文章不會太過份吧.......

袁老師：「Kaiser Chiefs得以走紅，外界都視之為Franz Ferdinand所種下的成果，彼此的作品，同是滿溢著八十年代New Wave流行曲氣息而來(暉豪看到這裡會不高興嗎？哈哈哈哈)，況且Nick(kaiser chiefs的keyboard)亦屢次提及他對Ultravox這支新浪潮樂隊的熱愛。然而Kaiser Chiefs卻並沒有染指為另一支New Wave復興隊伍，因為他們的音樂其實來得很Britpop，打造出結集著精良英式流流曲元素而來的美好聲音。

「Ricky有一把酷似Damon Albarn的嗓音，加上Peanut一手流麗閃亮的鍵琴與Synth Riff，委實不禁叫人聯想起昔日的Blur，而且還要是1994年Parklife時期的Blur。」

我個人認為kaiser chiefs不太像britpop，或只是我對britpop的認識不深。我認為傳統britpop就是suede、travis、the verve或是oasis那種(總認為blur是另類britpop....哈哈哈)，美中帶著迷意；拍子不快，melody要動人。

kaiser chiefs絕不是這一類britpop。拍子快、爽；melody著實不是美得動人那一種，更有點怪；氣氛更是直接了當，一點都不迷。與FF又確是有所不同，到底是哪裡不一樣？

一是和音，二是keyboard(愚見愚見，肯定不只有這丁點兒的分別)。以今天要介紹的歌曲為例，是他們album內的第一首歌，everyday i love you less and less。我超喜歡這首歌的和音。多數的和音都只是在同一句出現時，vocal唱出melody，和的則以唱chord的形式，將同一句詞同一個拍子唱出來。這首歌的和音不只是這一類，有多句vocal在唱"oh~~~"長音時，和音以多個八分音付唱"啦啦啦啦啦啦啦"。這個很特別，令歌曲更緊湊。亦是FF較小用的一種手法。

在keyboard的運用上，FF不會將其加插在每一首歌曲上，多數用在較深沉氣氛如Auf Achse的intro上，或是較柔情的如Eleanor put your boots on。而Kaiser chiefs會在不同類型的歌曲以keyboard的不同聲效做出不同效果。如這首everyday i love you less and less的intro是全keyboard帶起歌曲，一開始便告訴你這是一首爽、快、爽快的歌曲。而FF則是較少用在這類歌曲之上。

說到像不像blur哩，真的要問肥莊，我很少聽blur呢!!!但袁老師特別提到"美麗動聽如陣陣仲夏氣息的You Can Have It All抑或Born To Be A Dancer"，連我這名blur的門外都聽得到"很blur"哦!!!不錯呢不錯呢!!!

日記要開始啦!!!

看標題便知要說昨天的中化口試啦。在showhappy我已說過，在中化口試完結前，我是無法放下心頭上的大石頭。雖然每個人問我有沒有去練習，我回答沒有，他們都表現出擔心的語氣，連帶我都變得更為擔心，但我就是一點兒練習都沒有就去考(自家的短講練習其實是有的，大約三四次吧)。

我雖然擔心，但我對自己的說話能力是有點信心的。可能這樣說不太好，但我的確認為自己站出來、對著別人說話的技巧是不錯的。至少，論點不強時，亦會以較肯定的語氣說出吧。我最擔心的是題目及考官的問題。

昨天下午，不知道是天氣影響我的心情或是相反，總認為兩者好配合。考前烏雲密佈，試後雖未至於天朗氣清，但已不再下雨，更帶來一點清風。

第一輪便有我的份兒，算是走運啦，我是愈坐愈擔心那一類。很快便開始，題目為"書法、輸入法"。不是我想得到的講故事，算吧，著定不能生動有趣時，只能沉悶地重中國文化入手吧。話雖如此，我能提到的中化知識亦少得可怕。短講的鋪排如下：
1.什麼是書法？
2.什麼是輸入法？(加上方便這好處)
3.從方便這好處想到何以要堅持中國的傳統書法---->書法獨有的好處
4.建議教育界提倡學習書法活動，令廣大學生受惠
我知道，很沉悶吧，我知道的，我就是一個沉悶人。
剩下大約......十秒？忘記了。

小組小組!!!太好啦，不是要battle的題目，"如何提升青少年面對逆景困難的能力"。雖不是battle類，亦不是有趣的東西。五分鐘內想到不多，只想到必須親身感受，去camp吧!!!亦想到開講座，但必定會有人說令人感到沉悶，那加上一句"點解講座開極都有？一定係有其作用既"。就這樣五分鐘便完結。

我要多謝小組的四位組員，令討論十分順暢，哈哈哈，因為他們，我能想到更多更多。二號考生開了camp頭，讓我在首一分鐘能順著她的camp頭發展下去。而那些家長要以身作則，傳媒的責任等等，真是組員啟發我的思想空間。雖然論點不是很有力，我想還可以吧。

怎麼說，都是中化呀!!!怎麼說，都有十五個巴仙哦!!!

不知為何要貼那張相......=.="

要不要做傑斗？

一進入我的房間，便會看到左圖一堆東西。有的是別人送，有的是自己買。

你們看到這景象，第一個感覺是什麼？認為這是很漂亮？還是感到恐怖？(這麼少的一點玩具不足以令人感到恐怖吧....)

我很喜歡玩具這東西，不知是否由小時候培養出這性格。

你們有聽過新墟的小方舟嗎？那是一間以家庭形式經營的文具玩具店，亦正是我家開的店。

我的童年就在那裡渡過，直到中一小方舟要結業(哈哈...所以我好熟仁愛堂架!!!細細個已經見過圖書館的staff)。身為玩具店的太子仔，一定得到不同學朋友的羨慕。整天與玩具為伴，喜歡哪一樣都可叫媽媽拆給自己玩，多好!!!

這只是我的幻想。第一，我媽媽是一個恐怖的人。小學的我已被督促得不能呼吸，大半天的時間都在溫習，玩得時間不長。第二，店裡的玩具是用作售賣用途，而不是自家用的(雖然有時媽媽會拆給我玩一會兒...哈哈)。

但是，爸媽亦很疼愛我。從前老豆還是水電工人時，收入不錯，似是有三、四萬一個月吧。每星期總會有一天到街外吃飯，更有機會到我最愛的玩具反斗城逛逛。玩具店的老闆會在另一家玩具店買玩具？會的，而且數目亦不少。玩今還安在我家的忍者龜(龜的壽命果然很長哦!!!)、萬能麥斯等，不下於十數件。因這類玩具，小方舟這cheap cheap玩具店是入到到貨的。

是這小方舟的緣故，使現在的我更喜歡玩具吧。

容許我簡單介紹我的部分玩具吧。
Toy Story的第一號成員。
是woody與巴斯坐在搖控車上的kubrick，十分細緻，我很喜歡。
喜歡的一大原因----這是偉大的才子之首林國耀先生送贈的。應該是上一年春節，他從新加坡買回來的手信。
雖然情不是建立在物質之上，但每當我看到這玩具，都會想起阿耀吧。
Toy story的第二號成員。

bobblehead woody，它說是hand-painted的。近近的嗅一嗅，確是有點怪的油漆味道，而且有油漆出界的情況出現。

我也很喜歡這玩具，但不是因為送的人(是晴晴....)，而是夠大份，很有看頭吧!!!

要不是送禮人晴晴要求拆出來玩玩，我一定不會拆掉那個包裝膠盒(哪有送禮物的去拆人的禮物？)。
Toy Story第三號成員。

是WOODY公仔的玩具套裝----Fire Fighting Woody。這回woody當上消防員，勇救被困在火海中的企鵝wheezy。這個woody更與原著的一樣，拉後面的圈子，woody便會發聲!!!

阿輝送的禮物。有一晚我跟他說明天是balled的生日，他便買禮給balled，不知為何又買給我...
Toy Story的第四號成員。

迷你bobblehead woody，很有趣的玩意。

是劉煉娜送的聖誕禮物，上年有一天到她家中溫書(?)，還未到聖誕節她便送給我。

到現在我似是還未送聖誕禮物給她......


Toy Story第五號成員。

我討厭巴斯的主要原因，是因為我喜歡索克天王!!!這個玩具套裝是媽咪在聖誕節是送的(很久沒有收過媽咪送的聖誕禮物><)。很感動!!!

媽媽見我在Toy Story眾多角色中唯獨沒有索克，便決定買這個給我。

當過玩具店店主就是不同。

Toy Story第六號成員。

bobblehead座台擺設，十分美觀!!!

這是阿哥從香港迪士尼樂園買回來的手信，多謝阿哥!!!我未曾預料阿哥會買手信給我呢!!!(雖然忘了撕去價錢貼，yotsr的優良傳統嘛!!!)


Toy Story第七號成員。

mr. potato head扮白兵，超好玩!!!我已買下扮黑武士的送給自己作聖誕禮物，萬萬想到阿輝及阿嫂竟買了這白兵送給我。

認真的說一句，我感到我很幸運。


還有別的玩具，但我已很累，沒有能力再介紹了。我想說的，前兩日星期二檔案介紹kidult，我有想過我會不會變成這一類人。

我想或許性質不變，而只是內容轉變。我認為人必須有其興趣，才得以生存。金錢不容許我擁有多樣興趣，也只好作出選擇。長大了，未必再花錢在玩具上，但在別的興趣上亦是必然的，或是音樂，或是書籍。內容是改變了的，但與kidult去迷戀玩具的性質，總有相同之處吧。

我在showhappy打的音樂介紹(二之一)

因為我不希望白費早前的功夫，不想那些簡單的、小小的音樂介紹流失，故把在showhappy打的都重post在這裡，還可讓新朋友認識一下我喜歡的音樂嘛!!!^^

四月六日
唔，聽日就係sigur ros係香港既live啦，咁我就介紹一首我最鐘意既sigur ros啦。呢首就係0係agaetis byrjin裡面的gotti teiknadi啦(都唔知咩文黎架....)。

一黎就係好靚既、我覺得好似係管風琴既音樂，轉音位係好清楚既，應該係琴啦。呢種聲音係成首歌都有出現，係chorus既出現仲更加明顯。佢既加入，令原本好靚既sigur ros多左一份淒美。 全首歌俾我既感覺係好似係一大遍空曠的雪地，雖然好靚，但係好凍。到chorus係一種努力掙扎既感覺，可惜既係最尾掙扎完都係冇結果。成首歌係唔同時段都會出現d"太空聲"，我諗就係呢種聲令到我覺得好似有冷風吹埋黎咁。好正架，鍾意既可以問我。

四月七日
哈哈哈...今日突然想介紹d搞笑野俾大家，相信各位yotsr既成員，有去劈開既都聽過呢首。哈哈哈，就係the darkness既givin' up啦，yeah!!!

袁老師曾經講過一個咁既故事：如果你係一個英國十幾歲既靚仔，你係自己間房播the darkness既歌係度fung緊之際，你老豆會敲你門，之後問你.... 老豆：你做咩?左我d碟黎聽呀仔.... 你：下...老豆，我聽緊既係03年最興既樂隊，仲係04既brit awards?左好多獎架!!! 老豆：點解同我後生果時、七十年代既rock band咁似既？你等陣去我房，我俾我d黑膠你聽下... "然後，你人生第一次跟爸爸喝著啤酒，大談搖滾音樂經，那全拜The Darkness所賜。"(我真係好憧憬呢個情形會係我身上出現)

冇錯啦，the darkness玩既野就係要帶係返番去70年代。你睇佢地既做型，真係會以為佢地遲左30年出世!!!! 我其實冇聽過佢地好多歌，因為一首givin' up已經夠我聽到既興奮又笑到肚痛。

四月十一日

好累...都要介紹隻歌俾你地...radiohead既creep... 好pop既一首作品，絕對岩唔鐘意嘈野既心聽架啦.....開頭到chrous都係好懶咁既...到chrous有兩野好搶既guitar聲...留意下^^咁就入左melody好好聽既chrous...後段既假音都唱得好正!!!

四月十二日
介紹返一首歌俾你地先^^....今日係the verve既history，另一首易入ear、brit-pop之作。

我諗好多人都聽過the verve既bitter sweet symphony，我自己覺得呢隻history同佢係有d似架，最起碼都有好強既string part做底。我覺得brit-pop時期有唔少歌都幾相似，特別係vocal。我自己認為the verve既Richard Ahgcroft同suede既Brett Anderson有時唱腔聲線都幾似。 話雖係咁，the verve當然有佢獨特之處，先至會令到而家都仲咁多人迷佢地既歌(佢地散左好耐架啦)。在brit-pop眾多樂隊中(雖然我聽得好少)，佢地係將string放入歌都夾得好好既一隊band。

History首歌既intro一入就已經好似係一首violin concerto咁，係唔知有幾多唔同string part既伴底之下，高到近乎尖既小提琴拉出intro melody。之後Richard把?就入啦，string就一路都做住個底再加上一支unplugged既吉他，ok多野既percussion，首歌就走左出黎。有一d特別既野係，你細心聽下，可以發現到string part係愈黎愈高音架(一開始intro之後就沉返)，一步一步咁推個高位出黎，到coda都係由string完結。 講多少少，我成日覺得the verve既歌有"成唔斷氣"既感覺。我並冇貶意，反而係好似有一個延續咁，令隻歌永遠奏落去。死唔凵氣既意思就係好似就死都仲要唱落去，唔願斷氣咁ja。

四大天王眼中的香港樂壇

最近看了三套電影，分別為《黑社會二》、《獸猛猛奇兵》及《四大天王》。 三套之中得到最多的竟是沒想過要看的《四大天王》。

在此，我勸喻各位有意去看這片的朋友，錢多的便捐一點給康樂組經費，不要浪費在恐怖的"娛樂"身上。

這片爛得嚇人。迪士尼傳統老套的親子情節，加上一點點只會令小朋友發笑的笑位，廿來歲的實不應去看。這是比《finding nemo》差的《finging nemo》。仔與老豆失散；老豆連同一班朋友出發到自己不熟識的地方尋回寶貴兒子；兒子對父親有所誤會；最後和好如初，奮勇抗敵。救命......

有一段很有趣，當他們身在紐約的大街時，backgroung music竟響起coldplay的歌來。coldplay=大城市？


我不懂得評論影片，就算《黑社會二》有多深層的意思，我都不知要說什麼。只想說說影片的配樂。記不得上一套是否都有同樣的情況出現。在這片中，每當有暴力的場面出現，你不會聽到在《古惑仔》中常有的刀斬在人身上的誇張聲效，不會聽被斬者的慘叫聲，只會聽到背景配樂，多是笛子聲吧。真的，沒有其他?音出現，角色中雖是沒有對話，但連應有的深深的呼吸?都不曾出現。

我認為這的確比古惑仔的刀光劍影聲更能令人感到心寒、震撼。


要開始談談《四大天王》啦。我不像家肥那樣看到很多的東西，只是對與香港樂壇有關的情節留意多一點。

這片要說的是老生常談的問題，並非如各大報紙雜誌所說的"披露香港明星工廠不為人知的一切"。其特別在於不只是單單告知你香港娛樂圈的"獨特之處"，而是直接做一次給你看，會更有說服力，會令人更易相信吧。

我很喜歡片中加插的不同歌手或音樂從業員的訪問，當然，不是全部論點我都好認同。

先談談黃貫中所說的。他笑說現時的流行曲，有三分之一首的melody肯定是曾經聽過，只是由前移到後，由後移到中，又由中移回前吧。有趣吧，我非常認同這個pt。Davy又說，現在的歌不是情便是愛。他們要說的是什麼？香港流行樂壇一成不變!!!

對於這話題，我已談過很多次，很悶吧？香港的流行音樂更悶呀!!!喜歡陳奕迅，只喜歡他的聲線及小部份的歌曲，大部分的都是悶得發瘋的canton-pop。請細心留意，《幸福摩天輪》、《k哥之王》、《歲月如歌》、《shall we talk》、《猜程尋》、《夕陽無限好》等等等等，這一堆要plug的流行曲，都有其共通點。曲式大多數以ABABA的，頭一個AB必定要細聲，B不能全力的唱，高音部份只可以假音上，因為真正的實力要在第二個B才可出現。細心留意便知我沒有騙你的。

張學友亦說到一個有趣的PT。現時能唱的不多，樣貌可以的便當偶像派吧，但不表示在圈中樣貌不行的便是實力派。這一類樣貌不成而且不能唱的"歌手"，這些是什麼？當晚我有點怒火的對阿輝說：這些人是什麼？不正是仆街嗎？只懂得去騙那些有眼無珠的0靚好仔，不配稱為音樂工作者，請不要沾染音樂這兩個字!!!

說一點題外話。有一幕我記得很清楚，是他們上了娛樂版那套。歌名都寫錯為《阿當的誘惑》，很可笑吧？這正是香港報紙雜誌娛樂記者的能力。

娟娟媽在我的SHOWHAPPY日記留言：你知唔知呢sigor ros黎香港開concert全場爆滿 (2000個位) 連stephy都有去睇呀!!仲encore左half hour~!這正正表現出香港傳媒界的無能。我看過各份報紙對sigur ros的報導，沒有一篇佔多過八分之一的板面。在這細細格子裡，說sigur ros主音竟認自己是同性戀者佔了篇幅一半，報導有那位明星去觀看佔多四分之一，剩下四分之一只是說場景有多美、氣氛是何其熱鬧等等。這樣的一篇報導，丁點兒sigur ros的音樂都不曾提及到。

在影片近結尾時，黃貫中說他對香港流行樂壇是極度的絕望，但他認為到最差最差的情況出現時，新的一點希望便會出現。這是很值得細細思考的問題。

新開始，用新blog

不再用showhappy的原因有二。先是我不懂令其變得更漂亮，字體更是令你看得發瘋，我真是再受不了，此其一(溫sir tone)。
此其二(我不明白何以溫sir在未說出第二點時會先說"此其二")，如標題說的新開始，用新blog。
我一直認為必須認真地想一想這大半年我所得到的是什麼。這是一個深層的問題，可由表面到到的高考成績談到本人內在的人格改變。

話雖如此，我說過不下百遍，這一年得到的，一定要包括大學學位一個。這正是我們(左邊的四位，家肥、肥子、肥莊及本人sf)選擇重讀的目的。我有一個不太好的想法，得到大學學位以外的回報只是副產品，只是安慰獎。

這說法真是差勁，將成績放在一切之上。可惜，這正是香港教育制度的遊戲規則。It's just a game!!!

在這一刻，我感到最大的回報是三位朋友。上年的溫習，我得到與暉豪及阿耀之間的一段友誼；這一年的自修，建立了一份情在四肥之中。

友誼的建立，全因四個字....相依為命。

新生活開始，總要先懷念過去。看過肥子及肥莊各自在日記打出這年的感想，我很感動。 我也想打一點，只怕不夠動人。讓我有更長時間想想，怎樣去表達這深深的感覺，便會有所行動。

介紹音樂的環節是不死的。

來吧，canton-pop!!!
不是全部香港歌手都唱canton-pop的。林海峰算是香港歌手吧。2005年，其音樂上的成績似是不錯，<<三字頭>>、<<男子組>>、<<流行曲>>，被903播得不能再hit。但這幾首作品我都不太喜歡。頭兩首不說，既pop而且melody不好聽。<<流行曲>>在eric kwok式的melody，加上林海峰的詞，變得矛盾。若果用意在於取笑香港樂壇，我看效果不太大。反之，似是變成另一首pop song，使廣大的年輕樂迷不理會歌詞含意在街上大唱一番。

要聽林海峰的歌，便聽早一張、由sticky rice糯米團負責音樂部份的<<我撐你>>(林海峰多是參與歌詞創作，不知他在音樂部份付出了多少)。

這張碟聽到很多有趣的底。一首<<我撐你>>，似是jazz中double bass式的bass出現在中段過場。尾段很創的trumpet?，雖我分不清是電腦做的trumpet，但真的很爽。在香港流行樂曲，很少在較吵鬧的歌中出現琴聲，而這正在這首歌中出現。糯米團做的music很full，而且這隻歌更有funky的味道，不錯吧!!!

我考中化當天，在步行到試場的一段路，我不斷的聽著這首歌
我知道，是有人在撐我。(所以話呢，歌詞part都有佢既重要性既)